Viral Video: ఓ మై గాడ్.. రైలు వస్తుంటే పట్టాలపై పడుకున్నాడు, ఇంతలో..

ఓ వ్యక్తి ఆత్మహత్య చేసుకొనేందుకు పట్టాలపై పడుకున్నాడు. ఇంతలో రైలు అటుగా వచ్చింది. ఆ తర్వాత ఏం జరిగిందనేది ఈ వైరల్ వీడియోలో చూడండి.

రైలు పట్టాలపై వ్యక్తి.. మరోవైపు రైలు

ఓ వైపు రైలు వేగంగా వస్తోంది. మరోవైపు రైలు కోసమే వెయిట్ చేస్తున్న ఓ వ్యక్తి ఒక్కసారిగా పట్టలపైకి వచ్చాడు. మరికొద్ది సేపటిలో రైలు అలా వస్తుందని తెలియగానే.. అతడు పట్టాలపై పడుకున్నాడు. అయితే.. అతడికి ఈ భూమి మీద నూకలు మిగిలే ఉన్నాయి. దూరం నుంచే రైలు డ్రైవర్ (లోకో పైలట్) అతడిని గమనిచాడు. సరిగ్గా అతడిని సమీపిస్తుండగా బ్రేకులు వేశాడు. ఇది గమనించిన రైల్వే పోలీసులు హుటాహుటిన అక్కడికి చేరుకుని.. అతడిని పట్టాల మీద నుంచి లేపారు. ఈ ఘటన అక్కడే ఉన్న సీసీటీవీ కెమేరాల్లో రికార్డైంది. ఈ వీడియో ఇప్పుడు సోషల్ మీడియాలో వైరల్‌గా మారింది. 

ఈ ఘటన ముంబయిలోని సెవ్రీ రైల్వే స్టేషన్ సమీపంలో చోటుచేసుకుంది. రైల్వే మంత్రిత్వ శాఖ ఈ వీడియోను ట్విట్టర్‌లో పోస్ట్ చేస్తూ.. ఆ రైలు డ్రైవర్‌‌ను కొనియాడారు. ‘‘మోటర్‌మ్యాన్(రైలు డ్రైవర్) చేసిన పని మెచ్చుకోదగినది. ముంబైలోని సెవ్రీ స్టేషన్‌లో ట్రాక్‌పై పడుకున్న వ్యక్తిని చూసిన వెంటనే మోటర్‌మ్యాన్ అప్రమత్తమయ్యాడు. వెంటనే అత్యవసర బ్రేక్‌ను వేసి.. అతడి ప్రాణాలు కాపాడాడు. మీ జీవితం విలువైనది, ఇంట్లో మీ కోసం మీ ఆప్తులు వేచి చూస్తుంటారు’’ అని ట్వీట్‌లో పేర్కొన్నారు. ఈ వీడియో చూసిన నెటిజనులు సైతం మోటర్‌మ్యాన్‌‌పై ప్రశంసల వర్షం కురిపిస్తున్నారు.

मोटरमैन द्वारा किया गया सराहनीय कार्य : मुंबई के शिवड़ी स्टेशन पर मोटरमैन ने देखा कि एक व्यक्ति ट्रैक पर लेटा है उन्होंने तत्परता एवं सूझबूझ से इमरजेंसी ब्रेक लगाकर व्यक्ति की जान बचाई।

आपकी जान कीमती है, घर पर कोई आपका इंतजार कर रहा है। pic.twitter.com/OcgE6masLl

— Ministry of Railways (@RailMinIndia) January 2, 2022

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి