Covid 19 India Cases: దేశంలో కొత్తగా 39 వేల కేసులు, 491 మరణాలు

దేశంలో కరోనా కేసులు స్వల్పంగా తగ్గాయి. కొత్తగా 39,070 కేసులు నమోదయ్యాయి. వీక్లీ పాడిటివ్ రేటు ప్రస్తుతం 2.38 శాతంగా ఉంది.

దేశంలో కరోనా కేసుల వివరాలు

దేశంలో కొత్తగా 39,070 కరోనా కేసులు నమోదుకాగా 491 మంది మృతిచెందారు. మొత్తం యాక్టివ్ కేసుల సంఖ్య 4,06,822కు చేరింది. మొత్తం కేసుల్లో ఇది 1.27 శాతం. వీక్లీ పాజిటివ్ రేటు ప్రస్తుతం 2.38 శాతంగా ఉంది.

రోజువారి పాజిటివ్ రేట్ 2.27%గా ఉంది. గత 13 రోజులుగా డైలీ పాజిటివ్ రేట్ 3% కన్నా తక్కువగా ఉందని అధికారులు తెలిపారు.   

India reports 39,070 new #COVID19 cases, 43,910 recoveries & 491 deaths in the last 24 hours, as per Health Ministry

Total cases: 3,19,34,455
Active cases: 4,06,822
Total recoveries: 3,10,99,771
Death toll: 4,27,862

Total vaccination: 50,68,10,492 (55,91,657 in last 24 hrs) pic.twitter.com/KXEMzbPEdy

— ANI (@ANI) August 8, 2021

కేరళలో..

కేరళలో కొత్తగా 20,367 కరోనా కేసులు నమోదు అయ్యాయి. 139 మంది కరోనా కాటుకు బలయ్యారు. మొత్తం యాక్టివ్ కేసుల సంఖ్య 1,78,166కు చేరింది. మొత్తం మరణాల సంఖ్య 17,654కు పెరిగింది. టెస్ట్ పాజిటివ్ రేటు 13.35 శాతంగా ఉంది.

ఆగస్టు 9 నుంచి 31 వరకు కేరళలో ప్రత్యేక వ్యాక్సినేషన్ డ్రైవ్ చేపట్టనున్నట్లు ముఖ్యమంత్రి పినరయి విజయన్ తెలిపారు.

" రాష్ట్ర ప్రభుత్వానికి అందుబాటులో ఉన్న వ్యాక్సిన్ డోసులతో పాటు మరిన్ని కావాలి. ప్రైవేట్ సెక్టార్ కు కూడా వ్యాక్సిన్ లు అందుబాటులో ఉంచాలి. ప్రభుత్వం 20 లక్షల వ్యాక్సిన్ డోసులను కొనుగోలు చేసి ప్రైవేట్ ఆసుపత్రులకు అదే ధరకు ఇస్తాం. వీలైనంత త్వరగా ప్రజలకు వ్యాక్సినేషన్ అయ్యేలా చర్యలు చేపడతాం. ఈ ప్రత్యేక వ్యాక్సినేషన్ కార్యక్రమానికి అవసరమైన సదుపాయాలను ప్రైవేట్ ఆసుపత్రులు ఏర్పాటు చేసుకోవాలి. తక్కువ సమయంలో ఎంతమందికి వీలైతే అంతమందికి వ్యాక్సిన్ వేయడమే మా లక్ష్యం.                       "

-  పినరయి విజయన్, కేరళ ముఖ్యమంత్రి

మహారాష్ట్ర..

మహారాష్ట్రలో కొత్తగా 6,061 కరోనా కేసులు నమోదుకాగా 128 మంది మరణించారు. ముందురోజుతో పోలిస్తే కరోనా కేసులు సంఖ్య కొంచెం పెరిగింది. మొత్తం కేసుల సంఖ్య 6,347,820కి చేరింది. మొత్తం మరణాల సంఖ్య 133,845కి పెరిగింది. మొత్తం 6,139,493 మంది కరోనా నుంచి కోలుకున్నారు.

వాణిజ్య రాజధాని ముంబయిలో కొత్తగా 332 మందికి కరోనా సోకింది. మొత్తం కేసుల సంఖ్య 737,192కి చేరగా మరణాల సంఖ్య 15,942కి పెరిగింది. కరోనా ఆంక్షలను మహారాష్ట్ర ముఖ్యమంత్రి ఉద్ధవ్ ఠాక్రే సడలించిన నాటి నుంచి కేసుల్లో పెరుగుదల కనిపిస్తోంది.

వ్యాక్సినేషన్..

ఇప్పటివరకు రాష్ట్రాలు, యూటీలకు 52.37 కోట్ల (52,37,50,890) వ్యాక్సిన్ డోసులు పంపిణీ చేసినట్లు కేంద్ర ఆరోగ్య శాఖ ప్రకటించింది. మరో  8,99,260 డోసులు పంపిణీ చేసేందుకు కసరత్తు చేస్తున్నట్లు వెల్లడించింది.