Life of Jesus : యేసు మరణం గుడ్ ఫ్రైడే, జననం క్రిస్మస్.. మరి ఈస్టర్? జీసస్ గురించిన ఇంట్రెస్టింగ్ విషయాలివే
Jesus Life Journey : యేసు పుట్టుక నుంచి చనిపోయి తిరిగి లేచినవరకు జరిగిన ప్రతీ విషయం ఓ అద్భుతమని చెప్తారు. బైబిల్లో దీనికి సంబంధించిన పూర్తి విషయాలు ఉన్నాయి. అవేంటో చూసేద్దాం.
- కన్య మరియ గర్భాన దేవుని కుమారుడిగా యేసు జన్మించారు.
- 30 ఏళ్ల వయసులో యేసు ప్రేమ, క్షమాభావం బోధించారు.
- యేసు రోగులను నయం చేసి, వేలమందికి ఆహారం అందించారు.
- శిలువపై మరణించి, మూడవ రోజు తిరిగి లేచారు.
Life Story of Jesus : క్రైస్తవులు 40 రోజుల లెంట్ తర్వాత గుడ్ ఫ్రైడే, ఈస్టర్ జరుపుకుంటారు. గుడ్ ఫ్రైడే యేసు శిలువపై మరణాన్ని సూచిస్తే.. ఈస్టర్ ఆయన తిరిగి లేచిన విషయాన్ని సూచిస్తుంది. అయితే యేసు మరణమే కాదు.. జననం కూడా ఓ ప్రత్యేకమైన రోజేనని చెప్తారు క్రైస్తవులు. ఈ గుడ్ ఫ్రైడే సందర్భంగా.. యేసు జననం, శిలువపై మరణం, తిరిగి లేవడం గురించిన ఇంట్రెస్టింగ్ విషయాలు ఇప్పుడు చూసేద్దాం.
యేసు క్రీస్తు జననం
యేసు క్రీస్తు పుట్టుకను అద్భుతంగా భావిస్తారు. గాబ్రియేల్ దూత ప్రత్యక్షమై.. కన్యక అయినా.. మరియ కడుపులో దేవుని కుమారుడైన యేసు పుడతాడని చెప్తాడు. తరువాత బెత్లెహేమ్‌లో మరియ గర్భంలో యేసు జన్మించాడు. ఆ సమయంలో యూధుల రాజైన హెరోదు.. కొత్త రాజు పుడతాడు అన్న భయంతో చిన్న పిల్లలను హతమార్చాలని చూస్తాడు. కానీ యేసు కుటుంబం ముందుగానే అప్రమత్తమై తప్పించుకుంటారు.
యేసు క్రీస్తు బాల్యం
యేసు చిన్నప్పటి నుంచే అపారమైన జ్ఞానంతో ఉండేవారు. 12 ఏళ్ల వయసులో పండితులతో చర్చలు జరిపి వారిని ఆశ్చర్యపరిచినట్లు బైబిల్ చెప్తుంది. 30 ఏళ్ల వయసులో యేసు తన సేవను ప్రారంభించాడు. ప్రజలకు ప్రేమ, క్షమాభావం, వినయం గురించి బోధనలు చెప్పేవాడు.
యేసు చేసిన మహాత్కార్యాలు..
యేసు తన బోధనలతో పాటు.. కొన్ని అద్భుతాలు చేశారు. కంటిచూపు లేని వారికి చూపు ఇవ్వడం, రోగులను నయం చేయడం, తక్కువ ఆహారంతో వేల మంది ఆకలి తీర్చడం, సముద్రాన్ని రెండు పాయలుగా చేయడం వంటి ఎన్నో గొప్ప కార్యాలు చేశారు. అలాగే తన సేవను ప్రచారం చేయడం కోసం.. యేసు తనతో పాటు 12 మంది శిష్యులను ఎంచుకున్నాడు.
యేసుపై వ్యతిరేకత
యేసు ప్రభావం పెరుగుతున్న కొద్దీ.. మత నాయకుల్లో అసూయ పెరుగుతూ వచ్చింది. ఆయన శిష్యుడైన యూదా.. వెండి నాణేల కోసం యేసును శత్రువులకు అప్పగించాడు.
యేసు శిలువ ప్రయాణం..
యేసును అరెస్ట్ చేసి.. తీవ్రంగా హింసించారు. తలపై ముళ్ల కిరీటం పెట్టి, శిలువను మోసేలా చేసి, చివరికి శిలువపై మరణించేలా చేశారు. దీనినే గుడ్ ఫ్రైడే అంటారు.
యేసు మరణం తర్వాత
శిలువపై యేసు తన ప్రాణాలను సమస్త ప్రజల పాపాలు తొలగించడానికి విడిచిపెట్టారు. అనంతరం యేసు భక్తులు ఆయన శరీరాన్ని సమాధిలో ఉంచుతారు. వారు తిరిగి మూడో రోజు అదే ప్రదేశానికి వెళ్లి చూస్తే.. అక్కడ ఆయన శవం ఉండదు. మూడో రోజు యేసు మళ్లీ లేచాడని క్రైస్తవులు నమ్ముతారు. దీనినే ఈస్టర్‌గా జరుపుకుంటారు. జీసస్ లైఫ్ సర్కిల్ ప్రేమించు.. క్షమించు.. నమ్ము… ముందుకు సాగాలని సూచిస్తుంది.
టాప్ హెడ్ లైన్స్
ట్రెండింగ్ వార్తలు
