Satyabhama Serial Today November 5th: సత్యభామ సీరియల్: సత్యని ఇబ్బంది పెట్టడానికి భైరవి ప్లాన్.. భైరవి గెటప్‌కి పడిపడి నవ్వుకున్న తండ్రీకొడుకులు!
Satyabhama Today Episode భైరవి కళ్లజోడు పెట్టుకొని స్టైల్‌గా రెడీ అయి ఆ ఫొటోలు మహదేవయ్యకు పంపడం క్రిష్, మహదేవయ్య వాటిని చూసి పడిపడి నవ్వుకోవడంతో ఇవాళ్టి ఎపిసోడ్ ఆసక్తికరంగా మారింది.
Satyabhama Serial Today Episode సత్య కాళ్ల నుంచి పట్టీ కింద పడిపోతే క్రిష్ దాన్ని తీసుకొని సౌండ్ చేసి సత్యని పిలుస్తాడు. సత్యకి పట్టీ ఇవ్వకుండా సత్యతో ఆటలాడుతాడు. అలకమానితేనే ఇస్తానని అంటాడు. దాంతో సత్య అలకమానాను ఇవ్వు అని అంటే క్రిష్ చేతికి ఇవ్వకుండా మోకాల మీద కూర్చొని సత్య కాళ్లని తన చేతిలోకి తీసుకొని పట్టీ పెడతాడు. అదంతా దూరం నుంచి చూసిన భైరవి రగిలిపోతుంది.
పారిజాతం: రాత్రి కోపం ఇంకా తగ్గినట్లు లేదు అమ్మగారికి. అయినా ఏమాటకి ఆ మాట అమ్మగారు చిన్నబాబు గారు చాలా రొమాంటిక్. చిన్న బాబు గారు సత్యమ్మని ఎంత బాగా చూసుకున్నారో తెలుసా.
భైరవి: ఇక చాలు ఆపుతావా.
పారిజాతం: అయినా సత్యమ్మ గారిని మెచ్చుకోవాలి నిన్న అందరి ముందు సత్యమ్మని తిట్టి మిమల్ని చిన్నబాబుగారు సపోర్ట్ చేశారా. తర్వాత సత్యమ్మ ఇలా చిన్న బాబుని తన కంట్రోల్ లోకి తెచ్చుకుంది. లేకపోతే ఎవరినీ పట్టించుకోని చిన్నబాబుగారు ఆవిడ కాళ్లు పట్టుకోవడం ఏంటి. అది చేస్తా ఇది చేస్తా అని అన్నారు ఇప్పటి వరకు ఏం చేయలేకపోయారు.
భైరవి: నా పెద్ద కొడుకుని జైలుకి పంపించి చిన్న కొడుకుని గుప్పెట్లో పెట్టుకుంది దాని పొగరు ఎలా అనుస్తానో చూడు. పద సత్య దగ్గరకు వెళ్లి.
సత్య: ఏమైనా పని ఉందా అత్తయ్య.
భైరవి: మస్తు పని ఉంది.
సత్య: అయితే చేసుకోండి అత్తయ్య నేను అడ్డురాను.
భైరవి: ఏయ్ ఆగు ఈ రోజు నా దోస్తులు వస్తున్నారు. ఇళ్లంతా మంచిగా ఉండాలి. అన్ని పనులు చేసి పెట్టు. చికెన్లు మటన్లు కూడా చేయ్. పనులన్నీ ఫటాఫట్ అయిపోవాలి. నేను మేకప్ వేసుకోవాలి పదే.
జయమ్మ: అది అన్ని పనులు నెత్తి మీద వేస్తుంటే ఎందుకు కాదు అని చెప్పకుండా ఊరుకున్నావ్.
సత్య: కాదు అని చెప్తే గొడవ అవుతుంది. అత్తయ్య కావాలనే నన్ను ఇబ్బంది పెడుతుందని తెలుసు. ఆవిడకు నాతో గొడవ కావాలి నేను కనీళ్లు పెట్టుకోవడం కావాలి అప్పుడే తృప్తి పడుతుంది. నేను అలా జరగకూడదని కాదు అంటున్నా.
భైరవి స్టైల్‌గా రెడీ అవుతుంది. పంకజం భైరవిని రెడీ చేస్తుంది. ముఖంలో ఏదో తక్కువ అయిందని భైరవి అంటే అందం తక్కువ అయిందని పంకజం అంటుంది. ఇక అక్కడే ఉన్న కళ్లద్దాలు పెట్టుకొని భైరవి స్టైల్‌ ఇస్తుంది. కోకా పేట ఆంటీలా ఉన్నావని పంకజం అంటుంది. ఇక పంకజం ఫోటోలు తీస్తుంటే భైరవి స్టిల్స్ ఇస్తుంది. మరోవైపు మహదేవయ్య ఆరు బయట కాఫీ తాగుతూ ఉంటే ఫోన్‌కి వరసగా మెసేజులు వస్తుంటాయి. అన్ని మెసేజ్‌లు ఏంటి బాపు అనుకుంటూ క్రిష్ అక్కడికి వస్తాడు. ఏంటా అని మహదేవయ్య చూస్తే భైరవి తన ఫొటోలు పంపిస్తుంది. దెయ్యం ఫొటోలు అని మహదేవయ్య ఫోన్ విసిరేసి భయపడితే క్రిష్ ఫోన్ తీసుకొని తల్లిని చూసి నవ్వుతాడు. ఇవి దెయ్యం ఫొటోలు కాదు బాపు అమ్మ అని అంటాడు. ఇద్దరూ నవ్వుకుంటారు. ఇద్దరూ భైరవి మీద సెటైర్లు వేసుకొని నవ్వుకుంటారు. ఇక సత్య ఇళ్లంతా తడి గుడ్డతో తుడుస్తుంటుంది. పంకజం ఆ విషయం భైరవికి చెప్తుంది.
మరోవైపు సంజయ్ సంధ్య దగ్గరకు వస్తాడు. సంధ్యకి లిఫ్ట్ ఇచ్చి దగ్గరవ్వాలి అనుకొని ఎవరూ చూడకుండా సంధ్య స్కూటీ స్టార్ట్ అవ్వకుండా సైలెన్సర్‌లో కర్చీఫ్ పెట్టేస్తాడు. కొంత దూరం వెళ్లగానే సంధ్య స్కూటీ ఆగిపోతుంది. ఇక సంధ్య దగ్గరకు సంజయ్ వెళ్లి లిఫ్ట్ ఇస్తానంటాడు. దాంతో ఇవాళ్టి ఎపిసోడ్ పూర్తయిపోతుంది.
టాప్ హెడ్ లైన్స్
ట్రెండింగ్ వార్తలు
