Krishna Mukunda Murari Serial Today February 9th: కృష్ణ ముకుంద మురారి సీరియల్: భార్య జడలో పూలు పెట్టిన ఆదర్శ్‌.. మురారికి తినిపించిన ముకుంద!

Krishna Mukunda Murari Serial Today Episode ఆదర్శ్‌ చేతికి దెబ్బ తగలడంతో ముకుంద ఆదర్శ్‌కి తినిపిస్తుంది. దీంతో ఇవాళ్టి ఎపిసోడ్ ఆసక్తికరంగా మారింది.

Image Credit: star maa/YouTube

Krishna Mukunda Murari Today Episode: కృష్ణ, మురారి, ముకుంద, ఆదర్శ్‌లు గుడి దగ్గర కూర్చొంటారు. కృష్ణ ధ్వజస్తంభం నుంచి గంట ఊడిపడటం గురించి ఆలోచిస్తూ ఉంటుంది. ఆదర్శ్‌ ఏం కాదు అని సర్దిచెప్తుంటాడు. ఇంతలో కొబ్బరి చెక్క తగిలి ఆదర్శ్ చేతికి దెబ్బతగులుతుంది. ముకుంద మాత్రం ఏదో ఆలోచిస్తూ ఆదర్శ్‌ని పట్టించుకోదు. 

కృష్ణ: ముకుంద ఏంటి అలా చూస్తున్నావు ఆదర్శ్‌ చేయి నలిగిపోయింది చూడు. 
ముకుంద: ఆదర్శ్‌ని మురారిగా ఊహించుకొని.. చూసుకోవచ్చు కదా చూడు వేలు ఎలా నలిగిపోయిందో.. ఆ గంట పడిపోయినప్పుడే ఇలాంటిది ఏదో జరుగుతుందని అనిపించింది. 
కృష్ణ: చూశారా ఏసీపీ సార్ ఆదర్శ్‌కి చిన్న దెబ్బ తగలగానే ముకుంద ఎలా రియాక్ట్ అయిందో.. 
మురారి: ఇంత అన్యోన్యంగా ఉన్న వీళ్లని పెద్దమ్మ ఎందుకు అనుమానించింది. 
ముకుంద: బాగా నొప్పిగా ఉందా హాస్పిటల్‌కి వెళ్దామా.. 
కృష్ణ: ఓ హాస్పిటల్‌కి వెళ్దామా.. ముకుంద మనసులో అంత ప్రేమ దాచుకొని బయట పడవే.. 
ఆదర్శ్‌: హాస్పిటల్‌కి ఏం అవసరం లేదు తగ్గిపోతుంది. 
కృష్ణ: హా తగ్గిపోతుంది తగ్గిపోతుంది. నచ్చినవారి చేతి స్పర్శ ఇట్టే తొలగించేస్తుంది. దాని ముందు ఏమీ పనికి రావు. 

దారిలో పువ్వులు కనిపిస్తే కృష్ణ కొనమని మురారికి చెప్తుంది. మురారి ఓకే అంటాడు. ఇంతలో ఆదర్శ్‌ మురారిని పిలిచి మీ లేడీస్‌ని నువ్వు చూసుకుంటే సరిపోతుందా మా లేడీస్‌ని నేను చూసుకోవద్దా అని నేను వస్తాను అంటాడు.  అబ్బా వేషాలు అన్న మురారి ఆదర్శ్‌తో నీకు వేలు నలిగింది కదా నువ్వు రావొద్దు అంటాడు. పువ్వులు కొని ఆదర్శ్‌ వాళ్లని పిలుస్తాడు. ఇక ఆదర్శ్‌  ముకుంద తలలో పూలు పెడతాడు. ఇక మురారి కృష్ణ తలలో పెడతాడు. ఇక ముకుంద ఆదర్శ్ పూలు పెడితే మురారిని ఊహించుకుంటుంది. ఆదర్శ్‌ చాలా సంతోషంతో ముకుందకు పూలు పెడతాడు. ఇక తర్వాత రెండు జంటలు కారులో బయల్దేరుతారు. మధ్యలో మురారి కృష్ణ చేతిని పట్టుకుంటాడు. దానికి కృష్ణ మళ్లె పూల వాసనకు ఈయన వెనక వారు ఉన్నారని మర్చిపోయేలా ఉన్నారు అని కారు అద్దం కిందకి దించుతుంది. ఎందుకు అని ఆదర్శ్‌ అడిగితే ఏసీపీ సార్‌కి ఉక్కిరి బిక్కిరి అయిపోతున్నారు అంటుంది. 

అందరూ రెస్టారెంట్‌కి వస్తారు. ఇక అక్కడ ఆదర్శ్‌ చేతికి దెబ్బ తగలడం వల్ల ఫుడ్ తినలేకపోతాడు. ఇక మురారి నేను తినిపించాలా అని అడుగుతాడు. కృష్ణ మురారిని భార్య ఉండగా మీరు తినిపిస్తే తను ఫీలవుతుంది అని అంటుంది. ముకుంద తనను మధ్యలోకి లాగుతారు అనుకున్నాను అని ఇబ్బంది పడుతుంది. ఇక కృష్ణ ముకుందని తన భర్తకు తినిపించమని చెప్తుంది. ఇక ముకుంద తినిపిస్తాను కానీ ఆదర్శ్‌కి కాదు నా మురారికి అని మనసులో అనుకొని మురారిని ఊహించుకొని తినిపిస్తుంది. ఆదర్శ్‌ ముకుందని చూసి హ్యాపీగా ఫీలవుతాడు. ఇక ముకుంద మనసులో దారుణంగా నిన్ను మోసం చేస్తున్నాను అని ఆదర్శ్‌కి సారీ చెప్పుకుంటుంది. ఇక కృష్ణ ఆదర్శ్‌కి తినిపించిన ప్లేట్ లోనే తనకు తినమని చెప్తుంది. దీంతో ఇవాళ్టి ఎపిసోడ్ పూర్తవుతుంది.