Phenyl for Floor Cleaning : ఫినాయిల్తో ఫ్లోర్ తుడుస్తున్నారా? వారానికి ఎన్నిసార్లు, ఎంత ఫినాయిల్, ఎలా వాడాలో తెలుసా?
Phenyl Cleaning Tips : ఇంటిని, ఆఫీస్ ఇతర ప్రదేశాల్లో ఫ్లోర్ క్లీనింగ్ కోసం చాలామంది ఫినాయిల్ వాడతారు. అయితే దీనిని వారంలో ఎన్నిసార్లు ఉపయోగించాలి? బకెట్ నీటిలో ఎంత ఫినాయిల్ కలపాలో చూసేద్దాం.
- ఒక లీటరు నీటిలో సుమారు 30-50 ml ఫినాయిల్ కలపాలి.
- కిచెన్, బాత్రూమ్లు ప్రతిరోజు లేదా రోజువిడిచి రోజు తుడవాలి.
- బెడ్రూమ్, హాల్‌లను వారానికి రెండు, మూడుసార్లు శుభ్రం చేయవచ్చు.
- ఫినాయిల్ నేరుగా నేలపై వేయకుండా నీటిలో కలపాలి.
Floor Cleaning With Phenyl : ఇంటిని ఊడ్చి, తడిపెట్టడం అనేది రోజువారీ ఇంటి పనుల్లో ముఖ్యమైన పనిగా చెప్పవచ్చు. హాల్, వంటగది, బాత్రూం వంటి ఎక్కువగా తిరిగే ప్రదేశాలు త్వరగా మురికిగా అవుతాయి. అందుకే వీటిని శుభ్రంగా ఉంచేందుకు చాలా మంది ఫినాయిల్‌ను ఉపయోగిస్తారు. ఎందుకంటే ఇది నేలను శుభ్రపరచడమే కాకుండా దుర్వాసనను తగ్గించడంలో కూడా సహాయపడుతుంది.
ఫినాయిల్ ఎన్నిసార్లు వాడాలి?
ఫినాయిల్ వినియోగం అనేది.. మీరు శుభ్రం చేసే ప్రాంతం, పేరుకుపోయే మురికి పరిమాణంపై ఆధారపడి ఉంటుంది. వంటగది, బాత్రూమ్, బెడ్రూమ్, గెస్ట్ రూమ్ వంటివి ఎన్నిసార్లు, ఎలా క్లీన్ చేస్తే మంచిదో చూద్దాం. అలాగే వారానికి ఎన్నిసార్లు ఫినాయిల్తో నేలను తుడవాలి? ప్రతిరోజూ తుడవడం అవసరమా? బకెట్ నీళ్లలో ఎంత ఫినాయిల్ వేయాలో వంటి విషయాలు ఇప్పుడు తెలుసుకుందాం.
Also Read : మంచం కింద పేరుకుపోయిన దుమ్ము, చెత్తను ఈజీగా శుభ్రం చేయాలంటే.. ఈ టిప్స్ ఫాలో అవ్వండి
బకెట్ నీటికి ఎంత ఫినాయిల్ కలపాలి?
ఫినాయిల్ గాఢత, అందులోని పదార్థాలను బట్టి ఎంత ఫినాయిల్ కలపాలో నిర్ణయించుకోవాలి. నేలను శుభ్రపరచడానికి ఒక లీటరు నీటికి సుమారుగా 30 నుంచి 50 మిల్లీలీటర్ల ఫినాయిల్ కలపవచ్చు. బాత్రూమ్లు లేదా ఎక్కువ రద్దీ ఉండే ప్రదేశాలు, బాగా మురికిగా ఉన్న ప్రదేశాలకు.. ఒక లీటరుకు 60 నుంచి 80 మిల్లీలీటర్లు ఉపయోగించవచ్చని సిఫార్సు చేస్తున్నారు. అయితే ప్రొడెక్ట్ బట్టి ఈ మోతాదు మారవచ్చు. అందుకే మీరు వినియోగించే ఫినాయిల్ లేబుల్‌పై ఉన్న పద్ధతి ఫాలో అవ్వండి.
