Morning Habits : ఉదయాన్నే అలసటగా ఉంటుందా? కాఫీ, టీ లేకుండా మిమ్మల్ని ఎనర్జీటిక్​గా మార్చే 5 సింపుల్ అలవాట్లు ఇవే

Healthy Morning Routine : నిద్ర లేవగానే అలసటగా ఉందని టీ, కాఫీలు తాగుతున్నారా? అయితే ఇది కచ్చితంగా మీకోసమే. మార్నింగ్​ని ఎనర్జిటిక్​గా స్టార్ట్ చేసేందుకు ఈ 5 చిట్కాలు ట్రై చేయండి.

ఉదయం అలసటను దూరం చేసే టిప్స్ ఇవే

Source : Envato

Show Quick Read

Key points generated by AI, verified by newsroom

• ఉదయం నిద్రలేవగానే సహజ కాంతికి శరీరాన్ని బహిర్గతం చేయండి.
• తేలికపాటి స్ట్రెచింగ్ వ్యాయామాలు, ఒక గ్లాసు నీరు తాగండి.
• కొన్ని నిమిషాల డీప్ బ్రీతింగ్ మనసును ప్రశాంతంగా ఉంచుతుంది.
• అల్పాహారంలో ప్రోటీన్, పోషకాలు రోజంతా శక్తిని అందిస్తాయి.

Morning Energy Tips : రాత్రి 8 నుంచి 9 గంటలు నిద్రపోయినా.. ఉదయం నిద్రలేవగానే అలసటగా, బద్ధకంగా అనిపిస్తుందా? ఈ అలసటను వదిలించుకోవడానికి కళ్లు తెరిచిన వెంటనే టీ లేదా కాఫీ తాగేస్తున్నారా? నిజానికి ఇలా ఎనర్జీ కోసం టీ, కాఫీ తాగేవారు చాలామంది ఉన్నారు. కానీ ఉదయాన్నే కొన్ని చిన్న అలవాట్లు ఫాలో అయితే కాఫీ, టీపై ఆధారపడకుండా రోజును మరింత ఉత్సాహంగా ప్రారంభించుకోవచ్చు. మరి ఆ అలవాట్లు ఏంటో చూసేద్దాం. 

నిద్రలేవగానే బయటకి..

నిద్ర లేవగానే రూమ్​లోనే ఉండకుండా.. కొద్దిసేపు బయటకు వెళ్లి సహజమైన సూర్యరశ్మిలో, ఎండ లేకుండా కాంతిలో ఉండటం మంచిది. ఉదయం వెలుతురు మన శరీరంలోని స్లీప్-వేక్ సైకిల్‌ను నియంత్రించడంలో సహాయపడుతుంది. దీంతో మెదడుకు మెలకువ రావడంతో పాటు రోజును మరింత చురుగ్గా ప్రారంభించేందుకు ఉపయోగపడుతుంది.

బయటకు వెళ్లడం వీలుకాకపోతే కనీసం కిటికీ దగ్గర నిలబడి కొద్దిసేపు సహజమైన వెలుతురు, గాలిని పొందవచ్చు. ప్రతిరోజూ ఈ అలవాటు పాటించడం వల్ల ఉదయం నిద్రమత్తు తగ్గడంలో మార్పలు మీరే గమనిస్తారు. 

5 నిమిషాలు బాడీ యాక్టివేషన్

నిద్రలో గంటల తరబడి ఒకే విధంగా పడుకోవడం, కదలకపోవడం వల్ల ఉదయం లేవగానే మెడ, భుజాలు, వెన్ను బిగుసుకుపోయినట్లు అనిపించవచ్చు. అందుకే నిద్ర లేవగానే కాస్త స్ట్రెచింగ్ లేదా తేలికపాటి వ్యాయామం చేయండి. చేతులను పైకి చాచడం, మెడను మెల్లగా కదపడం, నడుమును స్ట్రెచ్ చేయడం వంటి సింపుల్ మూవ్‌మెంట్స్ కూడా సరిపోతాయి. శరీరం కదలడం వల్ల రక్తప్రసరణ మెరుగుపడి మరింత యాక్టివ్‌గా ఉన్నట్లు అనిపించవచ్చు.

