Leftover Rice Dosa : రాత్రి అన్నం మిగిలిపోయిందా? పారేయకండి.. ఉదయాన్నే ఇలా దోశలు వేసుకోండి

Leftover Rice Recipe : రాత్రి అన్నం మిగిలిపోయిందా? అయితే దానిని పారేయనవసరం లేదు.. చక్కగా ఉదయాన్నే బ్రేక్​ఫాస్ట్​గా దోశలు వేసుకుని తినేయవచ్చు. ఎలా చేయాలో చూసేద్దాం.

మిగిలిపోయిన అన్నంతో క్రిస్పీ దోశలు ఇలా చేసేయండి

Source : Pexels

Show Quick Read

Key points generated by AI, verified by newsroom

• మిగిలిన అన్నంతో రుచికరమైన, మెత్తటి దోశలు తయారుచేయవచ్చు.
• బియ్యం, అటుకులు నానబెట్టి అన్నం, పెరుగుతో మెత్తగా రుబ్బాలి.
• రుచి, మెత్తదనం కోసం పిండిని కనీసం ఆరు గంటలు పులియబెట్టాలి.
• వేడి దోశలు చట్నీతో ఆస్వాదించి అన్నం వృథాను నివారించండి.

Soft and Crispy Dosas With Leftover Rice : మీకు చద్దన్నం తినడం ఇష్టం లేదా? అలాగే ఉదయాన్నే మిగిలిన రైస్ తినే మూడ్ లేదా అయితే మీరు రాత్రి అన్నాన్ని ఉదయం పారేయాల్సిన అవసరం లేదు. దానితోనే చక్కగా.. టేస్టీగా, మెత్తగా ఉండే దోశలు తయారు చేసుకోవచ్చు. రాత్రి మిగిలిన అన్నం ఉదయం బ్రేక్‌ఫాస్ట్‌కి కానీ, ఉదయం వండిన అన్నం సాయంత్రం స్నాక్‌గా కానీ దోశలు చేసుకోవచ్చు. అసలు మిగిలిపోయిన అన్నంతో దోశలు ఎలా తయారు చేసుకోవాలో.. కావాల్సిన పదార్థాలు ఏంటో ఇప్పుడు తెలుసుకుందాం.

కావాల్సిన పదార్థాలు

మిగిలిపోయిన అన్నం - 1 కప్పు

బియ్యం - 1 కప్పు

అటుకులు - అర కప్పు

పెరుగు - అర కప్పు

ఉప్పు - తగినంత

నీరు - అవసరమైనంత

నూనె - దోశలు వేసేందుకు

తయారీ విధానం

ముందుగా బియ్యాన్ని, అటుకులను శుభ్రంగా కడిగి 4 నుంచి 5 గంటలు నీటిలో నానబెట్టుకోవాలి. తర్వాత నానబెట్టిన బియ్యం, అటుకులతో పాటు మిగిలిపోయిన అన్నం, పెరుగు వేసి మెత్తగా గ్రైండ్ చేసుకోవాలి. పిండిని ఒక గిన్నెలోకి తీసుకుని అవసరమైనంత నీరు పోసి దోశ పిండిలా కలుపుకోవాలి. ఉప్పు వేసి కనీసం 6 గంటలు లేదా వీలైతే రాత్రంతా ఫెర్మెంట్ చేసుకోవాలి.

ఫెర్మెంట్ అయిన తర్వాత పిండిని ఒకసారి బాగా కలిపి.. దోశ పెనంపై కొద్దిగా నూనె వేసి వేడి చేయాలి. తర్వాత ఒక గరిటె పిండిని తీసుకుని పలుచగా దోశలా పరిచి.. చుట్టూ కొద్దిగా నూనె వేయాలి. దోశ కింద భాగం బంగారు రంగులోకి మారి, అంచులు క్రిస్పీగా కనిపించినప్పుడు తిప్పి మరోవైపు కూడా కాల్చుకోవాలి. అంతే.. వేడి వేడి అన్నం దోశలు రెడీ.

సమయం తక్కువగా ఉంటే పిండిని ఎక్కువసేపు ఫెర్మెంట్ చేయకుండా కూడా దోశలు వేసుకోవచ్చు. అయితే ఫెర్మెంట్ చేసిన పిండితో వచ్చే రుచి, టెక్స్చర్ కొంత భిన్నంగా ఉంటుంది. ఫెర్మెంట్ చేసినప్పుడు దోశలు మరింత మెత్తగా రావడంతో పాటు కాస్త పుల్లటి రుచితో టేస్టీగా వస్తాయి. 

ఈ దోశలను మీరు కొబ్బరి చట్నీ, పల్లీ చట్నీ, అల్లం చట్నీ లేదా టమాటా చట్నీతో ఆస్వాదిస్తే రుచి రెట్టింపు అవుతుంది. స్పైసీగా ఇష్టపడేవారు కారం చట్నీతో కూడా ట్రై చేయొచ్చు. అయితే మిగిలిన అన్నం వాడేప్పుడు అది పాడైనది కాకుండా చూసుకోవాలి. ఫ్రెష్​గా ఉండే అన్నాన్నే దోశల కోసం ఉపయోగించాలి.

మిగిలిన అన్నం ఉంటే చిత్రాన్నం, ఫ్రైడ్ రైస్, పులిహోర తాళింపు వేసుకుని కూడా చేసుకోవచ్చు. కానీ ఉదయాన్నే అన్నం తినాలని లేనప్పుడు.. అలాగే అన్నం మిగిలిపోయిన సందర్భాల్లో అన్నం పడేయకుండా ఉపయోగించుకునేందుకు ఈ దోశలు బెస్ట్ ఆప్షన్. కాబట్టి మీరు కూడా ఇంట్లో ఈ దోశలు ట్రై చేసేయండి.

మరిన్ని చదవండి

బీరకాయ తొక్కతో నోరూరించే పచ్చడి రెసిపీ.. వేడి వేడి అన్నంలో కలిపి తింటే అదిరిపోతుంది

కొర్ర పొంగల్ రెసిపీ.. రుచితో పాటు ఆరోగ్యానికి కూడా చాలా మంచిది.. తప్పక ట్రై చేయండి