Lakshimi Raave Maa Intiki Serial Today March 2nd:మ్యాడీకి ఏం చెప్పి శ్రీలక్ష్మీ ఇంటికి రప్పించింది..? ప్రియంవద శ్రీలక్ష్మీపై చెయ్యి ఎందుకు చేసుకుంది..?
Lakshimi Raave Maa Intiki Serial Today Episode March 2nd: మ్యాడీకి ఏం చెప్పి శ్రీలక్ష్మీ ఇంటికి రప్పించింది..? ప్రియంవద శ్రీలక్ష్మీపై చెయ్యి ఎందుకు చేసుకుంది..?
Lakshimi Raave Maa Intiki Serial Today Episode: మ్యాడీ కనిపించకపోవడంతో ఇంట్లో అందరిపైనా సూర్యనారాయణ మండిపడతాడు. కొడుకు అరవింద్ను పిలిచి గట్టిగా మందలిస్తాడు.ఇన్నాళ్లు వాడు మన చేతుల్లో ఉన్నాడని అనుకున్నాం కానీ...నీ కొడుకు మనం తలదించుకునేలా చేశాడని ఆగ్రహం వ్యక్తం చేస్తాడు. అంతలోనే మ్యాడీ అక్కడ ప్రత్యక్షమవుతాడు. మీరు తలదించుకునేలా,మన ఇంటి పరువుతీసేలా నేను ఎప్పటికీ ప్రవర్తించనని చెబుతాడు. మ్యాడీ ఇంటికి రావడం చూసి ప్రియంవదతోపాటు సింధూజాక్షి షాక్కు గురవుతారు.ఇప్పటి వరకు ఎక్కడికి వెళ్లావని తాత సూర్యనారాయణ మ్యాడీని నిలదీస్తాడు.నేను బయలుదేరు వద్దామనుకున్నాను గానీ రాలేకపోయానని చెబుతాడు.అలాంటప్పుడు మరి ఫోన్ చేసి ఉండొచ్చు కదా అంటే ఫోన్ స్విచ్ఛాప్ అయ్యిందని అంటాడు.సరే ఎలాగైతే వచ్చావు కదా...వెళ్లి త్వరగా రెడీ అయ్యి రమ్మని సూర్యనారాయమ పురమాయిస్తాడు.
పూజకు రెడీ అవ్వడానికి మ్యాడీ తన రూమ్లోకి వెళ్లగానే...ప్రియంవద అతని వెనకే వెళ్తుంది.నిన్ను ఇంటికి రావొద్దని చెప్పాను కదా...మళ్లీ ఎందుకు వచ్చావని నిలదీస్తుంది. నువ్వు పిరికివాడిలా భయపడి వస్తావనుకుంటే నేను ఈ పూజ చెడగొట్టేందుకు మరో ప్లాన్ వేసుకునేదానిని అని అంటుంది. నువ్వు ఖచ్చితంగా రావని...ఈ పూజ ఆగిపోతుందని మీ అక్క ఎంతో ఆనందపడిందని..అసలు నువ్వు ఎందుకు తిరిగివచ్చావని నిలదీస్తుంది. నేను కూడా రాకూడదనే...ప్రెండ్స్తో కలిసి టూర్ వెళ్తుంటే...ఆ ఎర్రబస్సు ఫోన్ చేసిందని చెబుతాడు. అది ఫోన్ చేస్తే...తోక ఆడించుకుంటూ వచ్చావా అని ప్రియంవద మండిపడుతుంది. దీంతో శ్రీలక్ష్మీ ఏం చేసిందో చెబుతాడు. గోపి ఊరి నుంచి వచ్చేప్పుడు మా పెళ్లి ఫొటోలు పట్టుకుని వచ్చాడంటా...వాటిని ఫోన్లో నాకు పంపిందని చెబుతాడు. నేను వెంటనే ఇంటికి తిరిగి రాకుంటే...ఆ ఫొటోలన్నీ మా కాలేజీ ఫ్రెండ్స్ ఉండే వాట్సప్ గ్రూప్లో షేర్ చేస్తానని బెదిరించిందని చెబుతాడు.అందుకే వెంటనే ఇంటికి వచ్చాని చెబుతాడు.
మ్యాడీని త్వరగా రమ్మని చెప్పేందుకు శ్రీలక్ష్మీ అతని రూమ్లోకి వస్తుంది.అప్పుడు అక్కడ ప్రియంవదతో మాట్లాడుతుండటం చూసి చెప్పుడు మాటలు వినడం మాని బుద్ధిగా పూజకు రమ్మని చెబుతుంది. పెళ్లి ఫొటోలు చూపించి బ్లాక్మెయిల్ చేయడం కాదని అనగా.....నా భర్తను ఎలా రక్షించుకోవాలో నాకు తెలుసుని అంటుంది. నువ్వు ఏనాడైనా మొగుడితో కాపురం చేసి ఉంటే...పిల్లల్ని కని పెంచి ఉంటే అప్పుడు నీకు ఆ పెద్దాయన బాధ తెలిసి ఉండేదని అనడంతో...కోపంతో రగిలిపోయిన ప్రియంవద శ్రీలక్ష్మీ చెంప పగులగొడుతుంది. మీరు ఏం చేసినా నా భర్తను నేను రక్షించుకుంటూనే ఉంటానని....మీ నుంచి ఆయన్ను కాపాడుకుంటానని చెప్పి కిందకు వెళ్లిపోతుంది.
ఇరు జంటలు పీటలమీద కూర్చోగా...పంతులుగారూ పూజ మొదలుపెడతారు. శ్రీలక్ష్మీ, సింధూజాక్షి మెడలో మరోసారి పసుపుతాడు కట్టిస్తాడు. దీంతో అందరూ రెండు జంటలను దీవిస్తారు. ఆ తర్వాత ఎవరికి వారు తమ కోరికలను దేవుడిని కోరుకుంటారు. పూజ పూర్తవ్వడంతో అందరూ భోజనాల వద్దకు వెళ్తారు. రాత్రి డిన్నర్కు మునకకాయ పులుసు, మునగ ఆకు కూర, మునగకాయ ఫ్రై చేయడంతో...మ్యాడీకి ఏం అర్థం కాదు. అన్నీ మునగకాయ కూరలే ఎందుకు చేశారని వాళ్ల నాయనమ్మను అడుగుతాడు. మీ తాతయ్యే దగ్గరుండీ ఇవన్నీ చేయించాడని ఇందిర చెబుతుంది.అయినప్పటికీ మ్యాడీకి ఏం అర్థం కాదు.
టాప్ హెడ్ లైన్స్
ట్రెండింగ్ వార్తలు
