De-Tan Face Pack : కాఫీ పౌడర్​లో ఇవి కలిపి అప్లై చేస్తే స్కిన్​ టోన్ బెటర్ అవుతుంది.. టాన్​ని వదిలించుకోవడానికి అది మిక్స్ చేసేయండి

Glowing Skin with Coffee : కాఫీ పౌడర్​ని ముఖానికి అప్లై చేస్తే చర్మానికి ఎన్నో ప్రయోజనాలు అందుతాయి. మరి ఈ కాఫీ పొడితో ఎలాంటి స్క్రబ్స్ వేసుకోవచ్చో.. వాటి వల్ల కలిగే లాభాలేంటో చూసేద్దాం. 

కాఫీతో ఫేస్ మాస్క్(Image Source : freepik)

Source : freepik

Homemade Coffee Scrubs for Skin Brightening : చర్మం డల్​గా మారిపోయిందా? టాన్ ఎక్కువైందా? పార్లర్​కి వెళ్లేంత సమయం, డబ్బులు లేవా? అయితే మీరు ఇంట్లోనే మీ స్కిన్​కి బెటర్​ ట్రీట్​మెంట్ ఇవ్వొచ్చు. ముఖ్యంగా డార్క్​నెస్​ని తగ్గించడంలో, షైనీగా మార్చడంలో ఇది హెల్ప్ చేస్తుంది. అదే కాఫీ పౌడర్. అవును కాఫీ పౌడర్ చర్మానికి ఎన్నో ప్రయోజనాలు అందిస్తుంది. అయితే కాఫీ తాగడం కాకుండా.. ఆ పౌడర్​తో స్క్రబ్స్  చేసుకుంటే మంచి ఫలితాలుంటాయి. 

కాఫీ పౌడర్​తో స్కిన్​ టోన్​ని మెరుగుపరచుకునేందుకు మీరు కొన్నిరకాల మాస్క్​లు ట్రై చేయవచ్చు. ఇవి చర్మానికి మెరుపుతో పాటు పోషణను అందిస్తాయి. కాఫీ పౌడర్​లో యాంటీ ఆక్సిడెంట్లు పుష్కలంగా ఉండి.. వయసురీత్యా వచ్చే ఫైన్​లైన్స్​ను దూరం చేస్తాయి. ఇన్​ఫ్లమేషన్​, మంటను తగ్గిస్తాయి. హెల్తీ స్కిన్​ను ప్రమోట్ చేస్తాయి. డార్క్ సర్కిల్స్​ను దూరం చేస్తాయి. మరి స్కిన్​కి కాఫీతో ఎలాంటి మాస్క్​లు వేస్తే మంచి ప్రయోజనాలుంటాయో చూసేద్దాం. 

కాఫీ, నిమ్మరసంతో

పార్టీలు లేదా సడెన్​ మీటింగ్స్​ ఏ ఇతర కారణంతో అయినా బయటకు వెళ్లేప్పుడు కాఫీ పౌడర్​, నిమ్మరసంతో చేసిన పేస్ట్​ బెస్ట్ ఆప్షన్. ఈ మాస్క్​ అప్లై చేసిన తర్వాత 15 నిమిషాలు అలాగే ఉంచాలి. అనంతరం చల్లని నీటితో కడిగితే మెరిసే చర్మం మీ సొంతమవుతుంది. కాఫీలోని క్లెన్సింగ్ లక్షణాలు, నిమ్మరసం కలిసి.. టాన్​ని తీసేసి.. స్కిన్​కి మెరుపును అందిస్తాయి. 

కాఫీలో పాలతో కలిపితే.. 

కాఫీ పౌడర్​ను ఒక టేబుల్​స్పూన్ తీసుకోవాలి. దానిలో ఒకటి లేదా రెండు టేబుల్ స్పూన్ల పాలు వేయాలి. దీనిని పేస్ట్​గా చేసుకుని.. ముఖానికి అప్లై చేసి.. పది నుంచి పదిహేను నిమిషాలు ఉంచాలి. అనంతరం గోరువెచ్చని నీటితో కడిగేస్తే స్కిన్​ టోన్ మెరుగవుతుంది. మెరిసే చర్మం మీ సొంతమవుతుంది. 

పసుపు, కాఫీ, యోగర్ట్

ఒక టేబుల్ స్పూన్ కాఫీ పౌడర్​లో ఒక టేబుల్ స్పూన్ పసుపు, యోగర్ట్​ లేదా పెరుగు వేసి పేస్ట్​గా చేసుకోవాలి. దీనిని ముఖానికి అప్లై చేసి 20 నిమిషాల ఉంచి.. అనంతరం దానిని స్క్రబ్ చేస్తూ.. గోరువెచ్చని నీటితో కడగాలి. దీనివల్ల స్కిన్ టోన్ బ్రైట్​గా మారుతుంది. 

ఇలా చేసుకోవడం మీకు కుదరదు అనుకుంటే కాఫీతో తయారు చేసిన ప్రొడెక్ట్స్ మీరు ఉపయోగించవచ్చు. కానీ ఇంట్లో చేసుకోగలిగే ఈ మాస్క్​లు మంచి ఫలితాలు ఇవ్వడంతో పాటు.. తక్కువ ఖర్చులో అందుబాటులో ఉంటాయి. వీటిని అప్లై చేసే ముందు డెర్మటాలజిస్ట్​ సజెషన్స్ తీసుకుంటే మంచిది.