SAIL Rourkela: స్టీల్ అథారిటీ ఆఫ్ ఇండియాలో 110 ఆపరేటర్, టెక్నీషియన్ పోస్టులు
SAIL Recruitment: రూర్కెలాలోని స్టీల్ అథారిటీ ఆఫ్ ఇండియా లిమిటెడ్ ఆపరేటర్ కమ్ టెక్నీషియన్, అటెండెంట్ కమ్ టెక్నీషియన్ ఖాళీల భర్తీకి నోటిఫికేషన్ విడుదల చేసింది.
SAIL Recruitment Notification: రూర్కెలాలోని స్టీల్ అథారిటీ ఆఫ్ ఇండియా లిమిటెడ్ (SAIL) ఆపరేటర్ కమ్ టెక్నీషియన్ (Operator-cum-Technician), అటెండెంట్ కమ్ టెక్నీషియన్ (Attendant-cum-Technician) ఖాళీల భర్తీకి నోటిఫికేషన్ విడుదల చేసింది. ఈ నోటిఫికేషన్ ద్వారా మొత్తం 110 పోస్టులను భర్తీ చేయనున్నారు. పోస్టుని అనుసరించి మెట్రిక్యులేషన్/10వ తరగతితో పాటు సంబంధిత విభాగాలలో డిప్లొమా, ఐటీఐ ఉత్తీర్ణత ఉన్నవారు దరఖాస్తు చేసుకోవడానికి అర్హులు. సరైన అర్హతలు గల అభ్యర్థులు డిసెంబర్ 16 వరకు దరఖాస్తు చేసుకోవచ్చు.
వివరాలు..
మొత్తం ఖాళీలు: 110
➥ ఆపరేటర్ కమ్ టెక్నీషియన్: 30
విభాగాలు: బాయిలర్ ఆపరేటర్, ఎలక్ట్రికల్ సూపర్వైజర్.
వయోపరిమితి: 16.12.2023 నాటికి బాయిలర్ ఆపరేటర్ విభాగంలో 18-30, ఎలక్ట్రికల్ సూపర్వైజర్ విభాగంలో 18-28 సంవత్సరాలు ఉండాలి. నిబంధనల ప్రకారం వయో సడలింపు వర్తిస్తుంది.
అర్హత: మెట్రిక్యులేషన్తో పాటు సంబంధిత విభాగాలలో డిప్లొమా ఉత్తీర్ణత ఉండాలి.
➥ అటెండెంట్-కమ్-టెక్నీషియన్(ట్రైనీ): 80
విభాగాలు: ఎలక్ట్రీషియన్, ఫిట్టర్, ఎలక్ట్రానిక్స్, మెషినిస్ట్, డీజిల్ మెకానిక్, CoPA/ఐటీ.
అర్హత: 10వ తరగతితో పాటు ఐటీఐ ఉత్తీర్ణత ఉండాలి.
వయోపరిమితి: 16.12.2023 నాటికి 18-28 సంవత్సరాలు ఉండాలి. నిబంధనల ప్రకారం వయోసడలింపు వర్తిస్తుంది.
దరఖాస్తు ఫీజు: ఆపరేటర్ కమ్ టెక్నీషియన్- జనరల్, ఈడబ్ల్యూఎస్ & ఓబీసీ అభ్యర్థులకు దరఖాస్తు ఫీజు+ ప్రాసెసింగ్ ఫీజు రూ.500. ఎస్సీ/ఎస్టీ/పీడబ్ల్యూబీడీ/ డిపార్ట్మెంటల్/ఈఎస్ఎం అభ్యర్థులకు ప్రాసెసింగ్ ఫీజు రూ.150. అటెండెంట్ కమ్ టెక్నీషియన్- జనరల్, ఈడబ్ల్యూఎస్ & ఓబీసీ అభ్యర్థులకు దరఖాస్తు ఫీజు+ ప్రాసెసింగ్ ఫీజు రూ.300. ఎస్సీ/ఎస్టీ/పీడబ్ల్యూబీడీ/ డిపార్ట్మెంటల్/ఈఎస్ఎం అభ్యర్థులకు ప్రాసెసింగ్ ఫీజు రూ.100. ఎస్సీ/ఎస్టీ/పీడబ్ల్యూబీడీ/ డిపార్ట్మెంటల్/ఈఎస్ఎం అభ్యర్థులకు దరఖాస్తు ఫీజు నుంచి మినహాయింపు ఉంది.
