Jagadhatri Serial Today JULY 2nd: జగధాత్రి,నిషికను విడగొట్టడానికి దివ్యాంక వేసిన మాస్టర్ ప్లాన్ ఏంటి..? వైజయంతి గురించి నిషిక చెప్పిన నిజం ఏంటి..?
Jagadhatri Serial Today Episode July 2nd: జగధాత్రికి పిల్లల కోసం ఉపవాస దీక్ష చేపట్టిన నిషిక...అక్కాచెల్లెళ్లను విడదీయడానికి దివ్యాంక మాస్టర్ ప్లాన్
Jagadhatri Serial Today Episode: జీతెలుగు ఛానెల్లో ప్రేక్షకులను ఎంతో ఆకట్టుకుంటున్న జగధాత్రి సీరియల్ ఈరోజు మంచి ట్విస్టులతో సాగుతుంది. జగధాత్రికి పిల్లలు లేరని వైజయంతి అవమానించడంతో అక్క కోసం నిషిక 11 రోజుల ఉపవాస దీక్ష చేపడుతుంది. మరోవైపు దివ్యాంకకు ఫోన్ చేసిన వైజయంతికి షాకింగ్ వార్త చెబుతుంది. అదేంటో తెలియాలంటే ఈరోజు జగధాత్రి ఎపిసోడ్ చూడాల్సిందే.
జగధాత్రిని అవమానించిన వైజయంతి
ఆశ్రమంలో రౌడీల బారీ నుంచి తప్పించుకుని వచ్చిన కాచీకి కౌషికి సహా ఇంట్లో అందరూ అండగా నిలుస్తారు. పిల్లలు కావాలంటే మంచి ఆస్పత్రికి వెళ్లి చూపించుకుందామని బుజ్జి చెబుతాడు. ఇంతలో వైజయంతి కల్పించుకుని ఇప్పుడు నీకు ఏం వయసు అయిపోయిందని ఇలా గుళ్లు,ఆశ్రమాల వెంట తిరుగుతున్నావని...నీ కన్నా ముందు పెళ్లయిన జగధాత్రి, కేదార్కు పిల్లులు లేకపోయినా ఎలా రోడ్లపై బలాదూర్గా తిరుగుతున్నారో చూడలేదా అని అంటుంది. పిల్లలు పుట్టకుండా లోపం ఉన్న వాళ్లకే లేని బాధ నీకు ఎందుకు అని అంటుంది. దీంతో జగధాత్రి చాలా బాధపడుతుంది. ఆ మాటలు విన్న నిషిక కోపంతో వాళ్ల అత్తపై మండిపడుతుంది.పిల్లలను ఎప్పుడు కనాలో అది వాళ్ల పర్సనల్ విషయమని గట్టిగా మందలిస్తుంది. జగధాత్రి బాధపడుతూ అక్కడ నుంచి వెళ్లిపోతుంది. నా పిల్లలు తాతయ్య,నాయనమ్మ ఎవరని అడిగితే చెప్పే రోజు, నేను అనాథ కానని నిరూపించుకున్న రోజు తప్పకుండా మేం పిల్లలను కంటామని చెప్పి కేదార్ కూడా అక్కడ నుంచి వెళ్లిపోతాడు.
