Prema Entha Madhuram serial January 15th - 'ప్రేమ ఎంత మధురం' సీరియల్: బాధతో కన్నీరు పెట్టుకున్న అంజు, ఆనంద్, ఆకాష్.. అక్కి చెంప పగలగొట్టిన దివ్య!

Prema Entha Madhuram Serial Today Episode: దివ్య అక్కి చెంప పగలగొట్టడంతో బాధతో ఓ గదిలో కూర్చుంటుంది. ఆపై ఏం జరుగుతుంది అనే ఉత్కంఠత కధలో ఏర్పడుతుంది. 

Image Credit: zee5

Prema Entha Madhuram Serial Today Episode: ఎపిసోడ్ ప్రారంభంలో గెస్ట్ లు వస్తే ఎంటర్టైన్ చేయాలి కానీ ఇలా భయపెడతారా అని అడుగుతాడు యాదగిరి.

ఆనంద్ : ఇదే మా ఎంటర్టైన్మెంట్ అంకుల్.

ఆకాష్ : పైగా మా ఎంట్రీ అంటే ఆ మాత్రం బిల్డప్ ఉండాలి కదా అంటాడు.

పిల్లల నవ్వులతో అందరూ శృతి కలుపుతారు. ఆ తర్వాత అక్కి అక్కడ ఉన్న వాళ్ళందరినీ అంజు వాళ్లకి పరిచయం చేస్తుంది. ఈయనే మా నాన్న అని చెప్పి ఆర్య ని పరిచయం చేసి మేము ఫ్రెండ్ అని పిలుస్తాము ఇకమీదట అన్ని ఆయనే మాకు అని చెప్తుంది అక్కి. మీకు ఫ్రెండ్ అయితే మాకు కూడా ఫ్రెండే మేము కూడా ఫ్రెండ్ అని పిలుస్తాము అని అంటారు అంజలి వాళ్ళు. ఆ తర్వాత 

సుగుణ: మీరు మాత్రమే వచ్చారేంటి మీ అమ్మానాన్న వాళ్ళని కూడా తీసుకురావాల్సింది అంటుంది.

బాధతో కన్నీరు పెట్టుకుంటారు అంజలి వాళ్ళు. ఏం జరిగింది అని కంగారు పడతారు అక్కడున్న వాళ్ళందరూ.

అక్కి : వాళ్లకి అమ్మ లేదు దేవుడి దగ్గరికి వెళ్ళిపోయిందంట అంటుంది.

అను: బాధపడకండి మీ అమ్మ ఎక్కడికి వెళ్లరు, మీతోనే ఉంటారు. మీకు కనిపించకపోయినా ఆమె  మీ చుట్టూనే తిరుగుతూ ఉంటారు. మీరేమీ బాధపడకండి నన్ను అమ్మ అని పిలవండి అంటుంది

ఉష : మీ నాన్నకి పెళ్లి చేసేస్తే మీకు మళ్ళీ అమ్మ వస్తుంది అంటుంది.

మాటలకి అందరూ షాక్ అవుతారు.

ఆకాష్ : మా అమ్మ ప్లేస్ ని ఎవరు రీప్లేస్ చేయలేరు, అయినా అందుకు మా నాన్న కూడా ఒప్పుకోరు.

ఆర్య : అవును మనసు ఒకరికి కనెక్ట్ అయిపోతే ఆ మనసులో మరొకరికి స్థానం ఇవ్వలేము అంటాడు.

సుగుణ: ఆడవాళ్లు భర్త లేకపోయినా బ్రతకగలరు కానీ మగవాళ్ళకి అలా కాదు భార్య లేకపోతే ఆ జీవితం శూన్యం అయిపోతుంది. అందుకే మీ నాన్నకి మంచి అమ్మాయిని చూసి పెళ్లి చేద్దాం అంటుంది.

అక్కి : మీ నాన్న ఒప్పుకోకపోతే చెప్పండి మా నాన్న వచ్చి ఒప్పిస్తారు అంటుంది.

