Upasana: 'చెర్రీ, గుర్తుపెట్టుకుంటా' రామ్ చరణ్‌కు ఉపాసన స్వీట్ వార్నింగ్, కారణం ఇదే!

రామ్ చరణ్ ను ఉద్దేశిస్తూ.. 'ఇంట్లో ఎవరికి ఎక్కువ భయపడతారు నాన్నకా? ఉపాసనాకా?' అని ప్రశ్నించారు సుమ.

Written By : ABP Desam | Updated at : 24 Apr 2022 07:03 PM (IST)

రామ్ చరణ్‌కు ఉపాసన స్వీట్ వార్నింగ్

మెగాస్టార్ చిరంజీవి, రామ్ చరణ్ ప్రధాన పాత్రల్లో తెరకెక్కిన సినిమా 'ఆచార్య'. కొరటాల శివ డైరెక్ట్ చేసిన సినిమా ఏప్రిల్ 29న ప్రేక్షకుల ముందుకు రానుంది. దీంతో ప్రమోషన్స్ మొదలుపెట్టింది చిత్రబృందం. ఈ క్రమంలో తాజాగా సినిమా ప్రీరిలీజ్ ఈవెంట్ ను నిర్వహించారు. దీనికి రాజమౌళి ముఖ్య అతిథిగా హాజరయ్యారు. ఈ షోలో భాగంగా.. చిరంజీవి, రామ్ చరణ్, కొరటాల శివలను స్టేజ్ పైకి పిలిచి.. ఫ్యాన్స్ అడిగిన కొన్ని ప్రశ్నలకు సమాధానాలు అడిగింది సుమ.

రామ్ చరణ్ ను ఉద్దేశిస్తూ.. 'ఇంట్లో ఎవరికి ఎక్కువ భయపడతారు నాన్నకా? ఉపాసనాకా?' అని ప్రశ్నించారు. ఈ ప్రశ్నకు కాసేపు ఆలోచించి 'తెలియదు గానీ.. మా నాన్న.. అమ్మ ముందు జాగ్రత్తగా ఉంటారు. నేను కూడా అదే నేర్చుకుని ఉపాసన దగ్గర కాస్త జాగ్రత్తగా ఉంటా. బాబాయికైనా, డాడీకైనా, నాకైనా.. మా అందరికీ బాసు మా అమ్మే' అని బదులిచ్చారు.

ఈ సమాధానం విన్న చిరంజీవి.. 'అది నన్ను చూసి నేర్చుకున్నావ్‌. సుఖపడతావ్‌. వాళ్లతో పెట్టుకోవద్దు' అని నవ్వుతూ అన్నారు. ఈ వీడియోను ఇన్స్టాగ్రామ్ స్టోరీస్ లో షేర్ చేసిన ఉపాసన 'హుమ్.. మిస్టర్ సి, గుర్తుపెట్టుకుంటా' అంటూ స్వీట్ వార్నింగ్ ఇచ్చింది. 'ఆచార్య' ప్రీరిలీజ్ ఈవెంట్ కి ఉపాసన కూడా హాజరైంది. కానీ స్టేజ్ పైకి మాత్రం వెళ్లలేదు.

Also Read: 'హరిహర వీరమల్లు' - ఏ పండక్కి వస్తుందో?

Also Read: 'ఆచార్య' టీమ్ వారిద్దరినీ కావాలనే మర్చిపోయిందా?