Indian Navy Agniveer MR Admitcard: ఇండియన్ నేవీ అగ్నివీర్ (ఎంఆర్) అడ్మిట్ కార్డులు వచ్చేశాయ్, డౌన్‌లోడ్ చేసుకోండి

అడ్మిట్ కార్డులను అధికారిక వెబ్‌సైట్‌లో అందుబాటులో ఉంచారు. అభ్యర్థులు లాగిన్ పేజీలో తమ యూజర్ ఐడీ, పాస్‌వర్డ్ వివరాలు నమోదుచేసి హాల్‌టికెట్లు డౌన్‌లోడ్ చేసుకోవచ్చు.

ఇండియన్ నేవీ అగ్నివీర్ 2022

అగ్నివీర్ (ఎంఆర్ -01/2022 నవంబరు) పరీక్షకు సంబంధించిన అడ్మిట్ కార్డులను ఇండియన్ నేవీ విడుదల చేసింది. అడ్మిట్ కార్డులను అధికారిక వెబ్‌సైట్‌లో అందుబాటులో ఉంచారు. అభ్యర్థులు లాగిన్ పేజీలో తమ యూజర్ ఐడీ, పాస్‌వర్డ్ వివరాలు నమోదుచేసి హాల్‌టికెట్లు డౌన్‌లోడ్ చేసుకోవచ్చు. అభ్యర్థులు వెబ్‌సైట్ నుంచి మాత్రమే అడ్మిట్ కార్డులు డౌన్‌లోడ్ చేసుకోవాల్సి ఉంటుంది. పోస్టు ద్వారా లేదా  మరే ఇతర విధానాల ద్వారా అడ్మిట్ కార్డు రాదని అభ్యర్థులు గమనించగలరు.

అగ్నివీర్ ఎంఆర్: ఫిజికల్ టెస్ట్

అభ్యర్థుల ఎంపికలో ఫిజికల్ ఫిట్‌నెస్ టెస్ట్ తప్పనిసరి. అభ్యర్థులు నిర్దిష్ట శారీరక ప్రమాణాలు కలిగి ఉండాలి. 

రాతపరీక్ష విధానం:

మొత్తం 50 మార్కులకు రాతపరీక్ష నిర్వహిస్తారు. 50 ప్రశ్నలు ఉంటాయి. ఒక్కో ప్రశ్నకు ఒకమార్కు. పరీక్షలో రెండు విభాగాలుంటాయి. సెక్షన్-ఎ (సైన్స్ & మ్యాథమెటిక్స్), సెక్షన్-బి (జనరల్ అవేర్‌నెస్) నుంచి ప్రశ్నలు అడుగుతారు.

పోస్టుల వివరాలు ఇలా...
అగ్నివీర్ (ఎంఆర్) పోస్టులకు సంబంధించి మొత్తం 2OO ఖాళీలు ఉన్నాయి. నియామక పరీక్షను అక్టోబర్ 2022లో నిర్వహించనున్నారు. ఇండియన్ నేవీ అగ్నీవీర్ ఎమ్ఆర్ రిక్రూట్‌మెంట్ కింద సైన్యం మూడు డొమైన్‌లలో తాత్కాలికంగా 200 ఖాళీలను భర్తీ చేస్తుంది. ఎంపిక చేసే మొత్తం 200 పోస్టుల్లో 40 పోస్టులకు మహిళలకు కేటాయించారు. వీటిలో చెఫ్ (MR), స్టీవార్డ్ (MR), హైజీనిస్ట్ (MR) విభాగాలు ఉన్నాయి.  అభ్యర్థుల వయసు రిజిస్టర్ చేసుకున్న తేదీ నాటికి 17.5 -21 సంవత్సరాల మధ్య ఉండాలి. అయితే అగ్నివీర్ 2022 బ్యాచ్‌కు మాత్రమే 23 సంవత్సరాల వరకు గరిష్ట వయోపరిమితిగా నిర్ణయించారు. గుర్తింపు పొందిన బోర్డు నుంచి మెట్రిక్యులేషన్ పరీక్షలో ఉత్తీర్ణులై ఉండాలి. 10వ తరగతిలో పొందిన మొత్తం శాతం ఆధారంగా అభ్యర్థుల షార్ట్‌లిస్ట్‌తో ఎంపిక ప్రక్రియ ప్రారంభమవుతుంది. అన్ని పరీక్షలు పూర్తి చేసి నవంబర్ 2022 నాటికి మెరిట్ జాబితా అందుబాటులో ఉంటుంది. షార్ట్ లిస్ట్ చేసిన అభ్యర్ధులను మొదటి బ్యాచ్ గా ప్రకటించి ఈ ఏడాది డిసెంబర్ నెలలో శిక్షణ ప్రారంబిస్తారు.

 

ఇవి కూడా చదవండి..

UPSC: యూపీఎస్సీ నుంచి 54 ఉద్యోగాల భర్తీకి నోటిఫికేషన్, అర్హతలు ఇవే!
కేంద్రప్రభుత్వ విభాగాల్లో వివిధ ఉద్యోగాల భర్తీకి యూనియన్ పబ్లిక్ సర్వీస్ కమిషన్ నోటిఫికేషన్ విడుదల చేసింది. ఈ నోటిఫికేషన్ ద్వారా మొత్తం 54 పోస్టులను భర్తీ చేయనున్నారు. వీటిలో 43 లేబర్ ఎన్‌ఫోర్స్‌మెంట్ ఆఫీసర్ పోస్టులు, సైంటిస్ట్ ‘బి’ (ఫోరెన్సిక్ డీఎన్‌ఏ) విభాగంలో 6 పోస్టులు, ఇతర విభాగాల్లో ఒక్కో పోస్టుల చొప్పున భర్తీ చేస్తారు. పోస్టులవారీగా విద్యార్హతలు నిర్ణయించారు. సరైన అర్హతలున్న అభ్యర్థులు ఆన్‌లైన్ ద్వారా సెప్టెంబరు 29 వరకు దరఖాస్తు చేసుకోవచ్చు.
నోటిఫికేషన్, పోస్టుల వివరాల కోసం క్లిక్ చేయండి..

SSC CGL Notification 2022: 20 వేల ఉద్యోగాల భర్తీకి నోటిఫికేషన్ విడుదల చేసిన స్టాఫ్ సెలక్షన్ కమిషన్!
కేంద్ర ప్రభుత్వంలోని వివిధ విభాగాల్లో గ్రూప్-బి, గ్రూప్-సి పోస్టుల భర్తీకి నిర్వహించే 'కంబైన్డ్ గ్రాడ్యుయేట్ లెవల్ ఎగ్జామినేషన్‌-2022' నోటిఫికేషన్‌ను స్థాఫ్ సెలక్షన్ కమిషన్ విడుదల చేసింది. ఏదైనా డిగ్రీ అర్హత ఉన్న అభ్యర్థులు ఈ ఉద్యోగాలకు దరఖాస్తు చేసుకోవడానికి అర్హులు. అభ్యర్థులు ఆన్‌లైన్ విధానంలో దరఖాస్తు చేసుకోవాల్సి ఉంటుంది. మూడంచెల (టైర్-1,టైర్-2, టైర్-3) పరీక్షల ద్వారా అభ్యర్థులను ఎంపికచేస్తారు.
నోటిఫికేషన్, పోస్టుల వివరాల కోసం క్లిక్ చేయండి..