![ABP Premium](https://cdn.abplive.com/imagebank/Premium-ad-Icon.png)
Prema entha maduram Serial Today February 26th: ‘ప్రేమ ఎంత మధురం’ సీరియల్: ఆర్య ఆఫీసుకు వచ్చిన మాన్షి – ఆఫీసు నుంచి గెంటేసిన నీరజ్
Prema entha maduram Today Episode: ఆర్య ఆఫీసుకు ఆనంది, మాన్షి రావడంతో ఇవాళ్టీ ఎపిసోడ్ ఎంతో ఆసక్తికరంగా జరిగింది.
![Prema entha maduram Serial Today February 26th: ‘ప్రేమ ఎంత మధురం’ సీరియల్: ఆర్య ఆఫీసుకు వచ్చిన మాన్షి – ఆఫీసు నుంచి గెంటేసిన నీరజ్ Prema entha maduram serial today episode February 26th written update Prema entha maduram Serial Today February 26th: ‘ప్రేమ ఎంత మధురం’ సీరియల్: ఆర్య ఆఫీసుకు వచ్చిన మాన్షి – ఆఫీసు నుంచి గెంటేసిన నీరజ్](https://feeds.abplive.com/onecms/images/uploaded-images/2024/02/25/37b6f5962ac1f586153ff2e7590c4aea1708882614921879_original.jpg?impolicy=abp_cdn&imwidth=1200&height=675)
Prema entha maduram Serial Today Episode: కేశవ ఇంటికి వచ్చి ఆనంది వెళ్లిన గది ఓపెన్ చేసి చూస్తే అక్కడ ఆనంది కనిపించదు. ఆనంది గదిలో చూస్తే కూడా ఆనంది కనిపించదు దీంతో కేశవ పైన మొత్తం వెతుకుతాడు. అయినా ఆనంది కనిపించకపోవడంతో కేశవ నిరుత్సాహంగా కిందకు వస్తుంటాడు. ఇంతలో శారదాదేవి వచ్చి కేశకు భోజనం ఇస్తుంది. ఆఫీసులో అందరు కలిసి తినమని చెప్తుంది. భోజనం క్యారియర్ తీసుకుని బయటకు వచ్చి కారు ఎక్కిన కేశవ షాక్ అవుతాడు. వెనక సీట్లో ఆనంది కూర్చుని ఉంటుంది.
కేశవ: పాప నువ్వు కారులో ఎందుకు ఉన్నావు. ఎలా వచ్చావు.
ఆనంది: నేను మీతో పాటు ఆఫీసుకు వస్తాను.
కేశవ: వద్దమ్మా మేమంతా బిజీగా ఉంటాము..
అనగానే ప్లీజ్ నేను వస్తాను. తీసుకెళ్లండి.. అనగానే కేశవ ఆనందిని తీసుకుని ఆఫీసుకు వెళ్తాడు. ఆఫీసులో ఆర్య, అను బిజీగా ఉంటారు. ఇంతలో మాన్షి వస్తుంది. మాన్షిని చూసిన ఆర్య, అను షాక్ అవుతారు. మాన్షి ఏడుస్తూ ఉంటుంది. ఆర్య ఎందుకొచ్చావు అని అడగ్గానే మాన్షి ఏడుస్తూ నేను మీ అందరికీ చాలా ద్రోహం చేశాను. సరిదిద్దుకోలేని తప్పులు చేశాను అని ఏడుస్తుంది. అను కోపంగా తిడుతుంది.
మాన్షి: నా అనే వాళ్లు లేక ఇప్పుడు ఒంటరిదాన్ని అయిపోయాను.
అను: అయ్యో మీరు ఒంటరివాళ్లు ఎందుకవుతారండి. కుట్రలు, కుతంత్రాలు పన్నే వాళ్లు మీకు తోడుగా ఉండనే ఉన్నారు కదా?
మాన్షి: వాళ్లను నమ్మి మీకు ద్రోహం చేసినందుకు నాకు తగిన శాస్తే జరిగింది.
అంటూ మాన్షి ఏడుస్తూ అను కాళ్లు మొక్కబోతుంటే అను పక్కకు తప్పుకుంటుంది. కుటుంబ సభ్యురాలిగా కాకపోయినా పనిమనిషిగానైనా నాకు ఇంట్లో చోటు ఇవ్వండి అని అడుక్కుంటుంటే.. ఇంతలో నీరజ్ వచ్చి మాన్షిని కొడతాడు. మా జీవితాలు నాశనం చేసింది సరిపోలేదా? అంటూ తిడుతూ బయటకు గెంటివేస్తుంటే.. మాన్షి ఏడుస్తూ అందరినీ బతిమాలుతుంది. ఎవ్వరూ పలకపోయేసరికి మాన్షి బయటకు వెళ్లిపోతుంది.
ఆర్య: నీరజ్ ఆవేశపడకు
నీరజ్: దాన్ని చూస్తేనే నాకు ఇరిటేషన్ వస్తుంది. నా కోపాన్ని నేను కంట్రోల్ చేసుకోలేకపోతున్నాను.
అను: వదిలేసేయండి సార్ తన తప్పులకు శిక్ష అనుభవిస్తుంది కదా? అందరూ ఉన్నా కూడా అనాధ అయిపోయానని బాధపడుతుంది.
నీరజ్: నో వదినమ్మా తను చెప్పేదంతా నిజం కాదు. మళ్లీ ఏదో కుట్రతోనే వచ్చింది. ఆల్రెడీ నన్ను స్కూల్ దగ్గర కలిసింది వదినమ్మా.. దయచేసి మీరు దాని మీద జాలి చూపించకండి కోరి ప్రమాదాన్ని తెచ్చుకోకండి.
అంటూ చెప్పి నీరజ్ వెళ్లిపోతాడు. కేశవ ఆనందిని తీసుకుని ఆఫీసుకు వస్తాడు. ఆఫీసులోంచి బయటకు వెళ్తున్న మాన్షి, ఆనందిని చూస్తుంది.
కేశవ: ఎందుకొచ్చారు..?
మాన్షి: అది జెండే సార్
కేశవ: సార్.. రెస్పెక్ట్ మీ మాటల్లో రెస్పెక్ట్ కనిపిస్తుందంటే మీ మనసులో ఏదో కుట్ర ఉందనే అర్థం.
అంటూ మాన్షిని మరోసారి ఇటువైపు రావొద్దని వార్నింగ్ ఇచ్చి కేశవ లోపలికి వెళ్తాడు. ఆనందిని ఒకచోట ఉండమని చెప్పి మీటింగ్ హాల్ లోకి కేశవ వెళ్లబోతుంటే అక్కడ అఖి, అభయ్ ఆడుకోవడం చూసి వీళ్లేంటి ఇక్కడ అని ఆశ్యర్యపోతాడు. ఆనందిని ఇక్కడ చూస్తే పిల్లలు హర్ట్ అవుతారేమో అనుకుంటుండగా మీటింగ్ లోంచి ఆర్య, అను, నీరజ్ బయటకు వస్తారు. పిల్లలతో అందరూ సరదాగా మాట్లాడుకుంటుంటే ఇవాళ్టీ ఏపిసోడ్ అయిపోతుంది.
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)