National Herbs and Spices Day : మసాలాలతో పాటు హెర్బ్ బెనిఫిట్స్ని చాటి చెప్పే నేషనల్ హెర్బ్స్ డే.. బ్లడ్ షుగర్ నుంచి జీర్ణ సమస్యలు దూరం చేసుకోవడం వరకు
Herbs and Spices Benefits: మసాలాలు, మూలికలను రోజూ డైట్లో తీసుకుంటే ఆరోగ్యానికి కలిగే లాభాలు చాటి చెప్తూ ఇండియాలో స్పెషల్ డేని నిర్వహిస్తున్నారు. ఆ డే ఏంటి? మసాలాలతో కలిగే ప్రయోజనాలు ఏంటో చూసేద్దాం.
National Herbs and Spices Day 2025 : వంటింట్లోని మసాలాలతో, పెరట్లోని మూలికలతో ఆరోగ్యానికి కలిగే లాభాలు వివరిస్తూ ఇండియాలో ప్రతి ఏడాది జాతీయ సుగంధ ద్రవ్యాల దినోత్సవం చేస్తున్నారు. మసాలాలు, హెర్బ్స్లోని ఔషద గుణాలు.. వాటి ద్వారా కలిగే ఆరోగ్య ప్రయోజనాలు అందరికీ వివరించేందుకు ఎన్నో ఏళ్లుగా ఈ స్పెషల్ డేని నిర్వహిస్తున్నారు. ఎప్పటినుంచి మొదలైందో వివరాలు లేనప్పటికీ ప్రతి ఏడాది జూన్ 10వ తేదీన దీనిని జరుపుతున్నారు.
ప్రకృతి అందించే మూలికలు, సహజమైన పదార్థాలతో ఆరోగ్యానికి కలిగే లాభాలు వివరించడమే దీని ప్రధాన లక్ష్యం. అయితే మనకి అందుబాటులో ఉండే హెర్బ్, మసాలాలు ఏంటి? వాటిని డైట్లో చేర్చుకుంటే ఆరోగ్యానికి కలిగే బెనిఫిట్స్ ఏంటో చూసేద్దాం.
హెర్బ్స్.. వాటి బెనిఫిట్స్
తులసి : తులసి ఆకుల రోజు తీసుకోవడం వల్ల రోగనిరోధక శక్తి పెరుగుతుంది. ఒత్తిడి, యాంగ్జైటీ లక్షణాలు దూరమవుతాయి. శ్వాస సమస్యలను దూరం చేయడంలో మంచి ప్రయోజనాలు ఇస్తుంది.
పుదీనా : పుదీనా తీసుకుంటే జీర్ణ సమస్యలు తగ్గుతాయి. నోటి నుంచి వచ్చే దుర్వాసనను దూరం చేయడంలో హెల్ప్ చేస్తుంది. దీనిని టీ రూపంలో లేదా నేరుగా, ఇతర వంటకాల్లో కూడా కలిపి తీసుకోవచ్చు.
కొత్తిమీర : కొత్తిమీర శరీరాన్ని డీటాక్స్ చేయడంలో హెల్ప్ చేస్తుంది. బ్లడ్ షుగర్ని అదుపులో ఉంచి ఆరోగ్యాన్ని మెరుగుపరుస్తుంది. జీర్ణ సమస్యలు దూరమవుతాయి.
మెంతికూర : మెంతి కూర కూడా బ్లడ షుగర్ను అదుపులో ఉంచుతుంది. ఇన్ఫ్లమేషన్ను తగ్గించి.. జీర్ణ సమస్యలను దూరం చేయడంలో హెల్ప్ చేస్తుంది.
కరివేపాకు : జుట్టు పెరుగుదలకు కరివేపాకు మంచి ప్రయోజనాలు అందిస్తుంది. దీనిలో యాంటీఆక్సిడెంట్లు పుష్కలంగా ఉంటాయి. జీర్ణ సమస్యలను దూరం చేస్తుంది.
మసాలలతో కలిగే లాభాలివే..
పసుపు : పసుపులో యాంటీఇన్ఫ్లమేటరీ, యాంటీఆక్సిడెంట్ లక్షణాలు ఉంటాయి. ఇవి బ్రెయిన్ హెల్త్ని ప్రమోట్ చేయడంలో హెల్ప్ చేస్తాయి. కీళ్ల సమస్యలను దూరం చేస్తాయి. హెల్తీ స్కిన్ని అందిస్తూ.. రోగనిరోధక శక్తిని పెంచే లక్షణాలు పసుపులో ఉంటాయి.
అల్లం : అల్లం జీర్ణ సమస్యలను దూరం చేస్తుంది. కడుపు తిప్పడం వంటి సమస్యలు తగ్గుతాయి. కండరాల నొప్పుల నుంచి ఉపశమనం అందిస్తుంది. గుండె ఆరోగ్యానికి కూడా మేలు చేస్తుంది.
మిరియాలు : మిరియాల్లో పోషకాలను శరీరానికి అందించే లక్షణాలు ఉంటాయి. ఇవి జీర్ణ సమస్యలను దూరం చేయడంలో కూడా హెల్ప్ చేస్తాయి. యాంటీఆక్సిడెంట్లు పుష్కలంగా ఉండే వీటిని డైట్లో చేర్చుకుంటే మంచిది.
దాల్చిన చెక్క : రక్తంలోని షుగర్ లెవెల్స్ కంట్రోల్ చేయడంలో దాల్చిన చెక్క మంచి ప్రయోజనాలు అందిస్తుంది. దీనిలోని యాంటీబ్యాక్టీరియల్, యాంటీ ఇన్ఫ్లమేటరీ లక్షణాలు గుండె ఆరోగ్యాన్ని, మెదడు పనితీరును మెరుగుపరుస్తాయి.
లవంగాలు : దంత సమస్యలను దూరం చేయడం, పంటి నొప్పిని తగ్గించడంలో లవంగాలు హెల్ప్ చేస్తాయి. జీర్ణ సమస్యలు తగ్గుతాయి. ఇన్ఫెక్షన్లను దరిచేరకుండా చేస్తాయి.
యాలకులు : నోటి దుర్వాసనతో ఇబ్బంది పడేవారు యాలకులు తినొచ్చు. జీర్ణ సమస్యలను కూడా ఇవి దూరం చేస్తాయి. శరీరాన్ని డీటాక్స్ చేయడంలో కూడా హెల్ప్ చేస్తుంది.
హెర్బ్స్, మూలికలను కేవలం ఫ్లేవర్స్ కోసమే కాదు.. ఆరోగ్యానికి వివిధ ప్రయోజనాలు అందించడం కోసం కూడా వీటిని తీసుకోవచ్చు. వీటిని డైట్లో చేర్చుకునే ముందు వైద్యులు లేదా నిపుణుల సలహాలు తీసుకుంటే మంచిది.
టాప్ హెడ్ లైన్స్
ట్రెండింగ్ వార్తలు
