AP DSC Hall Tickets: ఏపీ డీఎస్సీ హాల్ టికెట్లు డౌన్‌లోడ్ చేసుకున్నారా.. డైరెక్ట్ లింక్ కోసం క్లిక్ చేయండి

AP DSC Admit Cards Download | ఏపీ మెగా డీఎస్సీకి సంబంధించి హాల్ టికెట్లు విడుదల చేశారు. అధికారిక వెబ్‌సైట్ apdsc.apcfss.inలో అభ్యర్థులు హాల్ టికెట్లు డౌన్‌లోడ్ చేసుకోవాలని సూచించారు.

ఏపీ డీఎస్సీ హాల్ టికెట్లు డౌన్‌లోడ్ చేసుకున్నారా.. డైరెక్ట్ లింక్ కోసం క్లిక్ చేయండి

Source : X

AP DSC Hall Tickets Download | అమరావతి: ఏపీలో ఉపాధ్యాయ పోస్టుల భర్తీకి నిర్వహించనున్న మెగా డీఎస్సీకి సంబంధించి ముఖ్యమైన అప్ డేట్ వచ్చింది. ఏపీ మెగా డీఎస్సీ (AP Mega DSC 2025)  హాల్ టికెట్లు విడుదలయ్యాయి. అభ్యర్థులకు జూన్‌ 6 నుంచి జూన్ 30 వరకు మెగా డీఎస్సీ నిర్వహించనున్నారు. అధికారిక వెబ్‌సైట్ ఏపీ డీఎస్సీ అభ్యర్థులు తమ వివరాలు నమోదు చేసి హాల్ టికెట్లు డౌన్‌లోడ్ చేసుకోవాలని విద్యాశాఖ అధికారులు సూచించారు. ఏపీ డీఎస్సీ హాల్ టికెట్లు డౌన్‌లోడ్ చేసుకునేందుకు క్లిక్ చేయండి.

ఆంధ్రప్రదేశ్‌లోని ప్రభుత్వ పాఠశాలల్లో ఖాళీగా ఉన్న 16,347 టీచర్‌ పోస్టుల భర్తీ కోసం విద్యాశాఖ కొన్ని రోజుల కిందట ఏపీ మెగా డీఎస్సీ నోటిఫికేషన్ ఇచ్చింది. అందుకు ఏప్రిల్‌ 20 నుంచి మే 15వ తేదీ వరకు దరఖాస్తులు స్వీకరించారు. ఈ పోస్టులకు దాదాపు మూడున్నర లక్షల మందికి పైగా దరఖాస్తులు వచ్చాయని తెలిసిందే.

	జిల్లా పేరు	అభ్యర్థులు	దరఖాస్తులు
1	శ్రీకాకుళం	22,648	39,235
2	విజయనగరం	18,001	31,038
3	విశాఖపట్నం	29,779	49,658
4	తూర్పు గోదావరి	38,617	63,004
5	పశ్చిమ గోదావరి	25,750	42,466
6	కృష్ణా	19,953	35,220
7	గుంటూరు	25,067	43,570
8	ప్రకాశం	21,046	35,095
9	నెల్లూరు	15,993	28,772
10	చిత్తూరు	26,501	45,221
11	కడప	15,812	29,915
12	కర్నూలు	39,997	73,605
13	అనంతపురం	29,078	50,475
14	ఇతర రాష్ట్రాల వారు	7,159	10,143

ఏపీ మెగా డీఎస్సీ (AP Mega DSC) నోటిఫికేషన్‌కు భారీగా స్పందన లభించింది. మొత్తం 3.35 లక్షల మంది మెగా డీఎస్సీకి దరఖాస్తు చేసుకున్నారు. ఇటీవల  దరఖాస్తు గడువు ముగియగా ఇతర రాష్ట్రాల నుంచి వచ్చిన దరఖాస్తులతో కలిపితే మొత్తం పోస్టులకుగానూ 5 లక్షల 77 వేల 417 అప్లికేషన్లు వచ్చినట్లు అయింది. ఇతర రాష్ట్రాల నుంచి 7159 మంది దరఖాస్తు చేసుకోగా.. ఒక్కో అభ్యర్థి ఒకటి కంటే ఎక్కువ పేపర్లకు దరఖాస్తు చేసుకున్నారు. ఏపీలో ఉమ్మడి కర్నూలు జిల్లాలో అత్యధికంగా 39,997 మంది దరఖాస్తు చేసుకున్నారు. ఉమ్మడి కడప జిల్లా నుంచి అత్యల్పంగా 15వేల 8 వందల 12 మంది అభ్యర్థులు డిఎస్సి పోస్టులకు దరఖాస్తు చేసుకున్నారు. మే నెలాఖరు నుంచి హాల్ టికెట్లు జారీ చేయాలని విద్యాశాఖ భావించింది.. జూన్ 6న ఏపీ మెగా డీఎస్సీ టీచర్ పోస్టుల పరీక్షలు ప్రారంభం కానున్నాయి.

మాక్ టెస్టులు పూర్తి.. 

మే 20 నుంచి మెగా డీఎస్సీ అభ్యర్థులకు మాక్‌ టెస్టులు నిర్వహించారు. తాజాగా డీఎస్సీ అభ్యర్థులకు హాల్‌టికెట్లు విడుదల చేశారు. పరీక్షలు పూర్తయిన రెండో రోజే ప్రాథమిక కీ విడుదల చేయనున్నారు. అనంతరం 7 రోజుల పాటు డీఎస్సీ అభ్యర్థుల నుంచి అభ్యంతరాలు స్వీకరిస్తారు. అభ్యంతరాల గడువు ముగిసిన వారం రోజులకు ఏపీ మెగా డీఎస్సీ ఫైనల్‌ కీ విడుదల కానుంది. డీఎస్సీ ఫైనల్‌ కీ విడుదల చేసిన 7 రోజుల తర్వాత ఫలితాలు మెరిట్ జాబితా రూపంలో విడుదల చేస్తారు. అనంతరం మెరిట్ విద్యార్థుల సర్టిఫికెట్ వెరిఫికేసన్ ప్రక్రియ చేపడతారు. అనంతరం రిజర్వేషన్, మెరిట్ ఆధారంగా ఆయా పోస్టులకుగానూ తుది ఎంపిక పూర్తి చేసి ఎంపికైన అభ్యర్థుల వివరాలు ప్రకటించనున్నారు.

 

మరిన్ని చదవండి

అప్రెంటీస్ చేసే యువతకు శుభవార్త, ఇకపై ఎక్కువ స్టైఫండ్‌ లభిస్తుంది!

యూపీఎస్సీ ఎన్డీఏ, ఎన్‌ఏ ఎగ్జామినేషన్ (2)-2025 నోటిఫికేషన్ వెల్లడి, 406 ఖాళీల భర్తీకి దరఖాస్తు ప్రారంభం