High Court Jobs: తెలంగాణ హైకోర్టులో 50 ఆఫీస్ సబార్డినేట్ పోస్టులు, అర్హతలు ఇవే!
అభ్యర్థులు 7వ తరగతి/10వ తరగతి లేదా తత్సమాన విద్యార్హత కలిగి ఉండాలి. సరైన అర్హతలున్నవారు జనవరి 21 నుంచి ఫిబ్రవరి 11 వరకు ఆన్లైన్ విధానంలో దరఖాస్తు చేసుకోవాల్సి ఉంటుంది.
తెలంగాణ హైకోర్టు ఆఫీస్ సబార్డినేట్ పోస్టుల భర్తీకి నోటిఫికేషన్ విడుదల చేసింది. దీనిద్వారా మొత్తం 50 ఖాళీలను భర్తీ చేయనున్నారు. ఖాళీల్లో ఓసీలకు 26, బీసీలకు 14, ఎస్సీలకు 7, ఎస్టీలకు 3 పోస్టులు కేటాయించారు. అభ్యర్థులు 7వ తరగతి/10వ తరగతి లేదా తత్సమాన విద్యార్హత కలిగి ఉండాలి. సరైన అర్హతలున్నవారు జనవరి 21 నుంచి ఫిబ్రవరి 11 వరకు ఆన్లైన్ విధానంలో దరఖాస్తు చేసుకోవాల్సి ఉంటుంది. కంప్యూటర్ ఆధారిత పరీక్ష, టైపింగ్ టెస్ట్ ఆధారంగా ఉద్యోగ ఎంపికలు చేపడతారు.
పోస్టుల వివరాలు..
* ఆఫీస్ సబార్డినేట్: 50 పోస్టులు
అర్హతలు: అభ్యర్థులు 7వ తరగతి/10వ తరగతి లేదా తత్సమాన విద్యార్హత కలిగి ఉండాలి.
వయోపరిమితి: 11.01.2023 నాటికి 18-34 సంవత్సరాల మధ్య ఉండాలి. నిబంధనల ప్రకారం వయోపరిమితిలో సడలింపులు వర్తిస్తాయి. బీసీ, ఎస్సీ, ఎస్టీలకు 5 సంవత్సరాలపాటు వయోసడలింపు వర్తిస్తుంది.
దరఖాస్తు విధానం: ఆన్లైన్ ద్వారా.
దరఖాస్తు ఫీజు: రూ.600. ఎస్సీ, ఎస్టీ అభ్యర్థులు రూ.400 చెల్లిస్తే సరిపోతుంది. ఆన్లైన్ ద్వారా మాత్రమే పరీక్ష ఫీజు చెల్లించాలి.
ఎంపిక విధానం: రాతపరీక్ష(CBT/OMR), ఇంటర్వూ, సర్టిఫికేట్ వెరిఫికేషన్ ఆధారంగా.
పరీక్ష విధానం..
➥మొత్తం 50 మార్కులకు ఎంపిక విధానం ఉంటుంది. వీటిలో రాతపరీక్షకు 45 మార్కులు, ఇంటర్వ్యూకు 5 మార్కులు కేటాయిస్తారు. వీటిలో నుంచి 1:3 నిష్పత్తిలో అభ్యర్థులకు సర్టిఫికేట్ వెరిఫికేషన్ నిర్వహించి ఇంటర్వ్యూకు ఎంపిక చేస్తారు.
➥ మొత్తం 45 మార్కులకు రాతపరీక్ష నిర్వహిస్తారు. మొత్తం 45 ప్రశ్నలు ఉంటాయి. ఒక్కో ప్రశ్నకు ఒకమార్కు. ఇందులో జనరల్ నాలెడ్జ్-45 ప్రశ్నలు-45 మార్కులు కేటాయించారు. పరీక్ష సమయం 60 నిమిషాలు.
➥ అర్హత మార్కులను ఓసీలకు 45%, బీసీలకు 40%, ఎస్సీ-ఎస్టీలకు 35% గా నిర్ణయించారు.
జీతభత్యాలు: రూ.24,280 - రూ.72,850.
ముఖ్యమైన తేదీలు..
➥ నోటిఫికేషన్ల వెల్లడి: 11.01.2023.
➥ ఆన్లైన్ దరఖాస్తు ప్రక్రియ ప్రారంభం: 21.01.2023.
➥ ఆన్లైన్ దరఖాస్తుకు చివరితేది: 11.02.2023. (11.59 PM)
➥ పరీక్ష హాల్టికెట్ల డౌన్లోడ్: 20.02.2023.
➥ కంప్యూటర్ ఆధారిత రాతపరీక్ష తేది: మార్చిలో పరీక్ష నిర్వహిస్తారు.
Also Read:
1904 కోర్టు ఉద్యోగాల దరఖాస్తు ప్రక్రియ ప్రారంభం, చివరితేది ఎప్పుడంటే?
తెలంగాణ హైకోర్టు జిల్లా కోర్టులతో పాటు హైదరాబాద్లోని వివిధ న్యాయస్థానాల్లో ఖాళీగా ఉన్న పలు ఉద్యోగాల భర్తీకి నోటిఫికేషన్లు వెలువడిన సంగతి తెలిసిందే. వీటిద్వారా మొత్తం 1,904 ఖాళీలను భర్తీ చేయనున్నారు. ఖాళీల్లో ఆఫీస్ సబార్డినేట్-1226, జూనియర్ అసిస్టెంట్-275, ప్రాసెస్ సర్వర్-163, రికార్డ్ అసిస్టెంట్-97, ఫీల్డ్ అసిస్టెంట్-77, ఎగ్జామినర్-66 పోస్టులు ఉన్నాయి. ఈ పోస్టుల భర్తీకి జనవరి 11 నుంచి ఆన్లైన్ దరఖాస్తు ప్రక్రియ ప్రారంభమైంది. పోస్టులవారీగా విద్యార్హతలు నిర్ణయించారు. సరైన అర్హతలున్న అభ్యర్థులు జనవరి 31 వరకు తమ దరఖాస్తులు సమర్పించవచ్చు. రాతపరీక్ష ద్వారా ఉద్యోగ ఎంపికలు చేపట్టనున్నారు.
నోటిఫికేషన్, పోస్టుల వివరాల కోసం క్లిక్ చేయండి..
హైకోర్టులో 176 పోస్టుల భర్తీకి నోటిఫికేషన్లు, జనవరి 21 నుంచి దరఖాస్తులు!
తెలంగాణ హైకోర్టులో ఉద్యోగాల భర్తీకి నోటిఫికేషన్లు వెలువడ్డాయి. మొత్తం 176 ఖాళీల భర్తీకి 9 నోటిఫికేషన్లను హైకోర్టు విడుదల చేసింది. వీటిలో హైకోర్టు సబార్డినేట్–50 పోస్టులు, సిస్టమ్ అసిస్టెంట్–45 పోస్టులు, ఎగ్జామినర్–17 పోస్టులు, అసిస్టెంట్–10 పోస్టులు, స్టెనో–2 పోస్టులు, అసిస్టెంట్ లైబ్రేరియన్–2 పోస్టులు, కంప్యూటర్ ఆపరేటర్–20 పోస్టులు, ట్రాన్స్లేటర్–10 పోస్టులు, కోర్టు మాస్టర్/ హైకోర్టు జడ్జిల వ్యక్తిగత కార్యదర్శులు–20 పోస్టులు ఉన్నాయి.
పూర్తి వివరాల కోసం క్లిక్ చేయండి..
టాప్ హెడ్ లైన్స్
ట్రెండింగ్ వార్తలు
