ఓ మై గాడ్.. రోడ్డుపై నడుస్తుంటే నెత్తిపై పడిన పిడుగు.. వీడియో వైరల్

రోడ్డుపై నడుచుకుంటూ వెళ్తున్న ఓ వ్యక్తి అకస్మాత్తుగా పిడుగు పడింది. ఈ వీడియో ఇప్పుడు సోషల్ మీడియాలో వైరల్‌గా మారింది.

Image Credit: @Heritzal/Twitter

జోరు వానలో ఎంత తడిచినా పర్వాలేదు. కానీ, ఉరుములు మెరుపులు ఎక్కువగా ఉన్నప్పుడు బయటకు వెళ్లడం అంత సురక్షితం కాదు. ఏ పిడుగు ఎప్పుడు ఎక్కడ పడుతుందో చెప్పలేం. పిడుగుకు ప్రాణాలు తీసేంత పవర్ ఉంది. కాబట్టి.. ఆ సమయంలో కనీసం కిటికీల వద్ద కూడా నిలుచుకూడదు. కాదు.. కూడదని మొండికేసి బయటకు వెళ్తే.. ఇదిగో ఈ వ్యక్తికి ఎదురైన పరిస్థితే మీకూ ఎదురుకావచ్చు. 

ఇండోనేషియాలోని జకార్తలో ఓ వ్యక్తి వర్షంలో గొడుగు పట్టుకుని రోడ్డుపై నడుస్తున్నాడు. కొంచెం దూరం వెళ్లిన తర్వాత అకస్మాత్తుగా పిడుగు నేరుగా అతడిపై పడింది. అంతే.. క్షణాల్లో ఆ ప్రాంతం నిప్పుల వర్షం కురుస్తున్నట్లుగా మారిపోయింది. పిడుగు దెబ్బకు బాధితుడు కుప్పకూలాడు. అక్కడే ఉన్న స్థానికులు హుటాహుటిన వెళ్లి.. అతడికి సాయం చేశారు. అక్కడి సీసీటీవీ కెమేరాలో రికార్డైన ఈ ఘటన వీడియో ఇప్పుడు సోషల్ మీడియాలో వైరల్‌గా చక్కర్లు కొడుతోంది. 

ఇప్పుడు ఎలా ఉన్నాడు?: సాధారణంగా పిడుగు పడితే బతికే అవకాశాలు చాలా తక్కువ. అక్కడికక్కడే చనిపోయే ప్రమాదం ఉంది. కానీ, ఈ బాధితుడు మాత్రం ప్రాణాలతో బయటపడ్డాడు. అతడిని వెంటనే స్థానిక హాస్పిటల్‌లో చేర్చడంతో వైద్యులు హుటాహుటిన వైద్యం అందించారు. అయితే, పిడుగు సరిగ్గా అతడి మీదే పడటానికి కారణాలేమిటనే అంశంపై చర్చ జరుగుతోంది. అతడి వద్ద వాకీటాకీ ఉండటం వల్ల పిడుగు.. నేరుగా పడి ఉంటుందని కొందరు అంటున్నారు. మరికొందరు మాత్రం.. గొడుకు ఉండే లోహపు కడ్డీ పిడుగును ఆకర్షించి ఉండవచ్చని అంటున్నారు. అసలు అక్కడ ఏం జరిగిందనేది ఈ కింది వీడియోలో చూడండి. 

Security officer in Jakarta was struck by lightning while on duty, avoid using radio and cellular telephones when it is raining, the condition of the victim survived after 4 days of treatment. not everyone has the same chance to live. 当選確率 #Bitcoin #NFTs $BTC $ETH #ALERT pic.twitter.com/4XhW6Oh3U9

— Lexus RZ (@Heritzal) December 26, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి