![ABP Premium](https://cdn.abplive.com/imagebank/Premium-ad-Icon.png)
Arthritis Pain Relief Fruits : చలికాలంలో కీళ్లనొప్పులు ఇబ్బంది పెడుతున్నాయా? అయితే ఈ ఫ్రూట్స్ తినండి
Arthritis Pain Relief Tips : ఆర్థరైటిస్ సమస్య ఇబ్బంది పెడుతుందా? అయితే ఈ సమస్య నుంచి ఉపశమనం అందించే పండ్ల లిస్ట్ ఇక్కడ ఉంది.
![Arthritis Pain Relief Fruits : చలికాలంలో కీళ్లనొప్పులు ఇబ్బంది పెడుతున్నాయా? అయితే ఈ ఫ్రూట్స్ తినండి Consume these fruits in the winter to reduce arthritis pain Arthritis Pain Relief Fruits : చలికాలంలో కీళ్లనొప్పులు ఇబ్బంది పెడుతున్నాయా? అయితే ఈ ఫ్రూట్స్ తినండి](https://feeds.abplive.com/onecms/images/uploaded-images/2024/01/02/6f5a0428b78e3abb90f435d1836a2ba51704164249384874_original.jpg?impolicy=abp_cdn&imwidth=1200&height=675)
Treatment for Arthritis with Fruits : ఆర్థరైటిస్కు పూర్తిగా చికిత్స లేదు. మనం తీసుకునే జాగ్రత్తల వల్లనే దానిని నుంచి ఉపశమనం కలుగుతుంది. కీళ్లవాపు వల్ల అనేది ఆర్థరైటిస్ ప్రధాన లక్షణం. ఆటో ఇమ్యూన్ డిజార్డర్స్, వేర్ అండ్ టియర్ లేదా జన్యుపరమైన కారణాల వల్ల ఇది వస్తుంది. అయితే ఈ సమస్య చలికాలంలో చాలా ఎక్కువగా ఉంటుంది. చలికాలంలో, చల్లని వాతావరణం వల్ల రక్తప్రసరణ తగ్గుతుంది. తద్వార కీళ్లలో దృఢత్వం తగ్గి.. నొప్పి పెరుగుతుంది. తద్వార కీళ్ల నొప్పులు తీవ్రమవుతాయి. ఈ సమయంలో కాస్త వెచ్చదనం, సున్నితమైన వ్యాయామాలు కాస్త ఉపశమనం ఇస్తాయి. అయితే మనం తీసుకునే ఫుడ్ కూడా దీనిపై ప్రభావం చూపిస్తుంది. సమతుల్యమైన ఆహారంతో పాటు.. కొన్ని పండ్లను మీ డైట్లో కలిపి తీసుకోవడం వల్ల ఈ సమస్య నుంచి ఉపశమనం లభిస్తుంది. అవేంటంటే..
సిట్రస్ ఫ్రూట్స్
చలికాలంలో విరివిగా లభించే నారింజ, నిమ్మ జాతికి చెందిన సిట్రస్ ఫ్రూట్స్ ఆర్థరైటిస్ సమస్యను దూరం చేస్తాయి. వీటిలో విటమిన్ సి పుష్కలంగా ఉంటుంది. ఇది కొల్లాజెన్ సంశ్లేషణకు కీలకమైనది. ఇది కీళ్లలోని మృదులాస్థి, బంధన కణజాలల ఆరోగ్యాన్ని కాపాడుకోవడంలో హెల్ప్ చేస్తుంది. వీటిని రెగ్యూలర్గా తీసుకుంటే కీళ్ల ఆరోగ్యం మెరుగుపడుతుంది.
బొప్పాయి
బొప్పాయి పండులో పాపైన్, యాంటీ ఇన్ఫ్లమేటరీ లక్షణాలు ఉంటాయి. ఇవి కీళ్లనొప్పులు, వాటికి సంబంధించిన వాపును తగ్గించడంలో సహాయం చేస్తాయి. దీనిలోని విటమిన్ ఎ, విటమిన్ సి కూడా కీళ్లనొప్పులు ఉన్నవారికి మంచి చేస్తాయి. ఇవి కణజాల మరమ్మత్తును ప్రోత్సాహించి, ఆక్సీకరణ ఒత్తిడిని తగ్గిస్తాయి. తద్వార కీళ్ల ఆరోగ్యం మెరుగుపడుతుంది.
పైనాపిల్
పైనాపిల్ పండులో బ్రోమెలైన్, యాంటీ ఇన్ఫ్లమేటరీ లక్షణాలతో కూడిన ఎంజైమ్లు ఉంటాయి. ఆర్థరైటిస్తో సంబంధం ఉన్న కీళ్ల నొప్పులు, వాపులను తగ్గించడంలో ఇవి హెల్ప్ చేస్తాయి. పైనాపిల్ విటమిన్ సి, మాంగనీస్లతో నిండి ఉండి.. ఇవి మొత్తం ఆరోగ్యానికి అవసరమైన పోషకాలు అందిస్తాయి.
అరటిపండ్లు
ఆర్థరైటిస్ ఉన్నవాళ్ల అరటిపండ్లు చాలా మంచివి. విలువైన పోషకాలతో నిండిన ఈ పండ్లలో పొటాషియం పుష్కలంగా ఉంటుంది. ఇది శరీరంలో ద్రవ సమతుల్యతను కాపాడుకోవడంలో హెల్ప్ చేస్తుంది. ఇవి కండరాల దృఢత్వాన్ని మెరుగుపరచి, తిమ్మిరిని నిరోధిస్తాయి. కాబట్టి ఆర్థరైటిస్తో ఇబ్బంది పడుతున్నవారు ఉపశమనం కోసం అరటిపండ్లు తినొచ్చు.
పుచ్చకాయ
పుచ్చకాయ అనేది హైడేటింగ్, రిఫ్రెష్ ఫ్రూట్. దీనిలో లైకోపీన్ అనే శక్తివంతమైన యాంటీ ఆక్సిడెంట్ ఉంటుంది. టమాటాల్లో కూడా లైకోపీన్ ఉంటుంది. పుచ్చకాయ కూడా ఇదే సమ్మేళనంతో నిండి ఉంటుంది. ఇది కీళ్ల ఆరోగ్యానికి తగినంత హైడ్రేషన్ను అందిస్తుంది. తద్వార నొప్పుల నుంచి ఉపశమనం కలుగుతుంది.
ఇవే కాకుండా అవకాడో, బెర్రీలు, చెర్రీ వంటి పండ్లు కూడా కీళ్ల ఆరోగ్యాన్ని మెరుగుపరుస్తాయి. కాబట్టి ఆర్థరైటిస్తో ఇబ్బంది పడేవారు డాక్టర్ను సంప్రదించి ఈ ఆహారాలను తమ డైట్లో చేర్చుకోవచ్చు.
Also Read : కర్పూరంతో జుట్టుకి ఎన్ని ప్రయోజనాలో తెలుసా? ఇలా ఉపయోగించండి
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్ను సంప్రదించాలి. ఈ ఆర్టికల్లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్వర్క్’ ఎటువంటి బాధ్యత వహించవని గమనించగలరు.
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)