Lakshimi Raave Maa Intiki Serial Today February 11th: శ్రీలక్ష్మీ తల్లిదండ్రులను ఘోరంగా అవమానించిన ప్రియంవద...పబ్‌లో మ్యాడీ చెంపపగులగొట్టిన సూర్యనారాయణ

Lakshimi Raave Maa Intiki Serial Today Episode February 11 th: శ్రీలక్ష్మీ తల్లిదండ్రులను ఘోరంగా అవమానించిన ప్రియంవద...పబ్‌లో మ్యాడీ చెంపపగులగొట్టిన సూర్యనారాయణ

లక్ష్మీ రావే మా ఇంటికి టుడే ఏపిసోడ్

Source : youtube

Lakshimi Raave Maa Intiki  Serial Today Episode:  మ్యాడీని  వెతుక్కుంటూ సూర్యనారాయణ, శ్రీలక్ష్మీ పబ్‌కు వెళ్తారు. అప్పటికే ఫుల్‌గా  మందుతాగి  మ్యాడీ  అక్కడ చిందులేస్తుండటం చూసి ఆగిపోతారు. అక్కడ ఉన్న పబ్‌లో వారందరికీ తన కథ మొత్తం మ్యాడీ చెబుతుంటాడు. తన లైఫ్‌లో ఇద్దరు శత్రువులు ఉన్నారని అంటాడు. ఇప్పుడు ఇక్కడికి ఎందుకు  వచ్చావని అడిగితే రిసెప్షన్ నుంచి పారిపోయి వచ్చానని అంటాడు. అదేంటి  ఇష్టం లేకపోతే పెళ్లి నుంచి పారిపోవాలి గానీ....రిసెప్షన్‌ నుంచి ఎందుకు పారిపోయి వచ్చావని అందరూ నిలదీస్తారు. నా ప్రమేయం లేకుండానే ఈ పెళ్లి జరిగిందని చెబుతాడు. నా మొదటి శత్రువు అయిన శ్రీలక్ష్మీకి ఓ తాగుబోతు వాడితో పెళ్లి జరుగుతుంటే అది చూసి ఆనందపడదామని అక్కడికి  వెళ్లానని....అక్కడ కేవలం కూరకోసం గొడవపడి ఆ శ్రీలక్ష్మీ  తన పెళ్లి చెడగొట్టుుకుందని హేళనగా మాట్లాడటం చూసి సూర్యనారాయణకు కోపం వస్తుంది. ఇక  మా ఇంట్లో ఉన్న రెండో శత్రువు మా తాతయ్యని అతను మా ఇంటికే హిట్లరని  ఆయన ఏం చెబితే ఇంట్లో అందరూ  అదే వినాలని  అంటాడు.  ఎంతలా అంటే మా నాన్న కూడా  ఆయన మాటకు ఎదురుచెప్పలేడని చెబుతాడు. మా తాతయ్యే నాకు బలవంతంగా  ఆ శ్రీలక్ష్మీతో తాళి కట్టించాడని అంటాడు. నాకంటూ  ఇంట్లో ఉన్న ఏకైక మద్దతు మా అత్త నుంచే ఉంటుందని..ఆమె నన్ను బాగా  అర్థం చేసుకుంంటుందని తాగిన మత్తులో వాగుతుంటాడు.  
                     ఇంటినుంచి బయటకు వెళ్లిన శ్రీలక్ష్మీ, సూర్యానారాయణ ఇంకారాకపోవడంతో రిసెప్షన్‌కు వచ్చిన బంధువులతోపాటు  కోటేశ్వరరావు, నూకాలు కూడా ఎదురుచూస్తుంటారు.ఇంతలో మ్యాడీ బంధువుల్లో ఒక ఆమె మీరు మీ మనవడు,మనవరాళ్లను పల్లెటూరు సంబంధాలు ఇచ్చి పెళ్లిచేశారంట  కదా అని ఆరా తీస్తుంది. మీరు కోరుకుంటే కోటీశ్వరులు మీ ఇంటి ముందు క్యూ కడతారు కదా ఎందుకు ఇలాంటి సంబంధాలు చేశారనిఅడగ్గా....ప్రియంవద కల్పించుకుని ఆ పల్లెటూరు పెళ్లికూతురు బయటకు వెళ్లిందని వాళ్ల అమ్మానాన్న వీళ్లని అంటుంది. ఎక్కడో నక్కతోక తొక్కితే ఇలాంటి సంబంధం దొరికిందని అనగా...ఇందిరకు కోపం వస్తుంది.నోరు అదుపులో పెట్టుకుని మాట్లాడమని హెచ్చరిస్తుంది.అయినప్పటికీ ప్రియంవద శ్రీలక్ష్మీ తల్లిదండ్రులను అవమానిస్తూనే ఉంటుంది. కేవలం కూర కోసం పెళ్లి సంబంధం చెడగొట్టుకున్నారని అంటుంది. ఆతాగుబోతు బుల్లిరాజు కన్నా  మా మ్యాడీకి ఇచ్చి పెళ్లి చేస్తే ఆస్తి మొత్తం కలిసొస్తుందని పథకం వేసి ఈమెగారు కిరోసిన్ పోసుకున్నట్లు నాటకం ఆడిందని అంటుంది. ఆ శ్రీలక్ష్మీ వద్దువద్దూ  అంటూనే పెళ్లిపీటలు ఎక్కి కూర్చుందని తిడుతుంది. ఈ మాటలకు కోటేశ్వరరావుకు కోపం వస్తుంది.మేం ఏం నాటకాలు ఆడి ఈ పెళ్లి చేయలేదని...మా అమ్మాయి గుణగణాలు నచ్చే మీ నాన్న  ఈ పెళ్లి చేశాడని అంటాడు.
    
