Naga Panchami Serial Today April 25th: 'నాగ పంచమి' సీరియల్: గురుడ రాజు నుంచి శక్తులు పొందిన కరాళి.. పంచమికి స్కానింగ్ చేయించనున్న వైదేహికి ఆ నిజం తెలిస్తే!

Naga Panchami Serial Today Episode నాగలోకం మీద పగ తీర్చుకునేందుకు కరాళి గురుడ రాజుకి ధ్యానం చేసి శక్తులు పొందడంతో ఇవాళ్టి ఎపిసోడ్ ఆసక్తికరంగా మారింది.

Image Credit: star maa/Disney + Hotstar

Naga Panchami Today Episode వైదేహి మోక్ష మాటలను తలచుకొని ఆలోచిస్తూ ఉంటుంది. వైదేహిని చూసిన జ్వాల, చిత్రలు వైదేహికి తగిలించాలి అనుకుంటారు. అత్తయ్యని రెచ్చ గొట్టి తల్లీ కొడుకులు గొడవ పడేలా చేయాలని అనుకొని వైదేహి దగ్గరకు వెళ్తారు. 

జ్వాల: ఎవరు ఎన్ని చెప్పినా మీరు మీ మనసు మార్చుకోవద్దు అత్తయ్య. ఇంకా పుట్టని బిడ్డ కోసం చెట్టంత బిడ్డని మీరు పొగొట్టుకోవద్దు. 
చిత్ర: మోక్షను ఆ పంచమి కంట్రోల్‌లో పెట్టుకుంది అత్తయ్య. ఈ ఇంట్లో ఎవరు ఏమైనా పంచమి పట్టించుకోదు. తనకి ఏం కావాలో అదే చేస్తుంది.  
వైదేహి: నాకు ఏం చేయాలో అర్థం కావడం లేదు. గట్టిగా లాగితే తాడు తెగిపోతుంది కానీ ప్రయోజనం లేదు. మోక్షకు నాకు మధ్య ఇప్పటికే దూరం పెరిగింది.  
జ్వాల: అలా అంటే ఎలా అత్తయ్య.. 
చిత్ర: కోపంతో మోక్ష దారిలోకి వచ్చేలా లేడు అత్తయ్య ఏదైనా మంచిగా ఉండే సాధించాలి అత్తయ్య. 
జ్వాల: అవును అత్తయ్య నేను కచ్చితంగా చెప్తున్నా పంచమి కడుపులో ఉన్నది మామూలు బిడ్డ కాదు.
చిత్ర: మంచిగా మాట్లాడి స్కానింగ్‌కు తీసుకెళ్లండి అత్తయ్య. స్కానింగ్‌లో తేడా వస్తే మిమల్ని ఎవరూ అడ్డుకునేవాళ్లు ఉండరు. ఆలోచించండి..

నాగేశ్వరి: పంచమి గర్భంలో బిడ్డను ఇంత వరకు కాపాడుకుంటూ వచ్చాను మాతా. నేను ప్రాణాలతో ఉంటానో ఉండనో అన్న భయంతో తన గర్భంలో పెరుగుతున్నది తన తల్లి అని పంచమికి చెప్పాను మాతా. ఇక ఆ బిడ్డని పంచమినే కాపాడుకుంటుంది మాతా..
నాగదేవత: బిడ్డ పుట్టగానే నాగలోకం తీసుకెళ్లిపోతానని పంచమికి చెప్పావా నాగేశ్వరి.
నాగేశ్వరి: లేదు మాతా అలా చెప్తే ఏ పంచమి కుమిలిపోతుంది.
నాగదేవత: కానీ మనకు ఆ బిడ్డ అవసరం కదా నాగేశ్వరి. ఆ బిడ్డ మనకు అవసరం నాగేశ్వరి. ఇక నాగదేవత నాగేశ్వరి గాయాలు మాన్పిస్తుంది. పుట్టిన తర్వాత ఆ బిడ్డను పంచమి దగ్గర నాగలోకం తీసుకురావాల్సింది నువ్వే. పంచమిని మనం మోసం చేయడం లేదు. నిజానికి పంచమి స్వయంగా వచ్చి మన నాగలోకానికి రాణిలా ఉండాలి. కానీ ఆ బాధ్యత పంచమి నెరవేర్చలేదు. ఆ ఫలితంగా ఇప్పుడు పంచమి బిడ్డను దూరం చేసుకోవాల్సి వస్తుంది. 

