Seethe Ramudi Katnam Serial Today November 26th: 'సీతే రాముడి కట్నం' సీరియల్: విద్యాదేవి గెటప్‌లో అందరితో ఎమోషనల్‌గా మాట్లాడి మహాలక్ష్మీని పిచ్చిదాన్ని చేసిన సీత!

Seethe Ramudi Katnam Today Episode హాల్లో సుమతి ఫొటో ప్లేస్‌లో విద్యాదేవి ఫొటో చూసి మహాలక్ష్మీ రచ్చ చేయడంతో ఇవాళ్టి ఎపిసోడ్ ఆసక్తికరంగా మారింది.

సీతే రాముడి కట్నం సీరియల్ టుడే ఎపిసోడ్

Source : Zee5/YouTube

Seethe Ramudi Katnam Serial Today Episode హాల్‌లో అందరూ కూర్చొని ఉంటే సీత పోలీస్ స్టేషన్ నుంచి వస్తుంది. అందరూ ఎక్కడనుంచి వస్తున్నావ్ అని అడిగితే సీత పోలీస్ స్టేషన్‌కి వెళ్లానని చెప్పకుండా మౌనంగా ఉంటుంది. ఇంతలో మహాలక్ష్మీ వచ్చి సీత పోలీస్ స్టేషన్‌కి వెళ్లి విద్యాదేవిని కలిసి వచ్చిందని చెప్తుంది. దాంతో రామ్ సీత మీద కోప్పడతాడు. ఆవిడను కలవొద్దని చెప్పినా వినలేదు ఎందుకని అడుగుతాడు. అందరూ సీతని ప్రశ్నిస్తారు. 

జనార్థన్: నీకు మహా అంటే ఎలాగూ విలువ లేదు రామ్ మాటకు కూడా విలువ ఇవ్వవా సీత.
మహాలక్ష్మీ: నిన్ను ఇందుకే విడిపించానా.
సీత: మీ ప్రశ్నలన్నింటికీ సమాధానం చెప్తా రెండు నిమిషాలు ఓపిక పట్టండి అని గదిలోకి వెళ్తుంది.
చలపతి: సీత అలా వెళ్లింది అంటే ఏదో గెటప్ వేసి మీ అందర కళ్లు తెరిపిస్తుందని అర్థం.
అర్చన: ఇప్పుడే గెటప్‌లో వస్తుందో. 

సీత విద్యాదేవిలా చీర కట్టుకొని ఆమెలా రెడీ అయి వస్తుంది. ఇప్పుడు నేను సుమతిని ఈ ఇంటికి యజమానురాలిని అని చెప్తుంది. జనార్థన్ దగ్గరకు వెళ్లి నా రూపం మారిపోయి ఉండొచ్చు కానీ నా ప్రవర్తన మనసు ఏం మారలేదు కదా మీరు ఎందుకు అర్థం చేసుకోవడం లేదని అడుగుతుంది. రాఖీ కడుతుంటే దూరంగా జరిగాను అప్పుడు కూడా అర్థం చేసుకోలేదా అని సీత సుమతిలా జనార్థన్‌ని ప్రశ్నిస్తుంది. బ్రాస్‌లెట్ ప్రేమతో కట్టాను అప్పుడు పసి గట్టలేదా అని అడుగుతుంది. నేను మీ కళ్ల ముందు ఉన్నా మీరు గుర్తు పట్టలేదు అంటే మీ ప్రేమ గుడ్డిదే అంటుంది. ఇక రామ్‌తో నిన్ను కన్న తల్లిలా చూసుకున్నా కథ రామ్ నువ్వు సీత కలిసి ఉండాలి అనుకున్నా ప్రీతి మంచి కోరుకున్నా ప్రీతి పెళ్లి నా చేతిలో జరగాలి అనుకున్నా పురాణాల్లో భార్యని మర్చిపోయిన భర్తలు ఉన్నారు కానీ తల్లిని మర్చిపోయిన కొడుకులు లేరని అంటుంది. ఇక మహాలక్ష్మీ దగ్గరకు వెళ్లి దరిద్రంలో ఉన్న నిన్ను తీసుకొచ్చి నా అదృష్టం పంచి నిజంగా మహాలక్ష్మీలా మార్చాను కదా మహాలక్ష్మీ. నీ జాతకాన్నే మార్చేశాను కదా అలాంటి నువ్వు అయినా నేను చేసిన సాయం గుర్తు చేసుకోవాలి కదా అని అడుగుతుంది. 

మహాలక్ష్మీ చాలు ఆపు అని సీతని తిడుతుంది. గెటప్ వేసుకొని వస్తే నువ్వు సుమతి అయిపోతావా అని అడుగుతుంది. దాంతో సీత సుమతి అత్తమ్మ ఇక్కడుంటే ఇవే చెప్పేది అందుకే అత్తమ్మ తరఫున నేను చెప్పాను అని అంటుంది. నువ్వు ఎన్ని వేషాలు వేసినా ఎవరూ నమ్మరు అని సీతతో మహాలక్ష్మీ అంటుంది. ఏదో ఒక రోజు విద్యాదేవి టీచరే సుమతి అని తెలుసుకుంటారని సీత అంటుంది. మహాలక్ష్మీ దానికి ఆ టీచర్‌ని జైలులో తప్ప ఎక్కడా చూసుకోలేరని చెప్పి అందరినీ వెళ్లి పనులు చేసుకోమని అంటుంది. జైలులో సుమతిని ఓ కానిస్టేబుల్ కలిసి మీరు నా పాపకి నాట్యం నేర్పించారు మీరు మంచోళ్లు ఇక్కడ ఏం తప్పు చేసి వచ్చారని అడుగుతుంది.

దానికి సుమతి అతి మంచితనం నా పాలిట శాపం అయిందని అంటుంది. ఇక ఇంట్లో మహాలక్ష్మీ ఫోన్ మాట్లాడుతూ ఉండగా హాల్‌లో విద్యాదేవి ఫొటో చూసి షాక్ అయిపోతుంది. కోపంతో ఫొటో విసిరి కొట్టి అందరిని కిందకి పిలుస్తుంది. సుమతి ఫొటో ఎవరు పెట్టారని అడుగుతుంది. గతంలో మీరే పెట్టారు కదా అని అందరూ సుమతి మొదటి రూపం ఫొటో గురించి చెప్తారు. దాంతో మహాలక్ష్మీ ఆ ఫొటో కాదు హాల్లో విద్యాదేవి ఫొటో ఎవరో పెట్టారని అంటుంది. సుమతిని చంపిన ఆ హంతకురాలి ఫొటో ఎవరు పెట్టారని ప్రశ్నిస్తుంది. మహాలక్ష్మీ విసిరేసిన ఫొటో చూస్తే అది సుమతి ఫొటో ఉంటుంది. దానికి సీత ఇదా మీరు విసిరిన ఫొటో ఇదా మీరు అన్న విద్యాదేవి ఫొటో అని అడుగుతుంది. అందరూ మహాని పిచ్చి దానిలా ప్రవర్తిస్తున్నావ్ అని అంటారు. దీంతో ఇవాళ్టి ఎపిసోడ్ పూర్తయిపోతుంది.