                    అక్కడ పబ్‌లోశ్రీలక్ష్మీ గురించి మ్యాడీ తప్పుగా మాట్లాడుతూనే ఉంటాడు. తన మెడలో తనతో మాతాత తాళి కట్టించి నా గొంతుకోశాడని మాట్లాడుతూనే ఉంటాడు. అక్కడ ప్రియంవద కూడా రెచ్చిపోతుంది. ఈ పెళ్లి, రిసెప్షన్‌ ఇష్టం లేక మా మేనల్లుడు గోడదూకి పారిపోయాడని చెప్పడంతో అక్కడ ఉన్న అందరూ నోరు వెళ్లబెడతారు.ఇందరి కల్పించుకుని కోటేశ్వరరావు,నూకాలకు సర్దిచెబుతుండగా...ప్రియంవద ఈరిసెప్షన్ జరగదని అందరూ వెళ్లిపోవాలని చెబుతుంది. నూకాలుకు  కోపం వచ్చి పెద్దయ్యగారు రాగానే మా శ్రీలక్ష్మీని తీసుకుని మేం వెళ్లిపోతామని అంటుంది. అంతలో సూర్యనారాయణ మ్యాడీ వద్దకు వెళ్లి లాగిపెట్టి కొడతాడు. దీంతో మ్యాడీకి మత్తు వదిలిపోతుంది. గల్లాపట్టుకుని మ్యాడీని ఇంటికి లాక్కెళ్లతాడు. నాకు రిసెప్షన్‌ ఇష్టం లేదని...నాకు  పెళ్లి అయిన సంగతి ఎవరికీచెప్పాలనుకోవడం లేదని అంటాడు. ఇప్పుడు మీరు ఇక్కడ చేసిన పని ఏంటని శ్రీలక్ష్మీ నిలదీస్తుంది. మీరు ఇక్కడికి  వచ్చిన సంగతి అక్కడ ఎవరికీ  తెలియదని మర్యాదగా రావాలని కోరుతుంది.