Rashami Desai: సీరియల్ నటులను చిన్నచూపు చూస్తారు, చెంపదెబ్బలా అనిపిస్తోంది - పోర్న్ స్టార్‌తో రణవీర్ యాడ్‌పై రష్మి ఫైర్

Rashami Desai: తాజాగా జానీ సిన్స్‌తో రణవీర్ సింగ్ కలిసి నటించిన యాడ్.. ఒక రేంజ్‌లో దుమారాన్ని సృష్టించింది. దానిపై ఎన్నో విమర్శలు కూడా వచ్చాయి. తాజగా టీవీ నటి రష్మీ దేశాయ్ కూడా దీనిపై స్పందించింది.

Image Credit: Rashami Desai and Ranveer Singh/Instagram

Ranveer Singh and Johnny Sins: బాలీవుడ్‌లో స్టార్ హీరోలలో ఒకడిగా గుర్తింపు తెచ్చుకున్నాడు రణవీర్ సింగ్. అలాంటి హీరో.. ఒక పాపులర్ పార్న్ స్టార్ అయిన జానీ సిన్స్‌తో యాడ్ చేయడం అనేది పెద్ద సెన్సేషన్‌ను క్రియేట్ చేసింది. రణవీర్ సింగ్, జానీ సిన్స్ కలిసి ఒక యాడ్‌లో కనిపించారా అని ప్రేక్షకులంతా ఆశ్చర్యపోయారు. అంతే కాకుండా ఈ యాడ్‌పై పలు విమర్శలు కూడా వినిపించాయి. తాజాగా హిందీ సీరియల్ యాక్టర్ రష్మీ దేశాయ్ కూడా ఈ యాడ్‌పై ఫైర్ అయ్యింది. హిందీ సీరియల్ 'సాస్-బాహు'ను అనుకరిస్తూ ఈ యాడ్ ను చిత్రీకరించడంపై తను స్పందించింది. ఇది సీరియల్స్‌ను కించపరిచినట్టుగా ఉందని తన అభిప్రాయం వ్యక్తం చేసింది.

ఇది స్మాల్ స్క్రీన్..

రణవీర్ సింగ్, జానీ సిన్స్ కలిసి చేసిన యాడ్‌ను విమర్శించిన వారి లిస్ట్‌లో ఇప్పుడు బాలీవుడ్ టీవీ యాక్టర్ రష్మీ దేశాయ్ కూడా యాడ్ అయ్యింది. ఈ యాడ్ స్క్రీన్‌షాట్‌ను తన ఇన్‌స్టాగ్రామ్ స్టోరీలో షేర్ చేయడంతో పాటు దీనిపై తన అభిప్రాయాన్ని చెప్పుకొచ్చింది. ‘‘నేను ప్రాంతీయ చిత్రాల ద్వారా పరిశ్రమలో అడుగుపెట్టాను. ఆ తర్వాత టీవీ పరిశ్రమలో పనిచేయడం మొదలుపెట్టాను. దీనిని స్మాల్ స్క్రీన్ అని ప్రేక్షకులు అంటుంటారు. దీనిపై ప్రేక్షకులు వార్తలు, క్రికెట్, అన్ని బాలీవుడ్ సినిమాలు.. ఇలా చాలా చూస్తారు’’ అంటూ తన కెరీర్‌ను ఎలా ప్రారంభించిందో, బుల్లితెరపై ప్రేక్షకుల్లో ఎలాంటి అభిప్రాయం ఉందో చెప్పుకొచ్చింది రష్మీ దేశాయ్.

మేమంటే చిన్నచూపు..

‘‘ఈ రీల్ అనేది అస్సలు ఊహించనిది. ఇది టీవీ పరిశ్రమను, టీవీ పరిశ్రమలో పనిచేసేవారిని అవమానించినట్టుగా నాకు అనిపించింది. ఎందుకంటే ప్రతీసారి మమ్మల్ని చిన్నచూపు చూస్తారు. ఇందులోని నటీనటులు కూడా వెండితెరపై నటించాలని అనుకుంటారు. కానీ నిజానికి అందరూ మాపట్ల ఇలాగే ప్రవర్తిస్తారు. అందరూ కష్టపడతారు. కానీ టీవీ షోలలో ఇలాంటివి చూపించం. ఇదంతా కేవలం వెండితెరపై మాత్రమే జరుగుతుంది. నిజాన్ని చూపించడంలో తప్పు లేదు. కానీ టీవీ ఇండస్ట్రీలో పనిచేసేవారికి ఇది రియాలిటీ చెక్‌లాగా అనిపిస్తుంది. చెంపదెబ్బలాగా అనిపిస్తుంది. ఒకవేళ నేనే ఓవర్‌గా రియాక్ట్ అవుతున్నానేమో. మేము కల్చర్‌ను, ప్రేమను ప్రేక్షకులకు చూపించాం. నాకు టీవీ పరిశ్రమలో చాలా గౌరవం దక్కింది. అందుకే నేను ఇంతలా హర్ట్ అయ్యాను. నా ఎమోషన్‌ను అర్థం చేసుకుంటారని భావిస్తున్నాను’’ అని చెప్పింది రష్మీ దేశాయ్.

రష్మీకే సపోర్ట్..

రణవీర్ సింగ్ యాడ్‌పై ప్రస్తుతం రష్మీ దేశాయ్ చేసిన వ్యాఖ్యలు వైరల్ అవుతున్నాయి. దీనిపై తాను రియాక్ట్ అవ్వడం మాత్రమే కాకుండా తన అభిప్రాయాన్ని ఓపెన్‌గా బయటపెట్టినందుకు ఎవరికీ సారీ చెప్పను అని కూడా స్టేట్‌మెంట్ ఇచ్చింది. ఇక చాలామంది నెటిజన్లు రష్మీకే సపోర్ట్ చేస్తున్నారు. కొందరు మాత్రం రణవీర్ చేసిన పని కరెక్టే అని హీరోకే సపోర్ట్ చేస్తున్నారు. ఇక రణవీర్ సింగ్, జానీ సిన్స్ కలిసి నటించిన యాడ్.. పురుషులలో లైంగిక సమస్యలని దూరం చేసే బోల్డ్ కేర్ అనే కాప్స్యూల్ కి సంబంధించింది. ఈ యాడ్‌ను చూడగానే ప్రేక్షకులంతా దీనికోసం పోర్న్ స్టార్ జానీ సిన్స్‌ను ఇండియాకు తీసుకొచ్చారా? అంటూ ఆశ్చర్యపోతున్నారు.