Lucky Food: మీ వంటింట్లో ఉండే ఈ చిట్టి పదార్థం అదృష్టాన్ని తెచ్చేస్తుందండోయ్!

ఈ మసాలా దినుసు వంటలకి రుచి, సువాసన ఇవ్వడమే కాదు మీకు అదృష్టాన్ని కూడా తెచ్చిపెడుతుంది.

Image Credit: Pexels

ఏ పని తలపెట్టినా కలిసి రావడం లేదని, అదృష్టం లేదని చాలా మంది పూజలు చేయడం చూస్తూనే ఉంటారు. కుటుంబ శ్రేయస్సు, సంతోషం కోసం ఏదైనా దోషాలు ఉంటే దోష పూజలు, హోమాలు, యజ్ఞాలు అని హిందువులు ఎక్కువగా గుళ్ళు, గోపురాలు అని తిరుగుతూ ఆచారాలు పాటిస్తారు. కానీ మీ అదృష్టం తెచ్చే పదార్థం మీ వంటింట్లోనే ఉందంటే నమ్ముతారా? చూసేందుకు చిన్నగా ఉన్నా అదృష్టం మాత్రం తెస్తుందట. అదేంటి అని ఆలోచిస్తున్నారా? అదే లవంగం.  

భారతీయ గృహిణులు ఎక్కువగా మసాలాగా ఉపయోగించే లవంగం వల్ల బోలెడు ప్రయోజనాలు ఉన్నాయి. శక్తివంతమైన ఆరోగ్య ప్రయోజనాల కోసం మాత్రమే కాకుండా గృహ నివారణాలు, మందులు, దంత, జుట్టు సంరక్షణ ఉత్పత్తుల్లో కూడా దీన్ని ఉపయోగిస్తారు. అయితే ఈ చిన్న మసాలా మీకు అదృష్టం ఎలా తెస్తుందా అని ఆలోచిస్తున్నారా? ఈ విషయాలు మీరు తెలుసుకోవాల్సిందే.. 

హిందూ సంప్రదాయం ఏం చెప్తోంది?

హిందూ విశ్వాసాల ప్రకారం లవంగం సాంప్రదాయకంగా అనేక ఆచారాలు, పండుగలలో ఉపయోగిస్తారు. ఇది చెడు దృష్టి పడకుండా చేస్తుంది. అందుకే నవరాత్రుల్లో దుర్గాదేవికి నైవేద్యంగా ఒక జత లవంగాలు పెడితే జీవితంలో సుఖసంతోషాలు లభిస్తాయని నమ్ముతారు.

లవంగం నమలాలి

ఒక ముఖ్యమైన చర్చ లేదా వ్యాపార ఒప్పందానికి ముగించేటప్పుడు లేదా ఏదైనా మంచి పనికి వెళ్తున్నప్పుడు లవంగం నమిలితే విజయం లభిస్తుందని పెద్దలు అంటారు. అలా చేయడం వల్ల మనం అనుకున్న పని ఎటువంటి ఆటంకాలు లేకుండా నిర్విగ్నంగా జరుగుతుంది. విజయం సాధిస్తారు.

సంపద ఇస్తుంది

లక్ష్మీ దేవిని పూజించేటప్పుడు ప్రతిరోజు ఎర్రగులాబీలతో పాటు రెండు లవంగాలు కూడా నైవేద్యంగా సమర్పించడం ద్వారా అదృష్టం, డబ్బు కలసి వస్తాయని నమ్మకం. ప్రతి రోజు ఇలా చెయ్యడం కూడరాకపోతే శుక్రవారం పూట అయిన ఇలా చేస్తే ఆర్థికంగా బాగుంటారు.

బయటకి వెళ్ళే ముందు

ఇంట్లో నుంచి బయలుదేరి వెళ్ళేముందు నోట్లో రెండు లవంగాలు ఉంచుకోవడం వల్ల ఆ రోజంతా ఎటువంటి అడ్డంకులు లేకుండా ఉంటుంది. ఏవైనా అవాంతరాలు వచ్చినా తొలగిపోతాయాని నమ్ముతారు.

చెడు దృష్టి పారిపోతుంది

శనివారాల్లో నూనె దీపంలో మూడు, నాలుగు లవంగాలు వేసి వెలిగించి ఇంట్లోని ఒక చీకటి మూల పెట్టాలి. ఇలా చేయడం వల్ల ఇంటి మీద పడే చెడు దృష్టి తొలగిపోతుందని పెద్దలు చెబుతారు. ఇలా చేస్తే ఇంట్లో ఉన్న ప్రతికూల శక్తుల ప్రభావం కూడా తొలగిపోతుంది.

ఆరోగ్యపరంగాను..

లవంగాలు అదృష్టం తెచ్చే వాటిగానే కాదు ఆరోగ్యపరంగా కూడా ఎన్నో విధాలుగా మేలు చేస్తుంది. ఇందులో యాంటీ ఆక్సిడెంట్లు పుష్కలంగా ఉంటాయి. నొప్పులు తగ్గించుకునేందుకు లవంగాల నూనె కూడా ఉపయోగిస్తారు. ఇది రాసుకోవడం వల్ల ఎంతటి నొప్పి అయినా తక్షణమే రిలీఫ్ ఇస్తుంది. పిప్పి పన్ను నొప్పి నుంచి ఉపశమనం పొందేందుకు చాలా మంది లవంగాలు కాల్చి నొప్పి ఉన్న ప్రదేశంలో పెడతారు. ఇలా చేయడం వల్ల అక్కడ ఉన్న బ్యాక్టీరియా నశించడంతో పాటు నొప్పి కూడా తగ్గుతుంది.

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.