Constipation : మలబద్ధకంతో ఇబ్బంది పడుతుంటే వీటిని కచ్చితంగా ఫాలో అవ్వండి.. ఆ ఫుడ్స్కి దూరంగా ఉండండి
Constipation Home Remedies : మలబద్ధకాన్ని తీవ్రమైన జీర్ణ సమస్య. దీనిని వీలైనంత త్వరగా దూరం చేసుకోవడానికి కొన్ని టిప్స్ ఫాలో అవుతూ.. కొన్ని ఫుడ్స్ డైట్లో చేర్చుకోవాలట. అవేంటంటే..
Tips for Preventing Constipation : మలబద్ధకం రావడానికి ఎన్నో కారణాలు ఉంటాయి. ఇది వస్తే కనుకు మల విసర్జన చేయడం కష్టంగా ఉంటుంది. అలాగే మలద్వారం వద్ద పగుళ్లు, కడుపు ఉబ్బరం, తిమ్మిరి వంటి జీర్ణ సమస్యలు ఉంటాయి. ఈ సమస్యను వీలైనంత త్వరగా తగ్గించుకోవాలని లేదంటే తీవ్రమైన ఇబ్బందులు ఎదుర్కోవాల్సి వస్తుందని నిపుణులు చెప్తున్నారు.
ఫైబర్ ఉండే ఫుడ్ని తక్కువగా తీసుకోవడం, నీటిని తాగకపోవడం, శారీరక శ్రమ లేకపోవడం, ఒత్తిడి, కొన్ని రకాల మందుల వల్ల మలబద్ధకం వస్తుంది. ఈ సమస్యను దూరం చేసుకోవాలంటే ఎలాంటి జాగ్రత్తలు తీసుకోవాలి? ఏ ఫుడ్స్కి దూరంగా ఉండాలి? ఏమి తింటే మంచిదో ఇప్పుడు చూసేద్దాం.
మలబద్ధకాన్ని ఇలా దూరం చేసుకోండి..
శరీరానికి అవసరమైనంత నీటిని అందించాలి. హైడ్రేటెడ్గా ఉండాలి. రోజుకు 7 నుంచి 8 గ్లాసుల నీటిని తాగాలి. ఉదయాన్నే గోరువెచ్చని నీటిని లేదా హెర్బల్ డ్రింక్స్ని తీసుకుంటే మంచిది. దీనివల్ల బౌల్ మూమెంట్స్ ఫ్రీ అవుతాయి. రోజుకు కనీసం 30 నిమిషాలు అయినా వ్యాయామం చేయడం మంచిది. లేదంటే వాకింగ్ చేసేనా మంచి ఫలితాలు ఉంటాయి.
వాష్రూమ్కి రోజూ వెళ్లండి. ఒకే టైమ్కి వెళ్లడం అలవాటు చేసుకోండి. దీనివల్ల మలబద్ధకం సమస్య దూరమవుతుంది. అలాగే మూమెంట్ ఉంటేనే కొందరు వాష్ రూమ్కి వెళ్తారు. అలా కాకుండా రొటీన్ టైమ్లో బౌల్ మూమెంట్ ఉన్నా లేకున్నా వెళ్లాలని వైద్యులు సూచిస్తున్నారు. అలాగే మోషన్ని కంట్రోల్ చేసుకోవద్దని సూచిస్తున్నారు. అలా చేస్తే పరిస్థితి ఇంకా దిగజారుతుందట.
తీసుకోవాల్సిన ఫుడ్స్ ఇవే
రోజూ ఒకే టైమ్కి ఫుడ్ తీసుకునేలా చూడండి. దీనివల్ల జీర్ణక్రియ మెరుగ్గా ఉంటుంది. బౌల్ యాక్టివిటీ మెరుగవుతుంది. ఫైబర్ ఎక్కువగా ఉండే ఫుడ్స్ని డైట్లో చేర్చుకోవాలి. యాపిల్స్, బెర్రీలు, ఎండు ద్రాక్షలు, అంజీర్, కివీ వంటి వాటిలో ఫైబర్ పుష్కలంగా ఉంటుంది. బ్రకోలీ, క్యారెట్స్, పాలకూర, స్ప్రౌట్స్ వంటివి కూడా మంచిదే. ఓట్స్, గోధుమ బ్రెడ్, బ్రౌన్ రైస్, క్వినోవాలో కూడా ఫైబర్ ఉంటుంది. పప్పులు, శనగలు, బ్లాక్ బీన్స్, కిడ్నీ బీన్స్ కూడా మంచి ఫలితాలు ఇస్తాయి. చియాసీడ్స్, అవిసెగింజలు, బాదం, వాల్నట్స్ని స్నాక్స్ రూపంలో తీసుకోవచ్చు.
తినకూడని ఫుడ్స్ ఇవే..
కొన్ని ఫుడ్స్ మలబద్ధకాన్ని తగ్గిస్తే.. మరికొన్ని పరిస్థితిని మరింత తీవ్రంగా మారుస్తాయి. అందుకే కొన్ని ఫుడ్స్ తీసుకోకూడదని చెప్తున్నారు నిపుణులు. ప్రాసెస్ చేసిన ఫుడ్, ఫాస్ట్ ఫుడ్, చిప్స్, ఐస్ క్రీమ్ వంటివి తీసుకోకపోవడమే మంచిదట. వైట్ బ్రెడ్, అన్నం, పాస్తా కూడా అంతమంచిది కావట. పాలు, చీజ్, కెఫిన్ వంటివాటికి దూరంగా ఉండాలంటున్నారు. ఆల్కహాల్ కూడా పరిస్థితిని విషమం చేస్తుందని చెప్తున్నారు. అందుకే వీటికి దూరంగా ఉండాలి.
ఈ టిప్స్ ఫాలో అవుతూ డైట్లో మార్పులు చేస్తే మలబద్ధకం కంట్రోల్ అవుతుందని చెప్తున్నారు. పరిస్థితి విషయమిస్తే మీరు వైద్యుల సాయం తీసుకోవచ్చు. అలాగే వారు సూచించిన టిప్స్ కచ్చితంగా ఫాలో అయితే మంచి ఫలితాలు ఉంటాయి.
టాప్ హెడ్ లైన్స్
ట్రెండింగ్ వార్తలు
