RRR-Karthika Deepam Maanas: రామ్ చరణ్-ఎన్టీఆర్ ప్లేస్ లో సన్నీ-మానస్, నాటు నాటు మళ్లీ వైరల్ అవుతోంది
RRR మానియాతో సినీ ప్రియులు ఊగిపోతున్నారు. ఈ టైమ్ లో బిగ్ బాస్ సీజన్ 5 కంటిస్టెంట్ మానస్ నాగులపల్లి..విన్నర్ సన్నీతో కలసి వేసిన నాట్ స్టెప్పుల వీడియో షేర్ చేశాడు.. సోషల్ మీడియాలో ఇదే వైరల్ అవుతోంది
బిగ్ బాస్ సీజన్ 5లో లవ్ ట్రాక్స్ కన్నా సన్నీ-మానస్ దోస్తీ బాగా హైలెట్ అయింది. స్నేహానికి కేరాఫ్ అన్నట్టు మారిపోయారు. బిగ్ బాస్ నుంచి బయటకు వచ్చిన తర్వాత ఎవరికి వారే బిజీ అయిపోయారు. సన్నీ మూవీస్ తో బిజీగా అవగా..మానస్ ఈ మధ్యే కార్తీకదీపం సీరియల్ లో నెక్ట్స్ జనరేషన్ కి ఎంట్రీ ఇచ్చాడు. ఇప్పుడు చెప్పొచ్చేదేంటంటే.. నందమూరి ఫ్యామిలీ నుంచి వచ్చిన ఎన్టీఆర్ (NTR jr), కొణిదెల ఫ్యామిలీ మెగా వారసుడు రామ్ చరణ్ (Ram Charan)... రియల్ లైఫ్లో స్నేహితులైన వీళ్లిద్దర్నీ ఒకేసారి తెరపైకి తీసుకొచ్చిన ఘనత రాజమౌళిదే. అరుదైన మల్టీస్టారర్గా తెరకెక్కిన ఆర్ ఆర్ ఆర్ ప్రస్తుతం థియేటర్లలో దుమ్ములేపుతోంది. 'బాహుబలి 2' తర్వాత రాజమౌళి దర్శకత్వం వహించిన చిత్రమిది. 'బాహుబలి' ఇండియన్ బాక్సాఫీస్ హిస్టరీలో బిగ్గెస్ట్ బ్లాక్బస్టర్గా నిలవడంతో 'ఆర్ఆర్ఆర్' కోసం యావత్ దేశం ఆసక్తిగా ఎదురుచూసింది. ప్రస్తుతం థియేటర్లలో సందడి చేస్తున్న ఈ సినిమా చూసొచ్చిన ఫ్యాన్స్ పూనకంతో ఊగిపోతున్నారు. ఈ సినిమాకు సన్నీ-మానస్ కు ఏంటి సంబంధం అంటే.. ఇందులో నాటు నాటు సాంగ్ సోషల్ మీడియాను ఏ రేంజ్ లో ఉపేసిందో తెలుసుకదా... ఆ సాంగ్ కి గతంలో సన్నీ-మానస్ కలసి స్టెప్పులేశారు.ఆ వీడియోను మళ్లీ లేటెస్ట్ గా తన ఇన్ స్టా అకౌంట్లో పోస్ట్ చేశాడు మానస్. ప్రస్తుతం ఆర్ ఆర్ ఆర్ మానియా కొనసాగుతుండడంతో ఈ వీడియో మరోసారి వైరల్ అవుతోంది.
View this post on Instagram
Also Read: 'ఆర్ఆర్ఆర్' రివ్యూ: నందమూరి - కొణిదెల అభిమానులకు పండగే!
Also Read: అప్పుడు డాక్టర్ బాబు-వంటలక్క, ఇప్పుడు డాక్టర్ సాబ్-ఆటో డ్రైవర్
View this post on Instagram
టాప్ హెడ్ లైన్స్
ట్రెండింగ్ వార్తలు
