Mirror Cleaning Tips : ఇంట్లో అద్దాన్ని శుభ్రం చేసే టిప్స్ ఇవే? మచ్చలేని, మెరుపు కోసం వీటిని ఫాలో అయిపోండి
Clean Mirror Without Streaks : గాజును లేదా అద్దాన్ని సులభంగా శుభ్రం చేయాలి.. మెరిపించాలి అనుకుంటున్నారా? అయితే మీరు ఈ సింపుల్ టిప్ ఫాలో అయిపోండి. ఇది మీకు మంచి ఫలితాలు ఇస్తుంది.
Cleaning Mirror Tips for Streak Free Shine : గదుల్లో, బాత్రూమ్‌ల్లో, క్లాజెట్ల్లో అద్దాలు రెగ్యులర్గా వినియోగిస్తాము. బాత్రుమ్లో వినియోగించే అద్దంపై నీటి మరకలు, సబ్బు అవశేషాలు, ఆవిరి వంటి వాటి వల్ల అవి త్వరగా కాంతిహీనంగా, మసకగా మారిపోతాయి. చాలామంది ఈ మరకలను వదిలించడానికిపాత న్యూస్పేపర్స్ వినియోగిస్తారు. అయితే కేవలం కాగితంతో అద్దం ఉపరితలాన్ని రుద్దడం మంచి ఫలితాలు ఇవ్వకపోవచ్చు. మరి అద్దం మచ్చలు లేకుండా, గీతలు లేకుండా మెరుపును పొందాలంటే ఎలాంటి చిట్కాలు ఫాలో అవ్వాలో ఇప్పుడు చూసేద్దాం.
మిర్రర్ క్లీనింగ్ టిప్స్,
అద్దం శుభ్రపరిచే ముందు ఒక స్ప్రే బాటిల్‌లో సమాన పరిమాణంలో నీరు, వైట్ వెనిగర్ కలపండి. ఈ ద్రావణాన్ని అద్దంపై స్ప్రే చేసి.. 2 నుంచి 3 నిమిషాల పాటు అలాగే వదిలేయండి. ఇది మురికి, నీటి మరకలు, మచ్చలను వదులు చేయడానికి సహాయపడుతుంది. దీనివల్ల హార్ష్ కెమికల్ క్లీనర్‌లపై ఆధారపడకుండా మరకలను సులభంగా వదిలించేయవచ్చు.
Also Read : వర్షాకాలంలో ఇంట్లో ఈ ప్రదేశాలను తప్పకుండా శుభ్రం చేయండి.. నిర్లక్ష్యం చేస్తే ప్రమాదమే
న్యూస్ పేపర్తో ఎలా శుభ్రం చేయాలంటే..
అద్దంపై వెనిగర్ చల్లిన తర్వాత.. దానిని శుభ్రమైన, పొడి గుడ్డతో లేదా వార్తాపత్రికతో తుడవాలి. వార్తాపత్రికను సున్నితంగా వాడినప్పుడు.. అది అధిక తేమను పీల్చుకుని, గీతలను తగ్గించడంలో సహాయపడుతుంది. అలాగే కాగితం శుభ్రంగా ఉండేలా చూసుకోవాలి. ఉపరితలంపై అవశేషాలు మిగిలిపోకుండా ఉండేందుకు మరీ గట్టిగా రుద్దకూడదు.
మొండి మరకల కోసం మ్యాజిక్ టిప్
అద్దాలపై మొండిగా, ఎండిపోయి పడిన మరకల కోసం, గోరువెచ్చని వైట్ వెనిగర్‌ను ఉపయోగించి చూడండి. దానిని మరకలు ఉన్న ప్రదేశాలపై స్ప్రే చేసి.. వెనిగర్‌లో ముంచిన పేపర్ టవల్‌ను మరకలపై ఉంచండి. సుమారు 10 నుంచి 20 నిమిషాలు అలాగే ఉంచి.. ఆ తర్వాత ఉపరితలాన్ని మెల్లగా శుభ్రంగా తుడవండి. మొండి మరకలను శుభ్రం చేయడానికి ఇది హెల్ప్ చేస్తుంది.
మసకబారిన అద్దాల కోసం
కొన్ని గాజు ఉపరితలాలపై ఉండే తేలికపాటి మసకను తొలగించడానికి టూత్‌పేస్ట్‌ను ఉపయోగించవచ్చు. చాలా తక్కువ మొత్తంలో టూత్‌పేస్ట్‌ను తీసుకుని, ప్రభావిత ప్రాంతంపై రెండు నిమిషాల పాటు సున్నితంగా రుద్ది.. ఆ తర్వాత తడి గుడ్డతో తుడిచివేయండి. గరుకుగా ఉండే టూత్‌పేస్ట్‌ను ఉపయోగించడం లేదా అధిక ఒత్తిడి ఇవ్వడం మానుకోండి. ఎందుకంటే ఇది కొన్ని ఉపరితలాలపై గీతలు పడేలా చేయవచ్చు.
Also Read : వంటగదిలో చేతులు కాలిపోయాయా? వెంటనే ఇలా చేయండి.. ఈ తప్పులు అస్సలు చేయొద్దు
అద్దం మెరవాలంటే..
అద్దం మరింత శుభ్రంగా కనిపించడానికి.. నిమ్మరసాన్ని తెల్ల వెనిగర్‌తో కలిపి కొద్ది మొత్తంలో అద్దంపై రాయండి. ఈ ద్రావణం కొన్ని మరకలను, అవశేషాలను తొలగించడంలో సహాయపడుతుంది. ఆ తర్వాత అద్దం మరింత స్పష్టంగా మెరవడానికి దానిని శుభ్రమైన, మృదువైన వస్త్రంతో క్షుణ్ణంగా తుడవాలి.
అద్దం ఎప్పుడు శుభ్రం చేయాలి?
అద్దాన్ని క్రమం తప్పకుండా శుభ్రపరచడం వల్ల నీటి మరకలు, సబ్బు అవశేషాలు, దుమ్ము పేరుకుపోకుండా నివారించవచ్చు. అద్దాన్ని ఎంత తరచుగా ఉపయోగిస్తారనే దానిపై ఆధారపడి.. వారానికి ఒకటి లేదా రెండుసార్లు శుభ్రపరచడం మంచిది. ఇలా చేయడం వల్ల దాని మెరుపు కాపాడుకోవచ్చు. మరీ గట్టిగా రుద్దడం మానుకోండి. గాజు ఉపరితలాన్ని రక్షించడానికి ఎల్లప్పుడూ మృదువైన వస్త్రాన్ని లేదా తగిన శుభ్రపరిచే పదార్థాన్ని ఉపయోగించండి.
Also Read : కిచెన్ క్లీనింగ్ టిప్స్.. పండుగల సీజన్లో వంటగదిని మెరిసేలా చేసే 7 చిట్కాలివే
టాప్ హెడ్ లైన్స్
ట్రెండింగ్ వార్తలు
