TSPSC Group I : గ్రూప్-1 అభ్యర్థులకు మరో అవకాశం, దరఖాస్తు గడువు పెంచిన టీఎస్‌పీఎస్సీ

TSPSC Group I : గ్రూప్-1 అభ్యర్థులకు టీఎస్‌పీఎస్సీ మరో సదవకాశం కల్పించింది. ఈ నెల 4వ తేదీ వరకు దరఖాస్తు గడువు పెంచుతూ నిర్ణయం తీసుకుంది.

టీఎస్‌పీఎస్సీ (File Photo)

TSPSC Group I : తెలంగాణ పబ్లిక్ సర్వీస్ కమిషన్ గ్రూప్ -1 అభ్యర్థులకు మరో అవకాశం కల్పించింది. చివరి నిమిషంలో దరఖాస్తు చేసుకున్న కొందరు అభ్యర్థులకు పేమెంట్ సమస్యలు వచ్చినట్లు గుర్తించిన టీఎస్ఎస్పీసీ దరఖాస్తు చివరి తేదీ గడువు పెంచింది. ఈ నెల 4వ తేదీ వరకు దరఖాస్తుదారులు అప్లై చేసుకోవచ్చని పేర్కొంది. 

అభ్యర్థుల అభ్యర్థనతో 

అభ్యర్థులు గ్రీవియెన్స్ సెల్ లో చేసిన ఫిర్యాదుల ప్రకారం కొందరు పేమెంట్స్ సమయంలో కార్డు ఇష్యూ, రాంగ్ పిన్, పలు సాంకేతిక సమస్యలతో పేమెంట్స్ చేయలేకపోయారని టీఎస్ఎస్పీసీ గుర్తించింది. చివరి రోజున అప్లై చేసిన చాలా మందికి ఇలాంటి సమస్యలు రావడంతో వారు ఇప్పుడు అవకాశం కోల్పోతామని భయాందోళనలో ఉన్నట్లు పబ్లిక్ సర్వీస్ కమిషన్ గుర్తించింది. దీంతో మరో అవకాశం కల్పించేందుకు నిర్ణయించింది. అందుకుగాను ఈ నెల(జూన్) 4వ తేదీ వరకూ గ్రూప్ -1 అప్లికేషన్లు సబ్మిషన్ చేసేందుకు అవకాశం కల్పిస్తూ నిర్ణయం తీసుకుంది. 4వ తేదీ రాత్రి 11:59 వరకు పేమెంట్స్ యాక్సెప్ట్ చేస్తారు.

తెలంగాణ గ్రూప్ 1 ఉద్యోగానికి దరఖాస్తు చేయడానికి డైరెక్ట్ లింక్

టీఎస్‌పీఎస్సీ గ్రూప్ 1 దరఖాస్తు విధానం ఇదే..

• అభ్యర్థులు ముందుగా టీఎస్‌పీఎస్సీ అధికారిక వెబ్‌సైట్‌ tspsc.gov.in ను సందర్శించండి
• మీరు ఇదివరకు రిజిస్టర్ కానీ వారైతే న్యూ రిజిస్ట్రేషన్ (OTR)లో రిజిస్ట్రేషన్ చేసుకోవాలి. అందుకోసం మీ మొబైల్ నెంబర్ టైప్ చేసి, గెట్ ఓటీపీ మీద క్లిక్ చేస్తే మీ ఫోన్‌కు ఓటీపీ వస్తుంది. వివరాలు నింపి సబ్మిట్ చేయాలి
• మీరు గతంలో రిజిస్టర్ అయిన వారైతే ఎడిట్ ఓటీఆర్ (Candidate Login) మీద క్లిక్ చేసి వివరాలు అప్‌డేట్, ఎడిట్ చేసుకోవాలి.
  ఓటీఆర్ వివరాలతో పాటు  
  అప్లికేషన్ ఫీజు, ఎగ్జామ్ ఫీజును డెబిట్, క్రెడిట్ కార్డులు, ఇంటర్నెట్ బ్యాంకింగ్, టీ వ్యాలెట్ ద్వారా చెల్లించాలి. ఫీజు చెల్లించిన తరువాత అప్లికేషన్ పేజీని పీడీఎఫ్ రూపంలో సేవ్ చేసుకోవాలి.

గ్రూప్ -1 పోస్టులు 

 

• జిల్లా బీసీ అభివృద్ధి అధికారి పోస్టులు - 5
• అసిస్టెంట్ ఆడిట్ ఆఫీసర్ పోస్టులు - 40
• అసిస్టెంట్ ట్రెజరీ ఆఫీసర్ పోస్టులు -38 
• అడ్మినిస్ట్రేటివ్‌ ఆఫీస్‌ పోస్టులు - 20 
• డీఎస్పీ పోస్టులు - 91 
• జైళ్లశాఖలో డీఎస్పీ పోస్టులు - 2
• అసిస్టెంట్‌ కమిషనర్‌ ఆఫ్‌ లేబర్‌ పోస్టులు - 8 
• జిల్లా ఉపాధి అధికారి పోస్టులు - 2 
• జిల్లా మైనారిటీల సంక్షేమ అధికారి పోస్టులు - 6 
• గ్రేడ్‌-2 మున్సిపల్‌ కమిషనర్‌ పోస్టులు - 35 
• మండల పరిషత్‌ అభివృద్ధి అధికారి పోస్టులు - 121 
• జిల్లా పంచాయతీ అధికారి పోస్టులు - 5 
• సీటీఓ పోస్టులు - 48 
• డిప్యూటీ కలెక్టర్లు పోస్టులు - 42 
• అసిస్టెంట్ ఎక్సైజ్ సూపరింటెండెంట్ పోస్టులు - 26 
• ప్రాంతీయ రవాణా అధికారి పోస్టులు - 4 
• జిల్లా గిరిజన సంక్షేమ అధికారి పోస్టులు - 2