Singareni Recruitment: సింగరేణి ఉద్యోగాల దరఖాస్తు ప్రక్రియ ప్రారంభం - అర్హతలు, దరఖాస్తు వివరాలు ఇలా
Singareni Jobs: సింగరేణిలో 272 ఎగ్జిక్యూటివ్, నాన్-ఎగ్జిక్యూటివ్ పోస్టుల భర్తీకి సంబంధించిన ఆన్‌లైన్ దరఖాస్తు ప్రక్రియ ప్రారంభమైంది. మార్చి 18న సాయంత్రం 5 గంటల వరకు దరఖాస్తులు స్వీకరించనున్నారు.
Singareni Collieries Company Recruitment: సింగరేణిలో 272 ఎగ్జిక్యూటివ్, నాన్-ఎగ్జిక్యూటివ్ పోస్టుల భర్తీకి సంబంధించిన ఆన్‌లైన్ దరఖాస్తు ప్రక్రియ మార్చి 1న ప్రారంభమైంది. అభ్యర్థుల నుంచి మార్చి 18న సాయంత్రం 5 గంటల వరకు దరఖాస్తులు స్వీకరించనున్నారు. ఉద్యోగాలకు దరఖాస్తు చేసుకునే అభ్యర్థుల వయసు 30 సంవత్సరాలలోపు ఉండాలి. రాతపరీక్ష, ధ్రువపత్రాల పరిశీలన ఆధారంగా ఎంపికలు ఉంటాయి. ఉద్యోగాల భర్తీకి సంబంధించిన పూర్తిస్థాయి నోటిఫికేషన్ మార్చి 1 నుంచి అందుబాటులో ఉండనుంది.
సింగరేణిలో 272 ఉద్యోగాల భర్తీకి సింగరేణి కాలరీస్ కంపెనీ లిమిటెడ్ ఫిబ్రవరి 22న నోటిఫికేషన్ విడుదల చేసిన సంగతి తెలిసిందే. దీనిద్వారా ఎగ్జిక్యూటివ్ క్యాడర్‌లో మేనేజ్మెంట్ ట్రైనీ(మైనింగ్)-139 పోస్టులు, మేనేజ్మెంట్ ట్రైనీ (ఎఫ్‌ అండ్ ఏ)-22 పోస్టులు, మేనేజ్మెంట్ ట్రైనీ (పర్సనల్)-22 పోస్టులు, మేనేజ్మెంట్ ట్రైనీ (ఐఈ)-10 పోస్టులు, జూనియర్ ఎస్టేట్‌ ఆఫీసర్-10 పోస్టులు; మేనేజ్మెంట్ ట్రైనీ (హైడ్రో జియాలజిస్ట్)- పోస్టులు, మేనేజ్మెంట్ ట్రైనీ (సివిల్)-18 పోస్టులు, జూనియర్ ఫారెస్ట్ ఆఫీసర్- 03 పోస్టులు, జనరల్ డిప్యూటీ మెడికల్ ఆఫీసర్ (జీడీఎంవోస్‌)-30 పోస్టులు ఉన్నాయి. వీటితోపాటు నాన్-ఎగ్జిక్యూటివ్ క్యాడర్‌లో సబ్ ఓవర్సీర్ ట్రైనీ (సివిల్) ఈఅండ్‌ఎస్‌ గ్రేడ్-సీలో 16 పోస్టులను భర్తీచేయనున్నారు.
వివరాలు..
* ఖాళీల సంఖ్య: 272 (ఎగ్జిక్యూటివ్ కేడర్-156, నాన్-ఎగ్జిక్యూటివ్ కేడర్-16)
I. ఎగ్జిక్యూటివ్ కేడర్ పోస్టులు
1) మేనేజ్మెంట్ ట్రైనీ (E2 గ్రేడ్): 139 పోస్టులు
విభాగం: మైనింగ్.
అర్హత: 60 శాతం మార్కులతో బీఈ/బీటెక్/బీఎస్సీ (ఇంజినీరింగ్) ఉత్తీర్ణులై ఉండాలి.
2) మేనేజ్మెంట్ ట్రైనీ (E2 గ్రేడ్): 22 పోస్టులు
విభాగం: ఫైనాన్స్ అండ్ అకౌంట్స్.
అర్హత: సీఏ/ ఐసీడబ్ల్యూఏ/ సీఎంఏ ఉత్తీర్ణులై ఉండాలి.
3) మేనేజ్మెంట్ ట్రైనీ (E2 గ్రేడ్): 22 పోస్టులు
విభాగం: పర్సనల్.
అర్హత: 60 శాతం మార్కులతో డిగ్రీతోపాటు పీజీ డిగ్రీ/పీజీ డిప్లొమా (మేనేజ్మెంట్-HR)/ ఇండస్ట్రియల్ రిలేషన్స్ & పర్సనల్ మేనేజ్మెంట్/ ఎంహెచ్‌ఆర్‌డీ/ఎంహెచ్‌ఆర్‌వోడీ/ ఎంబీఏ (HR)/ మాస్టర్ ఆఫ్ సోషల్ వర్క్ (స్పెషలైజేషన్-HR) ఉత్తీర్ణులై ఉండాలి.
