Cigarette Cravings : సిగరెట్ మానేయాలనుకుంటున్నారా? అయితే ఈ ఫుడ్స్ తినండి, స్మోకింగ్ తగ్గించుకోగలుగుతారు

Quit Smoking : సిగరెట్ మానేయాలని ట్రై చేస్తున్నారా? అయితే స్మోకింగ్ క్రేవింగ్స్​ తగ్గించుకోవడానికి పండ్లు, కూరగాయలు, పాలు, నట్స్, హెర్బల్ టీలు ఎలా ఉపయోగపడతాయో చూసేద్దాం.

సిగరట్ మానేయడానికి హెల్ప్ చేసే ఫుడ్స్ ఇవే

Source : Envato

Show Quick Read

Key points generated by AI, verified by newsroom

• పండ్లు, కూరగాయలు, నట్స్ సిగరెట్ కోరికను తగ్గిస్తాయి.
• పాలు, హెర్బల్ టీ, నీరు తాగి మనసు మళ్లించండి.
• కోరికలను నిలుపుకొని, వైద్య నిపుణుల సలహా తీసుకోవాలి.

Tips To Manage Cigarette Cravings : సిగరెట్ మానేయాలని డిసైడ్ అయినా.. మళ్లీ మళ్లీ తాగాలనిపిస్తోందా? ముఖ్యంగా భోజనం చేసిన తర్వాత.. టీ తాగేటప్పుడు లేదా ఒత్తిడిగా ఉన్నప్పుడు సిగరెట్ తాగాలనే కోరిక మళ్లీ వస్తుందా? ఇలాంటి సమయంలో ఆ కోరికను అదుపు చేసుకోవడం కష్టంగా అనిపించవచ్చు. అయితే కొన్ని ఆరోగ్యకరమైన స్నాక్స్ తినడం, నీళ్లు తాగడం, కొద్దిసేపు దృష్టిని మళ్లించడం ద్వారా ఆ కోరికను తగ్గించుకోవచ్చని చెప్తున్నారు. ముఖ్యంగా పండ్లు, కూరగాయలు, పాలు, నట్స్ వంటి ఆహారాలు స్మోకింగ్ చేయడాన్ని తగ్గిస్తాయని చెప్తున్నారు. మరి అవేంటో.. వాటిని తింటే కలిగే లాభాలు ఏంటో చూసేద్దాం.

పండ్లు, పచ్చి కూరగాయలు

సిగరెట్ తాగాలనిపించినప్పుడు యాపిల్, ఆరెంజ్, బెర్రీలు వంటి పండ్లు లేదా క్యారెట్, కీరదోస, క్యాప్సికమ్ ముక్కలను తినవచ్చు. వీటిని నములుతూ ఉండటం వల్ల నోటికి పని ఉంటుంది. కొంతమంది ధూమపానం చేసేవారికి పండ్లు, కూరగాయలు తిన్న తర్వాత సిగరెట్ రుచి అసహ్యంగా అనిపించవచ్చని అధ్యయనాలు చెప్తున్నాయి. అయితే ఇవి అందరిలోనూ కోరికను తగ్గిస్తాయని చెప్పలేం.

పాలు, పెరుగు

సిగరెట్ తాగాలనే కోరిక వచ్చినప్పుడు ఒక గ్లాసు పాలు లేదా చక్కెర కలపని పెరుగు తీసుకోవచ్చు. పాల ఉత్పత్తులు తిన్న తర్వాత సిగరెట్ రుచి కొంతమందికి చేదుగా అనిపించవచ్చు. పెరుగులోని ప్రోటీన్ కడుపు నిండిన భావనను కలిగించడంలో సహాయపడుతుంది. అయితే పాలు తాగడం వల్ల నికోటిన్ శరీరంలోకి వెళ్లకుండా ఆగిపోతుందని లేదా సిగరెట్ కోరిక ఖచ్చితంగా తగ్గుతుందని చెప్పలేము. 

తృణధాన్యాలు, నట్స్

ఓట్స్, హోల్ వీట్ బ్రెడ్, బ్రౌన్ రైస్ వంటి తృణధాన్యాలు, బాదం, వాల్‌నట్స్ వంటి నట్స్‌ను ఆహారంలో చేర్చుకోవచ్చు. వీటిలోని పీచు పదార్థాలు, ఆరోగ్యకరమైన కొవ్వులు, ప్రోటీన్ ఆకలిని నియంత్రించడంలో తోడ్పడతాయి. ఆకలి, చిరాకు వంటి భావాలు సిగరెట్ తాగాలనే కోరికను మరింత కష్టతరం చేయవచ్చు. కాబట్టి సమయానికి భోజనం చేయడం, పోషకాహారం తీసుకోవడం మంచిది.

డార్క్ చాక్లెట్, కోకో

భోజనం తర్వాత సిగరెట్ తాగాలనిపిస్తే చిన్న ముక్క డార్క్ చాక్లెట్ లేదా చక్కెర కలపని కోకో డ్రింక్స్ ప్రత్యామ్నాయంగా తయారు చేసుకోవచ్చు. దీనివల్ల నోటికి వేరే రుచి అందుతుంది. అయితే చాక్లెట్‌ను కూడా పరిమితంగానే తీసుకోవడం మంచిది. 

హెర్బల్ టీలు

సిగరెట్ తాగాలనిపించినప్పుడు చమేలీ టీ, పుదీనా టీ లేదా అల్లం టీ వంటి పానీయాలను తాగవచ్చు. వీటిని నెమ్మదిగా తాగడం, చేతిలో కప్పు పట్టుకోవడం వల్ల సిగరెట్‌తో ముడిపడిన అలవాటును మార్చుకోవడానికి సహాయపడవచ్చు. అయితే గ్రీన్ టీలో కెఫీన్ ఉంటుంది కాబట్టి నిద్రకు ఇబ్బంది కలిగితే సాయంత్రం తాగడం తగ్గించాలి. చమేలీ టీ ఈవెనింగ్స్​కి మంచి ఆప్షన్ అవుతుంది. 

సిగరెట్ తాగాలనిపించినప్పుడు.. ట్రై చేయాల్సిన చిట్కాలు

సిగరెట్ మానేయాలని అనుకున్నప్పుడు.. కోరిక వచ్చిన వెంటనే సిగరెట్ వెలిగించకుండా కొన్ని నిమిషాలు ఆగితే.. క్రేవింగ్స్ తగ్గవచ్చు. అలాగే నెమ్మదిగా నీళ్లు తాగుతూ ఉండడం కూడా మంచి ఆప్షనే. మైండ్ డైవర్ట్ చేయడానికి కొద్దిసేపు నడవడం, పాటలు వినడం లేదా ఫ్రెండ్తో మాట్లాడటానికి ట్రై చేయండి. స్మోకింగ్ ట్రిగర్స్ గుర్తించి ఆ సమయంలో మరో అలవాటును ట్రై చేయండి. సిగరెట్ మానడం కష్టంగా ఉంటే వైద్యులను సంప్రదించండి. నికోటిన్ రీప్లేస్‌మెంట్ థెరపీ, కౌన్సెలింగ్, అవసరాన్ని బట్టి మందులు మానేయడంలో సహాయపడవచ్చు. 

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

మరిన్ని చదవండి

స్మోకింగ్ మానేయాలనుకుంటున్నారా? మీకోసమే WHO కొన్ని ఆఫర్లు ఇచ్చింది.. అవేంటంటే

స్మోకింగ్ మానేయాలనుకుంటున్నారా? అయితే ఈ ఫుడ్స్ తినండి