Kruthika Umashankar: పొదరిల్లు సీరియల్ మహాలక్ష్మి.. కృతిక ఉమాశంకర్ గురించి ఆసక్తికర విషయాలు

Kruthika Umashankar: మగువ ఓ మగువా సీరియల్‌తో ‌తెలుగు టెలివిజన్‌కు పరిచయమైన కృతిక ఉమాశంకర్.. పొదరిల్లుతో మంచి ఆదరణ పొందింది.

పొదరిల్లు సీరియల్ మహాలక్ష్మి.. కృతిక ఉమాశంకర్ గురించి ఆసక్తికర విషయాలు

Source : instagram

Show Quick Read

Key points generated by AI, verified by newsroom

• కృతిక ఉమాశంకర్ పొదరిల్లు, మగువ ఓ మగువా సీరియల్స్‌తో ప్రసిద్ధి.
• తన సహజ నటన, హోమ్లీ లుక్స్‌తో తెలుగు ప్రేక్షకులను విపరీతంగా ఆకట్టుకుంది.
• సోషల్ మీడియాలో చురుకుగా ఉంటూ, కంటెంట్ ఉన్న పాత్రలు ఎంచుకుంటుంది.

Kruthika Umashankar: పొదరిల్లు సీరియల్‌తో తెలుగు ప్రేక్షకుల్ని తన నటనతో ఫిదా చేస్తుంది హీరోయిన్ కృతిక ఉమాశంకర్. కర్ణాటకకి చెందిన కృతిక స్టార్ మాలో ప్రసారమవుతున్న 'మగువ ఓ మగువా' సీరియల్‌తో తెలుగు బుల్లితెరకు పరిచయం అయింది. ఇందులో సింధూర క్యారెక్టర్‌లో నటించి మెప్పించింది. ఈ సీరియల్ నడుస్తుండగానే పొదరిల్లు సీరియల్‌లో హీరోయిన్ అయిన మహాలక్ష్మి పాత్ర ఛాన్స్ వచ్చింది. తన సహజసిద్ధమైన నటనతో, హోమ్లీ లుక్స్‌తో తెలుగు ప్రేక్షకులలో మంచి గుర్తింపు తెచ్చుకుంది. ఆమె రియల్ లైఫ్, కెరీర్, సోషల్ మీడియా, ఇతర ఆసక్తికర విశేషాలు తెలుసుకుందాం.

రియల్ లైఫ్

కృతిక పుట్టి పెరిగింది, చదువుకుంది అంతా బెంగళూరులోనే. ఆమెకు చిన్నప్పటి నుండి యాక్టింగ్, కల్చరల్ యాక్టివిటీస్ అంటే చాలా ఇష్టం. చదువు పూర్తి కాగానే మోడలింగ్, కన్నడ ఇండస్ట్రీ ద్వారా తన కెరీర్‌ను స్టార్ట్ చేసింది. షూటింగ్స్ కోసం ప్రస్తుతం హైదరాబాద్, బెంగళూరుల మధ్య ప్రయాణిస్తూ ఉంటుంది.

సీరియల్ కెరీర్

కృతికా కన్నడ టెలివిజన్ పరిశ్రమ ద్వారా నటిగా ఎంట్రీ ఇచ్చింది. అయితే, తెలుగు బుల్లితెర ఆమెకు భారీ క్రేజ్ తెచ్చిపెట్టింది. స్టార్ మా ఛానల్‌లో ప్రసారమవుతున్న 'పొదరిల్లు' సూపర్ హిట్ సీరియల్‌లో 'మహాలక్ష్మి' అనే లీడ్ క్యారెక్టర్‌లో కృతిక నటించింది. ఒక మధ్యతరగతి అమ్మాయిగా, బాధ్యత గల భార్యగా ఆమె చేసిన నటన మహిళా ప్రేక్షకులను విపరీతంగా ఆకట్టుకుంది. ఈ సీరియల్ ఆమె కెరీర్‌కు టర్నింగ్ పాయింట్ అని చెప్పవచ్చు. మగువ ఓ మగువా సీరియల్‌లో 'సింధూర' అనే కీలకమైన పాత్రలో నటించి మెప్పించింది. ఎమోషనల్ సీన్స్‌తో పాటు ఫ్యామిలీ డ్రామాలను పండించడంలో కృతిక తనదైన శైలిని చూపిస్తూ తెలుగులో బిజీ నటిగా మారింది.

సోషల్ మీడియా ఫాలోయింగ్

కృతికా ఉమా శంకర్ సోషల్ మీడియాలో చాలా యాక్టివ్‌గా ఉంటుంది. తన సీరియల్ సెట్స్ నుంచి తెరవెనుక జరిగే ఫన్నీ వీడియోలు, రీల్స్, ఫొటోలను తరచూ షేర్ చేస్తుంటుంది. సంప్రదాయ దుస్తులలో ఆమె పోస్ట్ చేసే ఫొటోలకు నెటిజన్ల నుంచి మంచి రెస్పాన్స్ వస్తుంది. కో-స్టార్స్‌తో కలిసి చేసే ట్రెండింగ్ రీల్స్ ద్వారా సోషల్ మీడియాలో కూడా మంచి ఫాలోయింగ్‌ను సంపాదించుకుంది.

రెమ్యూనరేషన్

టెలివిజన్ పరిశ్రమలో నటీనటుల రెమ్యూనరేషన్ అనేది వారి సీరియల్ రేటింగ్, డిమాండ్, రోజువారీ కాల్షీట్లను బట్టి మారుతుంటుంది. లీడ్ రోల్స్ చేస్తున్న కృతిక ప్రస్తుతం తెలుగు బుల్లితెరపై క్రేజ్ ఉన్న నటి కావడంతో, ఆమెకు రోజుకు సుమారు రూ.15,000 నుంచి రూ.20,000 వరకు పారితోషికం అందుతుందని ఇండస్ట్రీ టాక్.

ఆసక్తికర అంశాలు

కన్నడ అమ్మాయి అయినప్పటికీ, తెలుగు సీరియల్స్‌లో నటిస్తున్నప్పుడు భాషను అర్థం చేసుకుని, డైలాగ్స్ ఎక్స్‌ప్రెషన్స్‌ను పర్ఫెక్ట్‌గా పలికేందుకు ఆమె చాలా హార్డ్ వర్క్ చేశారు. ఇంటర్వ్యూలలో ఆమె మాట్లాడే విధానం చాలా సరళంగా, హుందాగా ఉంటుంది. గ్లామర్ పాత్రల కంటే కంటెంట్ ఉన్న, ప్రేక్షకులకు గుర్తుండిపోయే పాత్రలకే ఆమె ఎక్కువ ప్రాధాన్యత ఇస్తారు. కృతికకు రకరకాల వంటకాలను రుచి చూడటం, ట్రావెలింగ్ అంటే చాలా ఇష్టం.

మరిన్ని చదవండి

బుల్లితెర, బిగ్ బాస్ టు వెండి తెర.. మిస్టర్ పర్ఫెక్ట్ అంబటి అర్జున్ గురించి ఆసక్తికర విషయాలు