IBPS RRB 2022: IBPS RRBలో 8 వేల ఉద్యోగాలు- నేటి నుంచే రిజిస్ట్రేషన్, ఇలా అప్లై చేయండి!

IBPS RRB 2022 Notification : ఐబీపీఎస్ ఆర్ఆర్బీ 2022 నోటిఫికేషన్ విడుదల చేసింది. గ్రూప్ ఏ, బీ పోస్టులకు సంబంధించిన నోటిఫికేషన్ రిలీజ్ చేసింది. జూన్ 7 నుంచి ఆన్ లైన్ దరఖాస్తులు చేసుకోవచ్చు.

ఐబీపీఎస్ ఆర్ఆర్బీ నోటిఫికేషన్

IBPS RRB 2022 Notification : ఇన్‌స్టిట్యూట్ ఆఫ్ బ్యాంకింగ్ పర్సనల్ సెలక్షన్(IBPS) RRB 2022 నోటిఫికేషన్ విడుదల చేసింది. ఆర్ఆర్బీ గ్రూప్ A ఆఫీసర్ స్కేల్ I, II, III, గ్రూప్ B ఆఫీస్ అసిస్టెంట్ (మల్టీపర్పస్) నోటిఫికేషన్ ను సోమవారం అధికారిక వెబ్‌సైట్‌లో విడుదల చేసింది. నోటిఫికేషన్ ప్రకారం IBPS RRB దరఖాస్తు ఫారమ్ జూన్ 7 నుంచి 27వ తేదీ వరకు ఆన్‌లైన్‌లో అందుబాటులో ఉంటుంది.

• మొత్తం ఉద్యోగాలు: 8081 ఉద్యోగాలకు నేటి నుంచి రిజిస్ట్రేషన్ ప్రాసెస్ మొదలైంది.
• అధికారిక వెబ్‌సైట్: www.ibps.in.

IBPS RRB 2022 ఖాళీల వివరాలు 

1. IBPS RRB ఆఫీస్ అసిస్టెంట్- 4483 ఖాళీలు
2. IBPS RRB ఆఫీసర్ స్కేల్- I- 2676 ఖాళీలు
3. IBPS RRB ఆఫీసర్ స్కేల్- II- 842  ఖాళీలు
4. IBPS RRB ఆఫీసర్ స్కేల్- III- 80 ఖాళీలు 

IBPS అధికారిక వెబ్‌సైట్‌లో అర్హత ప్రమాణాలు, పరీక్ష విధానం, దరఖాస్తు ప్రక్రియకు సంబంధించిన పూర్తి నోటిఫికేషన్‌ను అందుబాటులో ఉంచింది. CRP RRB - XI కోసం దరఖాస్తు చేసుకోవాలనుకునే దరఖాస్తుదారులు IBPS వెబ్‌సైట్‌లో పేర్కొన్న విధంగా నిర్ణీత తేదీలోపు కనీస అర్హత ప్రమాణాలకు అనుగుణంగా ఉండేలా చూసుకోవాలి.

IBPS RRB 2022 ముఖ్య తేదీలు 

• IBPS RRB రిజిస్ట్రేషన్ , ఎడిట్, మోడిఫికేషన్ గడువు  ---  జూన్ 7 నుంచి జూన్ 27, 2022 వరకు  
• దరఖాస్తు రుసుము  చెల్లించాల్సిన తేదీలు                   --- జూన్ 7 నుంచి 27, 2022 వరకు
• ప్రీ-ఎగ్జామ్ ట్రైనింగ్                                         --- జులై 18 నుంచి 23, 2022
• IBPS RRB ప్రిలిమ్స్ పరీక్ష                               --- ఆగస్టు 2022
• పరీక్ష ఫలితాలు                                              --- సెప్టెంబర్ 2022 
• IBPS RRB మెయిన్స్                                     --- సెప్టెంబర్ లేదా నవంబర్ 2022

దరఖాస్తు చేసే ముందు 

• IBPS RRB 2022 దరఖాస్తు చేసుకునే అభ్యర్థులు నోటిఫికేషన్ ను పూర్తి చదివి, అందులో పేర్కొన్న పత్రాలు సిద్ధంగా ఉంచుకోవాలి. 
• దరఖాస్తుదారులు IBPS పేర్కొన్న అర్హత ప్రమాణాలకు అనుగుణంగా ఉండాలి.
• రిజిస్ట్రేషన్ నంబర్,  పాస్‌వర్డ్‌ను భద్రపరుచుకోవాలి. అభ్యర్థులు తప్పనిసరిగా పనిచేసే మొబైల్ నంబర్, ఇమెయిల్ IDని కలిగి ఉండాలి.
• అభ్యర్థులు తప్పనిసరిగా స్కాన్ చేసిన పత్రాలను సిద్ధంగా ఉంచుకోవాలి
• పాస్‌పోర్ట్ ఫొటో , సైన్(నిర్దేశిత కేబీల్లో) 
• ఎడమ చేతి థంబ్ ఇంప్రెషన్ 

IBPS RRB రిక్రూట్‌మెంట్ గ్రూప్ A ఆఫీసర్స్ (స్కేల్-I, II & III) ఇంటర్వ్యూలు ఇదే ప్రక్రియలో NABARD, IBPS సహాయంతో రిజనల్ రూరల్ బ్యాంక్స్ నవంబర్ 2022 లో నిర్వహిస్తాయి.