Lakshimi Raave Maa Intiki Serial Today April 6th: శ్రీలక్ష్మిని తిట్టి ఇంటికి తీసుకొచ్చిన మ్యాడీ..? లక్ష్మీ చేసిన పనిని మెచ్చుకున్న సూర్యనారాయణ
Lakshimi Raave Maa Intiki Serial Today Episode April 6th:శ్రీలక్ష్మిని తిట్టి ఇంటికి తీసుకొచ్చిన మ్యాడీ..? లక్ష్మీ చేసిన పనిని మెచ్చుకున్న సూర్యనారాయణ
Lakshimi Raave Maa Intiki Serial Today Episode: ఆస్పత్రిలో తన భర్తను చూసి కోపంతో రగిలిపోయిన ప్రియంవద...ఒక్క మనిషి కిడ్నాప్ చేసి తీసుకురమ్మని చెబితే చేతకాలేదని రౌడీలపై కోప్పడుతుంది. ఇంతలో పక్కనే అతన్ని కాపాడింది ఎవరా అని చూసి ఒక్కసారిగా షాక్ తింటుంది. అప్పుడే తన భర్తకు రక్తం ఇస్తున్న శ్రీలక్ష్మీని చూసి కంగారుపడిపోతుంది. ఇది ఇతన్ని ఎందుకు కాపాడిందని ఆందోళన చెందుతుంది.అప్పుడే శ్రీలక్ష్మీని వెతుక్కుంటూ మ్యాడీ కూడా ఆస్పత్రికి వస్తాడు. తీవ్ర గాయాలతో ఉన్న తన భర్తకు మెలకువ రాగానే వెంటనే ఇక్కడి నుంచి అతన్ని షిప్ట్ చేయమని రౌడీలకు చెప్పి వెళ్లబోతుండగా...అప్పుడే అక్కడికి వచ్చిన మ్యాడీని చూసి ప్రియంవద మరింత భయపడి వెనక్కి పరుగులు తీస్తుంది.
తాను కాపాడిన వ్యక్తికి రక్తం ఇచ్చి బయటకు వస్తున్న శ్రీలక్ష్మీని చూసి మ్యాడీ మండిపడతాడు.కాలేజీకి రాకుండా ఎక్కడికి వెళ్లావని...నిన్ను వెతుక్కుంటూ ఎక్కడెక్కడ తిరగాలని అరుస్తాడు. మొన్నే కదా యాక్సిడెంట్ జరిగింది...మళ్లీ ఇంతలో ఇదంతా ఏంటని నిలదీస్తాడు. భయపడిపోయిన శ్రీలక్ష్మీ...నా కళ్లముందు ఓ మనిషి ప్రాణం పోతుంటే చూస్తూ ఊరుకోలేపోయానని అందుకే అతన్ని తీసుకుని ఆస్పత్రికి వచ్చానని చెబుతుంది. రోడ్డునపోయే గొడవలన్నీ ఎందుకు తలకు చుట్టుకుంటావని కోప్పడతాడు. ఇది మర్డర్ కేసని...పోలీసులు, కోర్టులను సవాలక్ష గొడవలు ఉంటాయని అంటాడు.ఇప్పుడు పోలీసుస్టేషన్లు చుట్టూ తిరిగే ఓపిక నాకు లేదని అంటాడు. కాబట్టి వెంటనే ఇక్కడి నుంచి వెళ్లిపోదామని చెప్పి శ్రీలక్ష్మీని లాక్కుని వెళ్లిపోతాడు.
శ్రీలక్ష్మీ కోసం తనపై మ్యాడీ చేయిచేసుకోవడంతో త్రిష ఆగ్రహంతో ఊగిపోతుంది. ఆ ఎర్రబస్సు కోసం నాపైనే చేయిచేసుకుంటాడా అని మండిపడుతుంది. ఆ ఎర్రబస్సు అడ్డుతొలగించుకోకపోతే...నా మ్యాడీ నాకు దక్కకుండాపోతాడని అంటుంది. ఏదైనా చేసి ఆ ఎర్రబస్సును శాశ్వతంగా మ్యాడీకి దూరం చేయాలని అనుకుంటుంది.అప్పుడే అక్కడికి వచ్చిన సీనియర్ విక్రమ్....త్రిష దగ్గరకు వచ్చి మీ ఫ్రెండ్ శ్రీలక్ష్మీ కనిపించడం లేదేంటని అడుగుతాడు. ఎందుకు సార్ రికార్డులు ఏమైనా రాసివ్వాలంటే నేను రాసిస్తానని అంటుంది.అలాంటిదేమీ లేదని... ఎందుకో చాలారోజుల నుంచి ఆ అమ్మాయి కనిపించకపోవడంతో అడిగానని అంటాడు.