దివ్యాంక మరో మాస్టర్ ప్లాన్
దివ్యాంకకు ఫోన్ చేసిన వైజయంతి నా కొడుకు కాపురంలోనే నిప్పులు పోయాలని చూస్తావా అని మండిపడుతుంది. దీనికి దివ్యాంక అసలు నేను ఎందుకు అలా చేస్తానని అబద్ధం చెబుతుంది. నీకు ఆ సోనీకి ఏం సంబంధం ఉందని అంత రాత్రి వేళ నువ్వు అక్కడికి వెళ్లావని నిలదీస్తుంది. ఆ అమ్మి మా వాడిని వలలో వేసుకోవాలని చెప్పింది ఎవరని అడుగుతుంది. ఆ సోనీ నీ మనిషే కదా అని అంటుంది. ఇదంతా మీకు ఎవరు చెప్పారని దివ్యాంక అడుగుతుంది. ఆ జగధాత్రి చెప్పిందా అని అడగ్గా...లేదు నిషికనే చెప్పిందని అంటుంది. అసలు సోనీని యువరాజు ఆఫీసులో పెట్టించిందే జగధాత్రి అని...యువరాజు, నిషికను విడదీయడానికే సోనీ యువరాజును బుట్టలో వేసుకునేలా నియమించారని చెప్పడంతో వైజయంతి నోరు వెళ్లబెడుతుంది. ఈ విషయం నిషికకు ఎందుకు చెప్పలేదని అడిగితే...అసలు నేను చెప్పేది నిషిక వింటే కదా అని అంటుంది. ఆ జగధాత్రి ప్రాణాలకు తెగించి నిషికను కాపాడిందని చెబుతుంది కదా అని అంటే...అది కూడా నాటకంలో భాగమేనని చెబుతుంది.ఈ విషయం నిషికకు తెలిసేలా నేను ఓ ప్లాన్ చెబుతాను మీరు చేయండని వైజయంతికి చెబుతుంది.
అక్కకోసం చెల్లి ఉపవాస దీక్ష
ఉదయమే నిషిక పూజ చేయడం చూసి ఇంట్లో అందరూ అశ్చర్యపోతారు. పూజ చేస్తున్న సౌండ్ వింటేనే కోప్పడే నువ్వు ఇంత పొద్దున్నే పూజచేయడం ఏంటని జగధాత్రి చెల్లిని అడుగుతుంది. అయితే ఈరోజు మీ అందరికీ ఇష్టమైన టిఫిన్ రెడీ చేస్తానని ధాత్రి అంటుంది. నేను ఈరోజు నుంచి 11 రోజులు ఉపవాస దీక్ష చేపట్టానని నిషిక అంటుంది. ఎందుకోసమని అడిగితే...మా అక్కకు పిల్లలు లేరని అత్తయ్య అవమానించింది కదా...వాళ్లకు మంచి జరగాలని నేను ఉపవాస దీక్ష చేపట్టానని చెప్పడంతో జగధాత్రి కళ్ల వెంట నీళ్లు తిరుగుతాయి.మా చెల్లి ఇంతలా మారిపోతుందని నేను అస్సలు ఊహించలేదని కేదార్తో అంటుంది. మళ్లీ ఏదైనా జరిగి మా చెల్లి మారిపోతుందేమోనని భయంగా ఉందని అంటుంది. జగధాత్రి కోసం నిషిక చేస్తున్న పనులు చూసి వైజయంతికి చిర్రెత్తుకొస్తుంది.
భద్రం గురించి తెలిసిన నిజం
చిలకమ్మను తీసుకుపోవడానికి భద్రం మళ్లీ రావడమే కాకుండా చిలకమ్మ ఒంట్లో ఉన్న దెయ్యం వదిలించడానికి మాంత్రికుడిని కూడా తీసుకొస్తాడు. అతను పూజల పేరిట చిలకమ్మను కొడుతుండటం చూసి నిషిక అక్కడికి వచ్చి ఆపుతుంది. దీంతో వైజయంతిలో కంగారుమొదలవుతుంది.ఈ భద్రం చిలకమ్మ భర్త కాదని వదినకు , మామయ్యకు తెలియకపోయినా నాకు తెలుసు కదా అని నిలదీస్తుంది. మా అక్క తీసుకొచ్చిన ఈ చిలకమ్మను ఇంట్లో నుంచి బయటకు పంపడానికి అత్తయ్యే వీడికి డబ్బులిచ్చి తీసుకొచ్చిందని చెప్పడంతో ఈరోజు ఎపిసోడ్ ముగిసిపోతుంది.
Before You Go
Gundenininda Gudigantalu Serial August 14 | రోహిణి మైండ్ గేమ్కు మనోజ్ పడిపోతాడా?
టాప్ హెడ్ లైన్స్
ట్రెండింగ్ వార్తలు
