Miss World 2025 Events : మిస్​ వరల్డ్ 2025 పోటీలకు సిద్ధమైన హైదరాబాద్.. ఈవెంట్ డేట్స్, పూర్తి డిటైల్స్ ఇవే

Miss World 2025 : ప్రపంచ సుందరి పోటీలను హైదాబాద్​లో నిర్వహించనున్నారు. అయితే దానికి సంబంధించిన తేదీలు, పూర్తి డిటైల్స్, ప్రభుత్వం చేస్తున్న ఏర్పాట్లు ఏంటో చూసేద్దాం.

తెలంగాణలో జరుగనున్న ప్రపంచ సుందరి పోటీలు డిటైల్స్ ఇవే (Image Source : Instagram/Miss World)

Source : Instagram

72nd Miss World Events in Telangana : ప్రపంచంలోనే అత్యంత ప్రతిష్టాత్మకమైన మిస్​ వరల్డ్ పోటీలకు హైదరాబాద్ సిద్ధమవుతుంది. ఈ గ్లోబల్ ఈవెంట్​ను సక్సెస్ చేసేందుకు తెలంగాణ రాష్ట్ర పర్యాటక శాఖ భారీ ఎత్తులో ఏర్పాట్లు కూడా చేస్తుంది. మరి ఈ గ్లోబల్ ఈవెంట్​ ఎప్పుడు ప్రారంభమవుతుంది. ఎన్నిదేశాలు ఈ పోటీపడనున్నాయి? ఈవెంట్​కి సంబంధించిన వివరాలు ఏంటో.. మిస్ వరల్డ్ 2025 పోటీలకు సంబంధించిన పూర్తి డిటైల్స్ ఇప్పుడు చూసేద్దాం. 

హైదరాబాద్ 72వ మిస్ వరల్డ్ పోటీలకు సిద్ధమైపోయింది. గతేడాది మిస్​ వరల్డ్ పోటీలకు న్యూఢిల్లీ, ముంబై వేదికవగా.. 2025 పోటీలకు గానూ తెలంగాణ సిద్ధమవుతుంది. మే 31వ తేదీన హైదరాబాద్​లో మిస్​ వరల్డ్ ఫైనల్ ఈవెంట్ జరగనున్నట్లు ఫిబ్రవరిలోనే ఆర్గనైజర్స్ అనౌన్స్ చేశారు. హైదరాబాద్​లో మిస్​ వరల్డ్​ పోటీలు జరగడం ఇదే మొదటిసారి. ఇప్పటివరకు జరిగిన 71 మిస్​ వరల్డ్ పోటీలకు ఇండియా రెండుసార్లు ఆతిథ్యమివ్వగా (1996, 2024).. ఇప్పుడు జరిగే హైదరాబాద్​ ఈవెంట్​(2025)తో మూడోసారి ఆతిథ్యమివ్వనుంది. అంతర్జాతీయ ప్రమాణాలకు అనుగుణంగా భాగ్యనగరం సిద్ధమవుతోంది. 

140 దేశాలు.. 3 వేల మంది భామలు..

తెలంగాణ జరూర్ ఆనా అనే ట్యాగ్​లైన్​తో.. సంప్రదాయాలను, ఆధునికతలను ఏకం చేస్తూ.. రాష్ట్రప్రభుత్వం ముందుకు వెళ్తుంది. అయితే తెలంగాణలో జరుగుతున్న ఈ మిస్ వరల్డ్ ఈవెంట్​లో మొత్తం 140 దేశాలు పోటీపడనుండగా.. 3వేల మంది భామలు కంటెస్టెంట్​లో పాల్గొననున్నారు. మిస్ వరల్డ్ 2025 పోటీలు మే 7వ తేదీ నుంచి మే 31వ తేదీవరకు జరగనున్నాయి. పోటీల్లో భాగంగా ఫ్యాషన్ రౌండ్స్, సాంస్కృతిక ప్రదర్శనలు, ఇతర కార్యక్రమాలు నిర్వహించనున్నారు. దానికి తగిన ఏర్పాట్లు చేస్తున్నారు. 

చేనేత థీమ్​లో భామలు.. 

తెలంగాణను రిప్రజెంట్ చేస్తూ.. ఈసారి మిస్​ వరల్డ్ పోటీల్లో చేనేత వస్త్రాలను హైలెట్ చేయనున్నట్లు తెలుస్తుంది. పోచంపల్లి, ఇక్కట్, చేనేత వస్త్రాలను ఫ్యాషన్ ప్రపంచానికి మరింత చేరువ చేసేలా ఏర్పాట్లు చేస్తున్నారు. పోటీల్లో భాగంగా నిర్వహించే ఫ్యాషన్ రౌండ్, సాంస్కృతిక ప్రదర్శనల్లో చేనేత వస్త్రాలు ప్రదర్శించనున్నారు. ఈ థీమ్ ద్వారా నేతన్నలకు మరింత డిమాండ్ పెరుగుతుందని భావిస్తున్నారు. 

వెన్యూ ఇదే.. 

హైదరాబాద్​లోని హైటెక్స్ ఎగ్జిబిషన్ సెంటర్​లో మిస్ వరల్డ్ ప్రధాన వేడుకలు జరగనున్నాయి. అయితే తెలంగాణాలోని వివిధ ప్రాంతాల్లో వివిధ కార్యక్రమాలు నిర్వహించనున్నారు. ఈ పోటీల వల్ల టూరిజం కూడా పెరుగుతుందని.. ప్రపంచ వ్యాప్తంగా తెలంగాణకు మంచి గుర్తింపు వస్తుందని భావిస్తున్నారు. 

మరిన్ని చదవండి

మిస్ వరల్డ్, మిస్ యూనివర్స్​గా గెలిచిన ఇండియన్ బ్యూటీలు వీళ్లే

మిస్ వరల్డ్ విన్నర్​కు ఎన్నో ఉచితమైన సేవలు.. కిరీటం ధర లక్ష డాలర్లుకు పైమాటే కానీ