4) మేనేజ్మెంట్ ట్రైనీ (E2 గ్రేడ్): 22 పోస్టులు
విభాగం: ఐఈ.
అర్హత: 60 శాతం మార్కులతో బీఈ/బీటెక్/బీఎస్సీ (ఇండస్ట్రియల్ ఇంజినీరింగ్) ఉత్తీర్ణులై ఉండాలి.
5) జూనియర్ ఎస్టేట్స్ ఆఫీసర్ (E1 గ్రేడ్): 10 పోస్టులు
అర్హత: 55 శాతం మార్కులతో ఏదైనా డిగ్రీతోపాటు లా డిగ్రీ ఉత్తీర్ణులై ఉండాలి.
6) మేనేజ్మెంట్ ట్రైనీ (E2 గ్రేడ్): 02 పోస్టులు
విభాగం: హైడ్రో-జియాలజిస్ట్.
అర్హత: 60 శాతం మార్కులతో ఎంఎస్సీ(టెక్) హైడ్రోజియాలజీ/ అప్లైడ్ జియోలజీ/జియోలజీ ఉత్తీర్ణులై ఉండాలి.
7) మేనేజ్మెంట్ ట్రైనీ (E2 గ్రేడ్): 02 పోస్టులు
విభాగం: సివిల్.
అర్హత: 60 శాతం మార్కులతో బీఈ/బీటెక్/బీఎస్సీ (సివిల్ ఇంజినీరింగ్) ఉత్తీర్ణులై ఉండాలి.
8) జూనియర్ ఫారెస్ట్ ఆఫీసర్ (E1 గ్రేడ్): 03 పోస్టులు
అర్హత: బీఎస్సీ (హానర్స్- అగ్రికల్చర్)/ ఫారెస్ట్రీ/ హార్టికల్చర్ (లేదా) ఎంఎస్సీ (అగ్రికల్చర్)/ ఫారెస్ట్రీ/ హార్టికల్చర్ (లేదా) ఫారెస్ట్ రేంజ్ సర్టిఫికేట్ కలిగి ఉండాలి. (లేదా) ఫారెస్ట్ రేంజ్ ఆఫీసర్ (డిపార్ట్‌మెంట్/కార్పొరేషన్) (లేదా) ఫారెస్ట్ సంబంధిత పరిశ్రమలు/సంస్థల్లో ఫారెస్ట్ రేంజ్ ఆఫీసర్ స్థాయి ఉండాలి.
9) జనరల్ డ్యూటీ మెడికల్ ఆఫీసర్ (E3 గ్రేడ్): 30 పోస్టులు
అర్హత: ఎంబీబీఎస్ ఉత్తీర్ణతతోపాటు, తెలంగాణ మెడికల్ కౌన్సిల్‌లో సభ్యత్వం ఉండాలి.
II. నాన్-ఎగ్జిక్యూటివ్ కేడర్ పోస్టులు
10) సబ్-ఓవర్సీర్ ట్రైనీ, టి & ఎస్‌ (గ్రేడ్-సి): 16 పోస్టులు
సివిల్: సివిల్.
అర్హత: డిప్లొమా (సివిల్ ఇంజినీరింగ్).
వయోపరిమితి: అభ్యర్థుల వయసు గరిష్ఠంగా 30 సంవత్సరాలకు మించకూడదు. అయితే జనరల్ డ్యూటీ మెడికల్ ఆఫీసర్ (జీడీఎంవో) పోస్టులకు 45 సంవత్సరాలకు మించకూడదు. ఎస్సీ, ఎస్టీ, బీసీ అభ్యర్థులకు అయిదేళ్లపాటు వయో సడలింపు వర్తిస్తుంది.
దరఖాస్తు ఫీజు: రూ.1000. ఎస్సీ, ఎస్టీ, సింగరేణి సంస్థ ఉద్యోగులు రూ.100 చెల్లిస్తే సరిపోతుంది.
దరఖాస్తు విధానం: ఆన్‌లైన్ ద్వారా.
ఎంపిక విధానం: రాతపరీక్ష, ధ్రువపత్రాల పరిశీలన ఆధారంగా.
ముఖ్యమైన తేదీలు..
➥ ఆన్‌లైన్ దరఖాస్తు ప్రక్రియ ప్రారంభం: 01.03.2024.
➥ ఆన్‌లైన్ దరఖాస్తుకు చివరితేది: 18.03.2024.
మరిన్ని ఉద్యోగ వార్తల కోసం క్లిక్ చేయండి...
టాప్ హెడ్ లైన్స్
ట్రెండింగ్ వార్తలు