ఫినాయిల్తో తుడిచే పద్ధతి..
ముందుగా ఒక బకెట్‌లో నీళ్లు నింపి.. అవసరమైనంత ఫినాయిల్ కలపండి. నీటిలో కలిసేలా బాగా మిక్స్ చేయండి. ఇప్పుడు శుభ్రమైన మాప్‌ను తీసుకుని.. ఆ నీటిలో ముంచి.. బాగా పిండేయండి. మాప్‌లో నీరు మరీ ఎక్కువగా ఉండకూడదు. ఇప్పుడు.. నేలను సమానంగా తుడవండి. శుభ్రం చేసిన తర్వాత.. నేల పూర్తిగా ఆరిపోయేలా గదికి గాలి తగిలేలా డోర్స్ తీయడం, ఫ్యాన్స్ వేయడం చేయాలి. అలాగే నేల తడిగా ఉన్నప్పుడు పిల్లలు, పెంపుడు జంతువులను దూరంగా ఉంచాలి.
Also Read : ఫ్రిడ్జ్‌లో పాలు, కూరగాయలు, మాంసం ఎక్కడ పెట్టాలి? ఏ అరలో ఏది పెట్టాలో తెలుసా?
రోజూ క్లీన్ చేయాల్సిన రూమ్స్..
కిచెన్, బాత్రూమ్లు త్వరగా తేమ, మురికి, దుర్వాసనలకు గురి అవుతాయి. అందుకే ఈ ప్రదేశాలను ప్రతిరోజూ లేదా రోజు విడిచి రోజు ఫినాయిల్తో తుడుచుకోవచ్చు. వర్షాకాలంలో, తేమ ఎక్కువగా ఉన్నప్పుడు.. ఈ ప్రదేశాల శుభ్రతపై మరింత శ్రద్ధ చూపించాలి. అయితే ఫినాయిల్ పరిమాణాన్ని జాగ్రత్తగా ఎంచుకోవాలి. ఫినాయిల్ ఎక్కువగా కలపడం వల్ల నేలపై జిగట పొర లేదా దాని అవశేషాలు మిగిలిపోవచ్చు. అలా అని తక్కువ ఫినాయిల్‌ను ఎక్కువ నీటితో కలిపితే శుభ్రపరిచే ప్రభావం తగ్గుతుంది. కాబట్టి రూమ్, మురికిని బట్టి ఫినాయిల్ వాడాలి.
బెడ్ రూమ్, హాల్ కోసం..
బెడ్రూమ్, హాల్లో మురికి తక్కువగా ఉండే అవకాశం ఉంది. అందుకే ఈ ప్రదేశాలను వారానికి రెండు నుంచి మూడు సార్లు ఫినాయిల్తో క్లీన్ చేయవచ్చు. ఒకవేళ ఇల్లు దుమ్ముగా ఉండి.. మీకు పెంపుడు జంతువులు ఉంటే.. అవసరమైనప్పుడు మీరు వాక్యూమ్ చేసుకోవచ్చు. క్రమం తప్పకుండా.. తేలికపాటి శుభ్రత చేయడం వల్ల నేలపై దుమ్ము, మురికి పేరుకుపోకుండా ఉంటుంది.
ఫినాయిల్‌ను నేరుగా నేలపై పోయవచ్చా?
ఫినాయిల్ నేరుగా నేలపై పోసి తుడువడానికి బదులుగా.. దానిని సరైన మోతాదులో నీటితో కలపడం మంచిది. ఫినాయిల్ ఎక్కువగా ఉపయోగిస్తే మెరుగైన శుభ్రత వస్తుందని అనుకోకూడదు. ప్రొడెక్ట్పై సూచనలు మాత్రమే ఫాలో అవ్వాలి. అలాగే ఫినాయిల్‌ను ఇతర క్లీనర్‌లతో కలపకూడదని గుర్తించుకోవాలి.
Also Read : ఇంట్లో అద్దాన్ని శుభ్రం చేసే టిప్స్ ఇవే? మచ్చలేని, మెరుపు కోసం వీటిని ఫాలో అయిపోండి
టాప్ హెడ్ లైన్స్
ట్రెండింగ్ వార్తలు
