Guppedantha Manasu June 4th (ఈరోజు) ఎపిసోడ్: సాక్షి కారులో వెళ్లిన రిషికి యాక్సిడెంట్- అల్లాడిపోయిన వసుధార
వసుధార మనసులో మాట తెలుసుకున్న రిషి రివర్స్ డ్రామా మొదలు పెడతాడు.. సాక్షితో క్లోజ్గా ఉంటాడు.
తన వద్ద ఉన్న బుక్ను రిషి టేబుల్పై చూసిన వసుధార టెన్షన్ పడుతుంది. బుక్ అక్కడ పెట్టడంపై పుష్పను తిడుతుంది. అందులో సారీ రిషి సార్ సారీ సారీ అని రాసుకొని ఉంటుంది. అది ఎక్కడ తెలిసిపోతుందో అని కంగారు పడుతుంది. పేపర్ చింపేద్దామని వెళ్తుంది కానీ ఇంతలో రిషి వచ్చేస్తాడు.
ఆ పేజ్ను రిషి చూడకూడదు అనుకుంటుంది కానీ. రిషి అదే పేజ్ చూస్తాడు. ఏంటీ ఈ పొగరు ప్రేమ ఉన్నట్టు చేస్తూనే ఏమీ తెలియనట్టు నటిస్తుందని అనుకుంటాడు. ఇంతలో అ పేజ్ను చించేసి తన జేబులో పెట్టుకుంటాడు. వసుధారకు మాత్రం ఆ పేజ్ రిషి చూసిన తర్వాత పరిస్థితి ఏంటన్న టెన్షన్ ఉంటుంది.
క్లాస్ బెల్ మోగుతుంది. పుష్పను పిలిచి పిచ్చిపిచ్చి రాతలు రాసే ఈ నోట్బుక్ను ఇంకోసారి ఇవ్వొద్దని వార్నింగ్ ఇస్తాడు రిషి. అర్థమయ్యే వాళ్లకు అర్థమవుతుందని అంటాడు రిషి.
అంతా క్లాస్ నుంచి వెళ్లిపోతారు. ఒక్క వసుధార మాత్రం లేట్గా వెళ్తుంది. రిషి ఏమైనా అంటాడేమో అని చూస్తుంది. కానీ ఏమీ అనకుండానే వెళ్లిపోతూ... ఆ పేపర్ను డస్ట్ బిన్లో వేస్తాడు.
వాళ్లను జగతి ఫాలో అవుతుంది. రిషి విసిరేసిన ఆ పేపర్ను చూస్తుంది. అందులో వసుధార రాసిన సారీ దండకం రాసి ఉందని... చేసిందంతా చేసి సారీ చెప్పడమేంటని అనుకుంటుంది. ఇంతలో మహేంద్ర వచ్చి ఆ సారీ పేపర్ను చూస్తాడు. ఏంటీ జగతి ఈ సారీలు నావి కాదని... రిషికి వసుధార పంపించిన సారీలు అని వివరిస్తుంది. ఇద్దరి మధ్య ఏం జరుగుతుందో అంటాడు మహేంద్ర. ఇద్దరి మనసుల్లో ప్రేమ ఉన్నప్పటికీ బయటపడలేదే అనుకున్నాం.. తీరా రిషి చెప్పిన తర్వాత వసుధార ఎందుకు ఇలా చేసిందో అర్థం కావడం లేదంటాడు మహేంద్ర. అసలు వీళ్లిద్దరు ఇప్పుడు ఎలా కలుస్తారో అనుకుంటాడు. వీళ్ల ఇద్దరి విషయంలో మీరు కొన్ని తప్పులు చేశారు.... వాటిని సరిదిద్దడానికి మీరు కొత్త తప్పులు చేయాల్సిన పని లేదని జగతి వారిస్తుంది. కాకపోతే మనస్ఫూర్తిగా ఏదైనా ప్రయత్నం చేయమంటుంది. శత్రువులను సైతం కొన్నాళ్లు కలిపి ఉంచితే వాళ్లు కలిసి పోతారు. ఇదేదో బాగుందని అంటుంది జగతి. వాళ్ల మైనస్లను ప్లస్ చేయాలంటే మనమే ఏదో ఒకటి చేయాలంటాడు మహేంద్ర. వాళ్లిద్దర్ని కలిపి ఉంచే ప్రయత్నం చేస్తే వాళ్లే ఒకర్ని ఒకరు అర్థం చేసుకుంటారు అంటాడు.