గ్లాసు నీరు తాగండి

రాత్రంతా నీరు తాగకుండా ఉండటం వల్ల ఉదయం శరీరానికి ద్రవాలు అవసరమవుతాయి. అందుకే నిద్ర లేవగానే ఒక గ్లాసు నీరు తాగడం మంచి అలవాటు. గోరువెచ్చని నీరు అయితే మరీ మంచిది. దాహం, నోరు పొడిబారడం వంటి సమస్యలు ఉంటే శరీరానికి నీరు అవసరమైందనే సంకేతం కావచ్చు. కాబట్టి ఓ గ్లాసు నీరు తాగండి. హైడ్రేషన్ బాడీని యాక్టివ్​గా ఉంచడంలో హెల్ప్ చేస్తుంది.

డీప్ బ్రీతింగ్ 

ఉదయం కళ్లు తెరిచిన వెంటనే పని, ఆఫీస్, టెన్షన్ల గురించి ఆలోచించడం మొదలుపెడతారా? ఇలా చేస్తే రోజంతా మానసికంగా అలసిపోయినట్లు అనిపించవచ్చు. దీనికి బదులుగా కొన్ని నిమిషాలు నెమ్మదిగా, లోతుగా శ్వాస తీసుకోవడానికి ప్రయత్నించండి.
నెమ్మదిగా శ్వాస తీసుకుని, కాసేపు ఆపి మెల్లగా వదలడం వల్ల మనసు ప్రశాంతంగా ఉండవచ్చు. ఉదయం కొద్దిసేపు ఇలా చేయడం వల్ల మెంటల్ ఫాగ్ తగ్గి పనిపై ఏకాగ్రత పెరగవచ్చు.

బ్రేక్‌ఫాస్ట్‌లో ప్రోటీన్ 

ఉదయం ఏమీ తినకుండా ఉండటం లేదా కేవలం తీపి పదార్థాలు తినడం వల్ల కొద్దిసేపటికే మళ్లీ ఆకలి, నీరసం రావచ్చు. అందుకే బ్రేక్‌ఫాస్ట్‌లో ప్రోటీన్‌తో పాటు ఇతర పోషకాలు ఉండేలా చూసుకోవడం మంచిది. గుడ్లు, పెరుగు, పప్పులు, నట్స్ వంటి ఆహారాలను మీ అవసరాలకు అనుగుణంగా తీసుకోవచ్చు. సమతుల్యమైన అల్పాహారం ఎక్కువసేపు కడుపు నిండిన ఫీలింగ్ ఇచ్చి ఇతర స్నాక్స్ జోలికి వెళ్లకుండా చేస్తుంది. 

టీ, కాఫీ తాగకుండానే..

ఉదయాన్నే ఈ సింపుల్ చిట్కాల ఫాలో అయితే మీరు ఎలాంటి టీ, కాఫీ లేకుండా ఎనర్జీటిక్​గా ఉంటారు. సరైన నిద్ర, ఉదయం సహజమైన వెలుతురు, కొద్దిపాటి స్ట్రెచింగ్, తగినంత నీరు, పోషకమైన ఆహారం మిమ్మల్ని రోజంతా ఉత్సాహంగా ఉండేలా చేస్తాయి. అయితే ఇవి ఫాలో అయినా మీకు అలసటగా ఉంటున్నట్లు అనిపిస్తే ఆలస్యం చేయకుండా వైద్యుని సంప్రదించాల్సి ఉంటుంది. 

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

మరిన్ని చదవండి

జీలకర్ర నీళ్లా? వాము నీళ్లా? మెంతుల నీళ్లా? ఉదయాన్నే ఏది తాగితే మంచిది?

ప్రతిరోజూ ఉదయాన్నే జామపండు తింటే కలిగే లాభాలివే.. షుగర్ నుంచి గుండె ఆరోగ్యం వరకు