మీలో చాలామార్పులు వచ్చాయి సార్ ఈ మధ్య అని త్రిష విక్రమ్ను ఆటపట్టిస్తుంది. శ్రీలక్ష్మీని చూసినప్పటి నుంచి మీలో మార్పులు మొదలయ్యాయని....నిజంగా ఆమెకు కూడా మీరంటే ఇష్టంలేకపోతే ఆరోజు స్టేజీపై మీ గురించి అంత గొప్పగా ఎలా మాట్లాడుతుందని అంటుంది. ఆ మాటలకు విక్రమ్ చాలా సంతోషపడి వెళ్లిపోతాడు. ఈ విక్రమ్ను శ్రీలక్ష్మీ మీదకు ఉసిగొల్పి నా పగతీర్చుకుంటానని త్రిష అంటుంది.
శ్రీలక్ష్మీని తీసుకుని మ్యాడీ ఇంటికి రాగా...ఆమె బట్టలన్నీ రక్తంతో తడిచిపోయి ఉండటం చూసి ఇంట్లోవాళ్లు కంగారుపడతారు.ఏం జరిగిందని...మళ్లీ ఏదైనా యాక్సిడెంట్ జరిగిందా అని అడుగుతారు. తనకు ఏం కాలేదని...కాకపోతే దారినపోయే గొడవలన్నీ మీదకు తెచ్చుకుంటుందని మ్యాడీ మండిపడతాడు. ఇంతలో లక్ష్మీ కలుగజేసుకుని ఎవరో ఒకతన్ని నలుగురు రౌడీలు కలిసి కొట్టి కత్తులతో పొడిచి చంపబోయారని...నేను వెళ్లి అడ్డుకుని అతన్ని ఆస్పత్రికి తీసుకెళ్లానని చెబుతుంది. ఆ మాటలు విన్న సూర్యనారాయణ కంగారపడతాడు. నలుగురు రౌడీలను నువ్వు అడ్డుకోవడానికి నీకు భయం లేకుండా పోయిందని మ్యాడీ అంటాడు. వాళ్లు నిన్నుకూడా ఏదైనా చేసి ఉంటే అని అంటాడు. పైగా ఇది మర్డర్ కేసు అని...వాడు ఏం తప్పుచేస్తే వాళ్లు చంపుతున్నారోనని అంటాడు.
ఇవన్నీ నీకు ఎందుకని అంటాడు. శ్రీలక్ష్మీ చేసిన పనిని సూర్యానారాయణ మెచ్చుకుంటాడు. అతనికి సంబంధించిన వాళ్లు వచ్చేవరకు ఉందామని అన్నా...మధుబాబు లాక్కుని వచ్చాడని చెబుతుంది.అయితే మనం వెళ్లి చూసొద్దమని సూర్యనారాయ అనగా...అప్పుడే అక్కడికి వచ్చిన ప్రియంవద అవసరంల లేదులే అని అంటుంది. కోమాలో ఉన్న అతన్ని మీరు చూసి ఏం చేస్తారని అంటుంది.అతను కోమాలో ఉన్నాడని నీకు ఎలా తెలుసని వాళ్ల అమ్మ ఇందిర నిలదీయగా...అన్ని కత్తిపోట్లు దిగిన తర్వాత కోమాలోనే ఉంటాడుగా అని తప్పించుకుంటుంది. అయితే మనం ఆ రౌడీలపై కేసు పెడదామని శ్రీలక్ష్మీ అనగా...అతనికి మెలకువ రాగానే వెళ్లి కలిసి వివరాలు కనుక్కుని కేసు పెడతామని సూర్యనారాయణ అంటాడు. ఎట్టి పరిస్థితుల్లోనూ నాన్న ఆస్పత్రికి వెళ్లకుండా చూసుకోవాలని ప్రియంవద అనుకుంటుంది.
Before You Go
Gundenininda Gudigantalu Serial July 24 | మనోజ్ నోట్లో బలవంతంగా పెసరట్టు కుక్కిన బాలు
టాప్ హెడ్ లైన్స్
ట్రెండింగ్ వార్తలు
