Hole in the Baby Heart : పిల్లలకు పుట్టుకతోనే గుండెలో రంధ్రం ఉంటుందా? ఆ లక్షణాలు అస్సలు లైట్ తీసుకోకండి
Congenital Heart Defect In Children : మీకు తెలుసా? చాలామంది పిల్లలకు పుట్టుకతోనే గుండెలో రంధ్రం ఏర్పడుతుందట. అందుకే కొన్ని లక్షణాలు విస్మరించకుండా జాగ్రత్తలు తీసుకోవాలని అంటున్నారు నిపుణులు.
- పుట్టుకతో వచ్చే గుండె రంధ్రాలు ASD, VSD రకాలుగా ఉన్నాయి.
- చిన్న రంధ్రాలు తమంతట తాముగా మూసుకుపోతాయి, పెద్దవాటికి చికిత్స అవసరం.
- త్వరగా అలసిపోవడం, బరువు పెరగకపోవడం వంటివి లక్షణాలుగా గుర్తించాలి.
- గర్భధారణ సమయంలో సమస్యలు, కుటుంబ చరిత్ర కారణాలు కావచ్చు.
Congenital Heart Defect : కొంతమంది చిన్న పిల్లలకు పుట్టుకతోనే గుండెలో రంధ్రం (Hole in the Heart) ఉండొచ్చు. దీనిని వైద్య భాషలో Congenital Heart Defect అంటారు. సాధారణంగా గుండె గదులను విడదీసే గోడలో చిన్న రంధ్రం ఏర్పడుతుంది. ఇది ఎక్కువగా రెండు రకాలుగా ఉంటుందని చెప్తున్నారు నిపుణులు. అవే ఏఎస్డీ, వీఎస్డీ.
గుండెలో రంధ్రాలు రెండు రకాలు..
ASD-Atrial Septal Defect అంటే గుండె పై భాగంలోని గదుల మధ్య రంధ్రం. ఇది ఒకరకం. VSD-Ventricular Septal Defect అంటే గుండె కింది గదుల మధ్య రంధ్రం ఇది మరొక రకం. అయితే కొందరు పిల్లల్లో ఈ రంధ్రం చాలా చిన్నగా ఉంటుంది. వయసు పెరిగే కొద్దీ దానికదే స్వయంగా మూసుకుపోతుంది. కానీ పెద్ద రంధ్రం ఉంటే చికిత్స లేదా సర్జరీ చేయించాల్సి వస్తుంది.
గుండెలో రంధ్రం ఉంటే కనిపించే లక్షణాలు
పిల్లల్లో గుండెలో రంధ్రం ఉంటే కొన్ని లక్షణాల ద్వారా గుర్తించాలి. పాలు తాగేటప్పుడు పిల్లలు త్వరగా అలసిపోతున్నారేమో చెక్ చేసుకోవాలి. అలాగే బరువు సరిగా పెరగకపోవడం, వేగంగా శ్వాస తీసుకోవడం, తరచూ జలుబు, దగ్గు రావడం, పెదవులు లేదా గోళ్లు నీలంగా మారడం, ఆడుకుంటే త్వరగా నీరసం రావడం వంటి లక్షణాలను పేరెంట్స్ విస్మరించకూడదు.
అసలు గుండెల్లో రంధ్రం ఎందుకు వస్తుంది?
గర్భంలో శిశువు గుండె అభివృద్ధి చెందే సమయంలో కొన్ని మార్పులు సరిగా జరగకపోతే ఈ సమస్య రావచ్చు. ఫ్యామిలీ హిస్టరీ, తల్లి ఆరోగ్య సమస్యలు, గర్భధారణ సమయంలో వచ్చే కొన్ని ఇన్ఫెక్షన్లు కూడా పిల్లల గుండెల్లో రంధ్రానికి కారణం కావచ్చు.
చికిత్స ఎలా చేస్తారు?
డాక్టర్లు 2D ఎకో వంటి పరీక్షల ద్వారా హార్ట్లోని హోల్ గుర్తిస్తారు. చిన్న రంధ్రాలకు మందులు, నిరంతర పర్యవేక్షణతో కేర్ తీసుకుంటారు. పెద్ద రంధ్రాలైతే సర్జరీ లేదా ప్రత్యేక ప్రక్రియ చేసి దానిని బ్లాక్ చేస్తారు. అయితే సమయానికి గుర్తిస్తే చాలా మంది పిల్లలు పూర్తిగా ఆరోగ్యంగా పెరుగుతారు. పిల్లల్లో పై లక్షణాలు కనిపిస్తే మాత్రం వెంటనే పీడియాట్రిక్ కార్డియాలజిస్ట్ను సంప్రదించడం మంచిది.
ఇలాంటి హెల్త్ ఆర్టికల్స్ కోసం దీనిని క్లిక్ చేయండి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
