AC Condensate Water Harvesting: ఏసీ ద్వారా వచ్చే నీటిని తాగొచ్చా? మొక్కలకు ఉపయోగించవచ్చా?

AC Condensate Water Harvesting: మీ ఏసీ నుంచి రోజూ గ్యాలన్ల నీరు వృథాగా పోతుంది. ఆ వ్యర్థ నీటిని ఎలా ఉపయోగించుకుంటే పర్యావరణానికి మంచిది? ఆ వాటర్‌ తాగేందుకు వీలుగా ఉంటుందా? 

ఏసీ ద్వారా వచ్చే నీటిని తాగొచ్చా? మొక్కలకు ఉపయోగించవచ్చా?

Source : freepik

Show Quick Read

Key points generated by AI, verified by newsroom

• ఏసీ నీటిని మొక్కలకు, పక్షులకు, ఇంటి పనులకు వాడవచ్చు.

AC Condensate Water Harvesting: వేసవి వచ్చింది అంటే చాలు ఉక్కపోతతో జనం అల్లాడిపోతారు. దీని నుంచి ఉపశమనం పొందడానికి ఏసీలు వాడుతుంటారు. అయితే ఏసీ నడుస్తున్నప్పుడు దాని నుంచి నీరు వస్తుంది. చాలా మంది ఈ నీటిని వృథాగా పడేస్తుంటారు. కానీ ఈ ఏసీ కండెన్సేట్ వాటర్ చాలా విధాలుగా వాడుకోవచ్చు. 

ఏసీలో నీరు ఎలా తయారవుతుంది?

ఎయిర్ కంటినషనర్లు కేవలం గాలిని చల్లబరచడమే కాకుండా, గాలిలోని తేమను తొలగిస్తాయి. ఏసీ లోపల ఉండే ఎవాపరేటర్ కాయిల్స్‌ చాలా చల్లగా ఉంటాయి. గదిలోని వెచ్చని గాలి ఈ కాయిల్స్ మీదుగా వెళ్లినప్పుడు గాలిలోని తేమ నీటి బిందువులుగా మారుతుంది. దీనినే కండెన్సేషన్ అంటారు. ఒక గ్లాసు ఐస్ నీళ్ల చుట్టూ ఏర్పడిన నీటి బిందువులులా ఏసీలో నీరు తయారవుతుంది. ఈ నీరు ఒక డ్రెయిన్ పైపు ద్వారా బయటకు వస్తుంది. 

ఎంత నీరు వృథా అవుతుంది?

సాధారణ ఇళ్లలో సగటు ఏసీ యూనిట్‌ రోజుకు సుమారు 30 గ్యాలన్ల నీటిని ఉత్పత్తి చేయగలదు. వాతావరణంలో తేమ ఎక్కువగా ఉంటే ఇది నెలకు 200 నుంచి వెయ్యి గ్యాలన్ల వరకు ఉంటుంది. పెద్ద పెద్ద షాపింగ్ మాల్స్, లేదా ఆఫీస్‌లు ఏడాదికి కోటి గ్యాలన్ల కంటే ఎక్కువ నీటిని ఉత్పత్తి చేయగలవు.  ఆధునిక ప్రపంచానికి వెన్నుముకగా నిలిచే డేటా సెంటర్లు భారీగా నీటిని వినియోగిస్తాయి. ఒక మధ్యతరహా డేటా సెంటర్‌ ఏడాదికి 110 మిలియన్ గ్యాలన్ల నీటిని కేవలం కూలింగ్ కోసం వాడుతుంది. కొన్ని పెద్ద డేటా సెంటర్లు రోజుకు 5 మిలియన్ గ్యాలన్ల వరకు వినియోగిస్తారు. 

ఏసీ నుంచి వచ్చే నీటి నాణ్యత ఎంత?

ఏసీ నుంచి వచ్చే నీరు దాదాపు డిస్టిల్డ్‌ వాటర్ లాగా ఉంటుంది. ఇందులో క్లోరిన్ ఉండదు. మినరల్స్ చాలా తక్కువగా ఉంటాయి. ఇది ఆమ్మ గుణాన్ని కలిగి ఉంటుంది. పీహెచ్ సుమారు 5.82గా ఉంటుంది. ఇది చూటడానికి స్వచ్ఛంగా ఉన్నప్పటికీ తాగడానికి పనికిరాదు. ఇందులో గాలిలోని ధూళి, బ్యాక్టీరియా, కాయిల్స్ నుంచి వచ్చే కణాలు ఉండే ఛాన్స్ ఉంది. ఇన్వర్టర్ బ్యాటరీలలో కూడా వాడకపోతే మంచిది.             

ఏసీ నీటిని ఎలా ఉపయోగించాలి?

అమ్ల గుణాన్ని ఇష్టపడే మొక్కలకు ఏసీ నుంచి వచ్చిన నీరు వాడుకోవచ్చు. అయితే ఇందులో పోషకాలు ఉండవు కాబట్టి ఎరువులు వాడాల్సి ఉంటుంది. వేసవిలో పక్షులు, చిన్న జంతువుల కోసం ఏసీ డ్రెయిన్ కింద ఒక చిన్న పాత్ర ఉంచడం ద్వారా వాటి దాహార్తి తీర్చివచ్చు. ఇల్లు తుడవడానికి, కిటీకీలు క్లీన్ చేయడానికి, కారు కడగడానికి వాడుకోవచ్చు. పెద్ద పెద్ద కంపెనీలు కూలింగ్ టవర్ల కోసం ఈ ఏసీ నీటిని వాడి లక్షల లీటర్ల నీటిని ఆదా చేస్తున్నారు. కొన్ని దేశాల్లో ఏసీ నీటిని సేకరించే వాణిజ్య భవనాలకు రాయితీలు ఇస్తున్నారు.                        

మరిన్ని చదవండి

కారు కూలింగ్ కాయిల్స్‌ ఏం చేస్తే సేఫ్ ? లేకపోతే ఇంజిన్, కంప్రెసర్‌పై ఒత్తిడి తప్పదు

సమ్మర్‌లో AC ఎంతలో పెట్టాలి? 16లో పెడితే మంచిదా? నిపుణుల సూచనలివే