తన రూమ్లో కూర్చొని ఉన్న రిషికి వసుధారలో ఉన్న వేరియేషన్స్ కనిపిస్తాయి. నాకు ఏమైంది వసుధారను ఎందుకు మర్చిపోలేకపోతున్నాను అనుకుంటాడు రిషి. అంతలా క్లోజ్గా ఉంది. అంది జ్ఞానపకాలు అందించింది. ఇంతలోనే ఎందుకు రిజెక్ట్ చేసింది. నేను వసుధారకు సరితూగనా.. సరిపోనా... నాకేం తక్కువ.. అనుకుంటాడు. ఇంతలో ధరణి వస్తుంది. కాఫీ ఇస్తుంది. ఇలా అడగొద్దని నాకు తెలుసు కానీ తప్పడం లేదు.. ఏమైందని అడుగుతుంది ధరణి. కాఫీ బాగుందని చెప్తాడు. అయినా ధరణి వదలదు... ఇంకా ఏదో అడుగుతుంటే... గౌతమ్ కనిపించడం లేదేంటీ అని అడుగుతాడు. అప్పుడు ధరణికి అర్థమవుతుంది. నీకు చెప్పడం ఇష్టం లేదు కదా అని వెళ్లిపోతుంది.
హాల్లో జగతి బుక్ చదువుతుంటుంది. ఇంతలో సాక్షి వచ్చి పలకరిస్తుంది. నేరుగా రిషి రూమ్లోకి వెళ్తుంటే ఆపుతుంది జగతి. రిషి మూడ్ బాగాలేదని... నువ్వెళ్తే ఇంకా చిరాకుపడతాడని అంటుంది జగతి. అది మీరు ఎలా డిసైడ్ చేస్తారని అంటుంది సాక్షి. ఇంతలో దేవయాని వస్తుంది. రిషి వద్దకు వెళ్తుంటే... వద్దన్నారని దేవయానికి చెప్తుంది సాక్షి. ఆపడానికి నువ్వెవరు జగతి.... సాక్షి రిషికి కాబోయే భార్య అంటుంది దేవయాని. అది మీరు అనుకుంటే సరిపోదని... రిషి అనుకోవాలని అంటుంది... ఇంకా ఆలోచిస్తే... రిషి తల్లిగా నేను అనుకోవాలి.. ఎవరెవరో అనుకుంటే సరిపోదని అంటుంది జగతి.
ఇంతలో రిషి వస్తాడు. అంతా సైలెంట్ అయిపోతారు. ఈ గొడవేమీ చెప్పొద్దని జగతికి చెబుతుంది. ఇంతలో రిషినే అడుగుతాడు ఏం జరుగుతుందని. జరిగింది జగతి చెబుతుంటే... దేవయాని చెబుతుంది. రిషి కలుగుజేసుకొని మీరు ఇంటికి పెద్దవాళ్లు మీరు ఎవరికీ సంజాయిషీ ఇవ్వొద్దని అంటాడు రిషి. నువ్వెందుకు సాక్షీ... నువ్వెందుకు వచ్చావంటూ అడుగుతాడు రిషి. నీ కోసమే వచ్చనంటూ చెబుతుంది. నా కోసం రావద్దని ఇప్పటికే చాలా సార్లు చెప్పానంటూ స్వీట్ వార్నింగ్ మరోసారి ఇస్తాడు రిషి. దేవయానికి కలుగుజేసుకొని ఎందుకు అలా అడుగుతున్నావ్ అని అంటే... మన ఫ్యామిలీకి సంబంధించిన విషయాలు వేరే వాళ్లు ఉన్నప్పుడు డిస్కషన్ దేనికి అంటాడు రిషి. నీ మూడ్ బాగా లేనట్టుంది నేను వెళ్తానని చెప్పేసి వెళ్లిపోతుంది. సాక్షి ముందు ఇంటి విషయాలు చర్చించ వద్దని దేవయానికి చెప్తాడు రిషి. నేను అదే చెప్పానంటూ వివరిస్తుంది జగతి.
కాలేజీ నుంచి ఇంటికి వెళ్లిపోతున్న వసుధారను సాక్షి మళ్లీ కలుస్తుంది. అయినా ఆగకుండా వెళ్లిపోతుంది వసుధార. ఏంటీ చూసి కూడా వెళ్లిపోతానంటుంది వసుధార. అలా ఆగకుండా వెళ్లిపోతే ఎన్నో అడ్డంకులు వస్తాయి వార్నింగ్ ఇస్తుంది సాక్షి. వాటన్నింటినీ తొక్కుకుంటూ వెళ్లిపోతానంటూ చెబుతుంది వసుధార.
రేపటి ఎపిసోడ్
రెస్టారెంట్ నుంచి బయటకు వెళ్దామా అని సాక్షిని అడుగుతాడు రిషి. ఆమె కూడా ఓకే అంటుందీ. ఇది చూసిన రిషి ఫ్యామిలీ, పక్కనే ఉన్న వసుధార షాక్ అవుతారు. అలా సరదాగా వెళ్లిన రిషికి యాక్సిడెంట్ అవుతోంది. అతన్ని ఆసుపత్రికి తరలిస్తుంది వసుధార.
Before You Go
Trinayani Serial Actress Ashika Padukone | 'త్రినయని' ఆషికా రియల్ లైఫ్ సీక్రెట్స్
టాప్ హెడ్ లైన్స్
ట్రెండింగ్ వార్తలు