ఇంక పెళ్లి పనులు ప్రారంభిద్దాం అని యాదగిరి అనడంతో రెండు పార్టీలుగా విడిపోయి హంగామా చేద్దాం అప్పుడే సరదా వస్తుంది అని చెప్పి అక్కి, అభయ్ ఆర్యవైపు అంజు వాళ్ళు అను వైపు నిలబడతారు.

దివ్య: ఆ సంతోషాన్ని చూసి ఓర్వలేక పోతుంది ఇక్కడ వాళ్ళ పెళ్లే కాదు నా పెళ్లి కూడా జరుగుతుంది అని రోషంగా అక్కడ నుంచి వెళ్ళిపోతుంది.

మరోవైపు మెహందీ రుబ్బుతున్న సుగుణ చుట్టూ కూర్చుంటారు పిల్లలు. మేము కూడా సాయం చేస్తాం నానమ్మ అని అభయ్, ఆకాష్ రుబ్బుతూ ఉంటారు.

అంజు, అక్కి వాళ్ళిద్దర్నీ ఏడిపిస్తారు. రేపటి రోజున ఉద్యోగం రాకపోయినా రుబ్బు షాపు పెట్టుకొని బ్రతికేస్తారు అచ్చు హోటల్ సర్వర్స్ లాగా ఉన్నారు అనడంతో వాళ్ళిద్దర్నీ కొట్టడానికి బయలుదేరుతారు మగ పిల్లలు ఇద్దరు వాళ్లకి అందకుండా పరిగెడతారు ఆడపిల్లలు ఇద్దరు. అది చూసి ఆనందంగా నవ్వుకుంటుంది  సుగుణ.

మరోవైపు దివ్య హరీష్ కి ఫోన్ చేసి మ్యాచింగ్ డ్రెస్ వేసుకో మనమే సెంటర్ ఆఫ్ అట్రాక్షన్ అవ్వాలి అని చెప్తుంది. ఇంతలో అనుకి చీర తీసుకుని వెళ్లి ఫంక్షన్ కి ఈ చీర కట్టుకోండి బాగా కనిపిస్తారు అని చెప్తుంది ఉష. ఆ మాటలు విన్న దివ్య నిన్ను నా పనులు చూసుకోమన్నాను కదా, ఇద్దరు పిల్లల తల్లికి పెళ్లి ఏంటని ఇప్పటికే అందరూ నవ్వుకుంటున్నారు. తూతు మంత్రం గా జరగాల్సిన పెళ్లిని ఆర్భాటంగా చేస్తున్నారు ఏంటో నాకు వెళ్లి అనే ఎంజాయ్మెంట్ లేకుండా పోతుంది అని కోప్పడి బయటికి వస్తుంటే పిల్లలు ఆడుకుంటూ వచ్చి  దివ్య ని గుద్దేస్తారు. ఆమె ఫోన్ కిందపడి పగిలిపోతుంది.

దివ్య: కోపంతో అక్కి చంప పగలగొడుతుంది. మీ అమ్మ కన్నా నేను అందంగా కనిపించకూడదని ఇలా చేసావు  అంటుంది.

సుగుణ: చిన్నపిల్లని కొడతావా అంటూ కోపంతో దివ్య చెంప పగలగొడుతుంది.

ఆర్య కూడా అక్కి ని వెనకేసుకురావడంతో ఇంకా పెళ్లి కూడా అవ్వలేదు అప్పుడే పిల్లల్ని బాగానే ఓన్ చేసుకున్నావు. ఈ ఇంట్లో పరాయి వాళ్ళకి ఉన్న విలువ నాకు లేకుండా పోతుంది అని కోపంగా అక్కడి నుంచి వెళ్ళిపోతుంది.

సుగుణ : అల్లుడుగారు అక్కి ఏం మనసు కష్టపెట్టుకుంటుందో ఏమో వెళ్లి ఓదార్చండి  అని చెప్పడంతో యాదగిరి అక్కి దగ్గరికి బయలుదేరుతాడు. అక్కడితో ఈరోజు కథ ముగుస్తుంది.