Big Boss: ఇద్దరు 'బిగ్ బాస్' బ్యూటీలు... ఓ హారర్ ఎంటర్టైనర్!

ఇద్దరు 'బిగ్ బాస్' బ్యూటీలు కలిసి ఓ సినిమా చేస్తున్నారు. అదీ హారర్ ఎంటర్టైనర్. ఆ సినిమా వివరాలు తెలుసుకోండి.

Written By : ABP Desam | Updated at : 10 Dec 2021 04:20 PM (IST)

'బిగ్ బాస్' బ్యూటీలు

'బిగ్ బాస్' రియాలిటీ షోలో సందడి చేసిన ఇద్దరు బ్యూటిఫుల్ లేడీస్ కలిసి ఓ సినిమా చేస్తున్నారు. వాళ్లిద్దరిలో ఒకరి తేజస్వి మదివాడ కాగా... మరొకరు అషు రెడ్డి. తెలుగు 'బిగ్ బాస్' రెండో సీజ‌న్‌లో తేజస్వి మదివాడ పార్టిసిపేట్ చేశారు. మూడు సీజ‌న్‌లో అషు రెడ్డి సందడి చేశారు. 'బిగ్ బాస్' కంటే ముందు అషు రెడ్డి సోషల్ మీడియాలో పాపులర్ అయ్యారు. అయితే... ఆ షో ఆమెకు మరింత గుర్తింపు తెచ్చింది. తేజస్వి మదివాడ 'బిగ్ బాస్' కంటే ముందు సినిమాల్లో చేశారు. ఇప్పుడు వీళ్లిద్దరూ 'సర్కస్ కార్ 2' సినిమా చేస్తున్నారు.

View this post on Instagram

A post shared by Tejaswi Madivada (@tejaswimadivada)

నల్లబిల్లి వెంకటేష్ దర్శకత్వం వహించిన సినిమా 'సర్కాస్ కార్'. ఇప్పుడు దానికి సీక్వెల్ తెరకెక్కుతోంది. 'సర్కస్ కార్-2' టైటిల్‌తో తెరకెక్కుతున్న ఈ చిత్రానికి కూడా నల్లబిల్లి వెంకటేష్ దర్శకత్వం వహిస్తున్నారు. ఇందులో కథానాయికగా తేజస్వి మదివాడను ఎంపిక చేశారు. అషు రెడ్డి ముఖ్యమైన పాత్రలో నటిస్తున్నారు. "నేను 'సర్కస్ కార్' చూశా. చాలా బాగా నచ్చింది. ఆ సినిమా మంచి హిట్ అయ్యింది. ఆ సినిమా సీక్వెల్‌లో కథానాయికగా నటించే అవకాశం నాకు రావడం చాలా సంతోషంగా ఉంది. మా నిర్మాత శివరాజ్ గారికి థాంక్స్ సీక్వెల్ స్టోరీ కూడా గ్రిప్పింగ్‌గా ఉంది" అని తేజస్వి మదివాడ అన్నారు. ఈ సినిమాను ప్రెస్టేజ్ ఫ్రేమ్స్ పతాకంపై శివరాజు వీకే నిర్మిస్తున్నారు. ప్రస్తుతం తూర్పు గోదావరి జిల్లాలోని మారేడుమిల్లి అడవుల్లో చిత్రీకరణ జరుగుతోంది.