Corbevax Vaccine DCGI Approval: 12- 18 ఏళ్ల పిల్లల కోసం మరో కరోనా టీకా- కార్బెవాక్స్‌కు డీసీజీఐ అనుమతి

పిల్లల కోసం మరో కరోనా వ్యాక్సిన్ వచ్చేసింది. కార్బెవాక్స్ వినియోగానికి డీసీజీఐ ఆమోదం లభించింది.

కార్బెవాక్స్ టీకాకు డీసీజీఐ అనుమతి

12-18 ఏళ్ల పిల్లలకు మరో టీకా అందుబాటులోకి వచ్చింది. బయోలాజికల్​-ఇ సంస్థకు చెందిన కార్బెవాక్స్ వ్యాక్సిన్​ అత్యవసర అనుమతికి డ్రగ్స్​ కంట్రోలర్​ జనరల్​ ఆఫ్​ ఇండియా (డీసీజీఐ) తుది అనుమతులు ఇచ్చింది. రెండు డోసుల కింద పంపిణీ చేసే ఈ వ్యాక్సిన్​ త్వరలోనే మార్కెట్లోకి రానుంది.

Drugs Controller General of India (DCGI) grants final approval to Biological E's #COVID19 vaccine Corbevax, for children between 12-18 years of age. pic.twitter.com/ad2xftvmzB

— ANI (@ANI) February 21, 2022

12-18 ఏళ్ల పిల్లల వ్యాక్సినేషన్​కు అందుబాటులోకి వచ్చిన రెండో టీకాగా కార్బెవాక్స్ రికార్డులకెక్కింది. బయోలాజికల్‌-ఇ అభివృద్ధి చేసిన కార్బెవాక్స్‌ టీకా 5 కోట్ల డోసుల కోసం ఆ సంస్థకు ఇటీవల కేంద్రం ఆర్డర్‌ పెట్టింది. ఒక్కో డోసును రూ. 145(జీఎస్‌టీ అదనం) చొప్పున వీటిని కొనుగోలు చేయనుంది. ఈ డోసులను ఫిబ్రవరి చివరి నాటికి సంస్థ సరఫరా చేయనున్నట్లు తెలుస్తోంది.

Koo App

Biological E Limited’s Corbevax vaccine, India’s first indigenously developed Receptor Binding Domain (RBD) Protein sub-unit vaccine against COVID-19, has received emergency use authorisation (EUA) from India’s drug regulator for the 12 to 18-year age group: Biological E. Limited

View attached media content

- Prasar Bharati News Services (@pbns_india) 21 Feb 2022

ఆర్‌బీడీ ప్రొటీన్‌ ఆధారిత తొలి స్వదేశీ వ్యాక్సిన్‌ అయిన కార్బెవాక్స్‌ అత్యవసర వినియోగానికి ఇటీవల కేంద్ర ఔషధ నియంత్రణ సంస్థ ఆమోదం తెలిపింది. అయితే ఈ టీకాకు అనుమతులు రాకముందే 30 కోట్ల డోసుల కొనుగోలుకు కేంద్రం బయోలాజికల్‌-ఇ సంస్థతో ఒప్పందం కుదుర్చుకుంది. ఇందుకోసం రూ. 1500కోట్లు చెల్లించింది. ఈ ఒప్పందంలో భాగంగానే డోసుల కొనుగోలుకు ఇటీవల ఆర్దర్‌ పెట్టినట్లు తెలుస్తోంది.