మరోవైపు వైదేహి పూజ చేస్తుంది. పంచమికి ప్రేమగా హారతి ఇస్తుంది. ఇక శబరి పంచమికి టిఫెన్ తినిపించమని మోక్షకు చెప్తుంది. ఇక వైదేహి పంచమికి ఏమీ తినొద్దు అని స్కానింగ్‌కు వెళ్దామని చెప్తుంది. ఇక చిత్ర, జ్వాలలు పుల్లలు పెడుతుంటే శబరి వాళ్లని తిడుతుంది. 

వైదేహి: మమల్ని పరాయి వాళ్లని చేయకు పంచమి. బిడ్డను కనాలి అని మీరు నిర్ణయం తీసుకున్నారు నేను కాదు అనను. గుండెను రాయి చేసుకొని అన్నీ మూఢనమ్మకాలు అని కొట్టి పడేశాను. మోక్ష నాకు ఇప్పుడు ఏ ఆలోచన లేదు. నా కోడలికి పుట్టబోయే బిడ్డ ఆరోగ్యంగా ఉండాలి అన్న తాపత్రయం తప్ప ఇంకేంలేదు.
మోక్ష: అమ్మా నువ్వు మనసు మార్చుకున్నందుకు చాలా థ్యాంక్స్. కానీ ఇప్పుడు స్కానింగ్ అవసరం లేదు. 
వైదేహి: అలా అనకు మోక్ష. మన ఫ్యామిలీ డాక్టర్‌ దగ్గరకు తీసుకెళ్తా ఇక ఈ విషయంలో నువ్వేం మాట్లాడకు. డెలివరీ వరకు ఒక్క డాక్టర్‌ని ఫాలో అవ్వడమే బెటర్. నేను తీసుకెళ్లి ఒకసారి అన్ని టెస్ట్‌లు చేయించి తీసుకొస్తాను. నా మీద నీకు ఇంకా ఏమైనా అనుమానాలు ఉంటే చెప్పు మోక్ష. 
భార్గవ్: ఇప్పుడు ఈ డిస్కషన్లు అవసరం లేదు. పంచమిని తీసుకొని వెళ్లి స్కానింగ్ చేయించండి అప్పుడే అన్నీ తేలిపోతాయి.
పంచమి: అత్తయ్య గారు స్కానింగ్‌కి వెళ్దాం పదండి.
మోక్ష: అవసరం లేదు పంచమి. 
పంచమి: మీరు వీళ్ల అనుమానాలు పెంచుతున్నారు. 
మోక్ష: సరే పదమ్మా నేను వస్తాను.
వైదేహి: నువ్వు వస్తే ఇంకా సంతోషం మోక్ష. 

మరోవైపు కరాళి గురడ దేవుడికి ధ్యానం చేస్తుంది. దీంతో గురుడ రాజు కరాళి దగ్గరకు వస్తాడు. ఎందుకు తన కోసం ధ్యానం చేశావని  ప్రశ్నిస్తాడు. దీంతో కరాళి తనని తాను పరిచయం చేసుకుంటుంది. నాగ జాతి మీద తన పగను చెప్తుంది. దీంతో ఇష్టరూపజాతి మీద పగ తీర్చుకోవడం సాధ్యం కాదని అంటాడు. పంచమి గురించి చెప్పి పంచమి గర్భంలో పూర్వపు మహారాణి మళ్లీ నాగలోకం వెళ్లాలని ప్రయత్నిస్తుందని పంచమి గర్భంలోని బిడ్డను చంపితే పగ తీరుతుందని అంటుంది. అందుకు తనకు గురుడ శక్తులు ఇవ్వమని కోరుతుంది. గురుడ రాజు సరే అని అంటాడు. దీంతో ఇవాళ్టి ఎపిసోడ్ పూర్తవుతుంది.