Meghasandesam Serial Today April 8th: ‘మేఘసందేశం’ సీరియల్: చెర్రితో విడాకులు కావాలన్న నక్షత్ర – షాక్ లో శరత్ చంద్ర
Meghasandesam serial today episode April 8th: లిల్లీని రేప్‌ చేసిన చెర్రితో తను కాపురం చేయనని విడాకులు కావాలని నక్షత్ర అడగడంతో ఇవాళ్టీ ఏపిసోడ్‌ చాలా ఆసక్తిగా జరిగింది.
Meghasandesam Serial Today Episode: బయటి నుంచి శరత్ చంద్ర రావడం చూసిన సుజాత లోపలికి పరుగెత్తుకుంటూ వచ్చి శరత్ చంద్ర వస్తున్నాడని చెప్తుంది. దీంతో అన్ని పక్కకు పెట్టేసిన నక్షత్ర ఏడుస్తున్నట్టు నటిస్తుంది. అపూర్వ ఓదారుస్తున్నట్టు నటిస్తుంది. శరత్ లోపలికి వచ్చేస్తాడు.
శరత్: అపూర్వ ఏమైంది ఎందుకు నక్షత్ర ఏడుస్తుంది.
అపూర్వ: ఏం లేదులే బావ అది కాసేపు ఏడ్చి ఊరుకుంటుందిలే..
నక్షత్ర: ఊరుకుంటానో.. ఉరేసుకుంటానో.. నాకేం అవసరం లేదులే.. నా గొంతు కోసి మీరు చేతులు దులిపేసుకున్నారు కదా..
సుజాత: అవేం మాటలే పెళ్లి చేసేటప్పుడు ఇలాంటి రోజు ఒకటి వస్తుందని ఎవరైనా ఊహిస్తారా ఏంటి..?
శరత్: ఏం జరిగిందో చెప్పండి ముందు ఎందుకు ఏడుస్తున్నావు నక్షత్ర.
అపూర్వ: ఏం లేదులే బావ. అది మన ఇంటి గౌరవానికి సంబంధించింది. నీకు తెలియకపోవడమే మంచిది. ఆ చేదు నిజాన్ని ఈ నాలుగు గోడల మధ్యే సమాధి చేసేద్దాం.
నక్షత్ర: దాని పక్కనే నా శవాన్ని కూడా సమాధి చేయండి. పీడ పోతుంది.
సుజాత: అయ్యయ్యో నువ్వు అలాంటి అపశకునపు మాటలు మాట్లాడకు. పైన తథాస్తు దేవతలు ఉంటారు.
అపూర్వ: పిన్ని..
శరత్: అపూర్వ చెప్తావా..? చెప్పవా..?
అపూర్వ: చెప్పకూడదు అని కాదు బావ. కానీ కడుపు చించుకుంటే కాళ్ల మీద పడుతుంది కదా అని ఆగిపోతున్నాను.
శరత్: ఏంటో చెప్పు..
అపూర్వ: మన అల్లుడు చెర్రి కరెక్ట్‌ కాదు బావ.
శరత్: అంటే..
నక్షత్ర: అంటే అంటావేంటి డాడీ. మీ ఫ్రెండ్‌ కూతురు లిల్లీ వచ్చి చెప్పింది కదా..? ఆయన చేసిన ఘనకార్యం గురించి.
శరత్: అదంతా నిజమా కాదా త్వరలోనే తేలుస్తాను. నిజమని తేలితే..
నక్షత్ర: నిజం డాడీ.. వాడి బుద్ది నీచపు బుద్ది. చెట్టుకు చీర కట్టినా ముట్టుకుని మురిసిపోయే రకం వాడు.
సుజాత: ఏమిలి అమ్మాయి నువ్వు అనేది.
అపూర్వ: అవును పిన్ని నిజమే వాడు ఆ లిల్లీని ఇబ్బంది పెట్టడం నేను కూడా చాలా సార్లు నా కళ్లారా చూశాను.
నక్షత్ర: వద్దు వద్దు అని చాలా సార్లు చెప్పాను కానీ నన్నే చెప్పుతో కొడతానన్నాడు. ఇప్పుడు గెస్ట్ హౌస్‌ చూపిస్తానని తీసుకెళ్లి పాపం ఆ లిల్లీని పాడు చేశాడు.
అపూర్వ: సరే బావ అయిందేదో అయిపోయింది. నక్షత్ర చూడు జైలు నుంచి వచ్చాక మీ డాడీ వాడికి బాగా గడ్డి పెడతాడులే..
నక్షత్ర: ఏమీ అవసరం లేదు. వాడు ఎంత చెప్పినా వినడు. వాడు కుక్క తోక వంకర టైపు. అప్పుడే నాకు ఈ పెళ్లి వద్దు అని చెప్పాను. మీరే వినలేదు. చేతులు కాలాక ఆకులు పట్టుకోవడానికి నేను సిద్దంగా లేను.
శరత్: సరే ఇప్పుడు ఏం చేద్దాం అంటారు.
నక్షత్ర: నాకు ఆ చెర్రితో విడాకులు కావాలి.
శరత్: విడాకులా..?
నక్షత్ర: అవును నాకు విడాకులు కావాలి.. కావాలి..
అంటూ నక్షత్ర ఏడుస్తుంటే.. ఏం చెప్పాలో అర్తం కాక శరత్ చంద్ర అలాగే చూస్తుండిపోతాడు. అపూర్వ, సుజాత ముసి ముసిగా నవ్వుతుంటారు. ఇంతలో ఇవాళ్టీ ఎపిసోడ్ అయిపోతుంది.
ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!
టాప్ హెడ్ లైన్స్
ట్రెండింగ్ వార్తలు