దరఖాస్తు విధానం: ఆన్లైన్ ద్వారా దరఖాస్తు చేసుకోవాలి.
దరఖాస్తు ఫారమ్ను సమర్పించే ప్రక్రియ:
➥ దరఖాస్తును SAIL వెబ్సైట్ www.sail.co.in ద్వారా “Careers” పేజీ లేదా www.sailcareers.com వద్ద మాత్రమే సమర్పించాలి.
➥ మీ అర్హత గురించి ఖచ్చితంగా తెలుసుకోవడానికి నోటిఫికేషన్ను జాగ్రత్తగా చదవాలి.
➥ సైట్లో అందుబాటులో ఉన్న యూజర్ మాన్యువల్ ద్వారా వెళ్లి, పేర్కొన్న దశలను అనుసరించాలి.
➥ "Login" పై క్లిక్ చేయండి.
➥ "New User" అయితే, ముందుగా వన్ టైమ్ రిజిస్ట్రేషన్ (OTR) పూర్తి చేసి, ఆపై యూజర్ ID & పాస్వర్డ్ ఉపయోగించి "రిజిస్టర్డ్ యూజర్"పై క్లిక్ చేయాలి.
➥ ఇప్పటికే నమోదు చేసుకున్నట్లయితే, వినియోగదారు ID & పాస్వర్డ్ ఉపయోగించి “రిజిస్టర్డ్ యూజర్” పై క్లిక్ చేయాలి.
➥ అవసరమైన సమాచారాన్ని పూరించడం, అప్లోడ్ చేయడం ద్వారా దశలవారీగా దరఖాస్తు సమర్పణ ప్రక్రియను పూర్తి చేయాలి. అవసరమైన పత్రాలు & చెల్లింపు గేట్వే ద్వారా చెల్లింపు చేయాలి.
ఎంపిక విధానం: కంప్యూటర్ ఆధారిత పరీక్ష (CBT), స్కిల్ టెస్ట్/ ట్రేడ్ టెస్ట్ ఆధారంగా ఎంపిక ఉంటుంది.
పరీక్ష విధానం: CBTలో 2 విభాగాలలో 100 ఆబ్జెక్టివ్ తరహా ప్రశ్నలు ఉంటాయి, అంటే సాంకేతిక పరిజ్ఞానంపై 50 & జనరల్ అవేర్నెస్పై 50 ప్రశ్నలు ఉంటాయి. CBT యొక్క వ్యవధి 90 నిమిషాలు.
పరీక్ష కేంద్రాలు: కంప్యూటర్ ఆధారిత పరీక్ష (CBT) దేశవ్యాప్తంగా వివిధ నగరాల్లో నిర్వహించబడుతుంది. కంప్యూటర్ ఆధారిత పరీక్ష (CBT) కోసం తేదీ, సమయం & వేదిక అడ్మిట్ కార్డ్ ద్వారా అర్హత కలిగిన అభ్యర్థులకు తెలియజేయబడుతుంది మరియు సమాచారం ఈ-మెయిల్/ఎస్ఎంఎస్ & SAIL వెబ్సైట్ ద్వారా తెలియజేస్తారు.
జీతం/స్టైపెండ్: ఆపరేటర్ కమ్ టెక్నీషియన్ పోస్టులకు Rs.26600-3%-రూ.38,920 చెల్లిస్తారు. అటెండెంట్-కమ్-టెక్నీషియన్(ట్రైనీ) పోస్టులకు రూ.25,070-3%-రూ.35,070.
ముఖ్యమైన తేదీలు..
➥ ఆన్లైన్ దరఖాస్తు ప్రక్రియ ప్రారంభం: 20.11.2023
➥ ఆన్లైన్ దరఖాస్తుకు చివరితేదీ: 16.12.2023
టాప్ హెడ్ లైన్స్
ట్రెండింగ్ వార్తలు
