Prema Entha Madhuram July 3rd: మాన్సీకి సరైన బుద్ది చెప్పిన అంజలి.. కొత్త ఉద్యోగంలో చేరిన అను?

అంజలి.. ఆఫీస్ లో మాన్సీకి గట్టిగా వార్నింగ్ ఇవ్వడంతో సీరియల్ ఇంట్రెస్టింగ్ గా కొనసాగుతుంది. ఇక ఈరోజు ఎపిసోడ్ లో ఏం జరిగిందో తెలుసుకుందాం.

Image Credit: zee5

Prema Entha Madhuram July 3rd: మాన్సీ ఆఫీస్ లోపలకు బలవంతంగా వెళ్లే ప్రయత్నం చేయటంతో సెక్యూరిటీ అడ్డుకొని సర్ కండిషన్ పెట్టాడు మీరు లోపలికి రావద్దని ఆర్డర్ అని చెబుతాడు. దానితో ఏ సార్ పెట్టాడు అని కోపంతో అడగటంతో.. ఆర్య వర్ధన్ సర్ అంటూ ప్రౌడ్ గా చెబుతుంది అంజలి. ఇక మాన్సీ దగ్గరికి వచ్చి ఇక నీకు ఈ ఆఫీస్ కు ఎటువంటి సంబంధం లేదు అని వెళ్లిపోమని చెబుతుంది.

కానీ మాన్సీ కోపంతో ఎవరు ఆపేది లేదు అని వెళ్తుండగా సెక్యూరిటీ అడ్డు ఆపుతాడు. దాంతో సెక్యూరిటీ చెంప పగలగొడుతుంది. ఇక జరుగుతుందంతా లోపల ఆర్య వాళ్ళు వింటూ ఉంటారు. సెక్యూరిటీని కొట్టడంతో అంజలికి కోపం రావటంతో అతడికి సారీ చెప్పమని అంటుంది. దాంతో మంచి ఆఫ్ట్రాల్ సెక్యూరిటీకి నేనెందుకు సారీ చెప్పాలి అనడంతో.. వెంటనే అంజలి సెక్యూరిటీ గురించి తెలిసేలా అందరు సెక్యూరిటీలను పిలిపిస్తుంది.

ఇక అందరూ వచ్చి మాన్సీ చుట్టుముట్టడంతో వెంటనే భయంతో సారీ చెబుతుంది. ఇక అంజలి అక్కడి నుంచి వెళ్తుండగా.. తన జోలికి వచ్చినందుకు అనుని అడ్రస్ లేకుండా చేశాను అంటూ త్వరలో నిన్ను కూడా పంపించేస్తాను అని అనటంతో.. అంజలి వెనక్కి వచ్చి.. ఆర్యకు అడ్రస్ ఎందుకు లేదు.. తను ఆర్య వర్ధన్ భార్య అంటూ వర్ధన్ ఇంటికి పెద్ద కోడలు అంటూ ఈ ఆఫీస్ కి చీఫ్ అంటూ అను గురించి గొప్పగా చెబుతుంది. ఇక తను ఈ ఇంటికి చిన్న కోడలు అంటూ నీరజ్ వైఫ్ అంటూ చెప్పి అక్కడ నుంచి వెళ్తుంది.

మరోవైపు మదన్ కార్ పాడవడంతో.. అప్పుడే తన పిన్ని ఫోన్ చేయటంతో కార్ ట్రబుల్ ఇచ్చిందని చెబుతాడు. దాంతో ఆవిడ అందుకే క్యాబ్లో వస్తున్నాను అని నేరుగా అంజలి వాళ్ళ ఇంట్లో కలుద్దాము అని అంటుంది. ఇక అంజలి ఆర్య వాళ్లకు డిజైన్ చేసిన కిడ్ టాయ్స్ లోగో చూపించడంతో అందులో ఏఏ టాయ్స్ అని ఉండటంతో ఆర్య అటువైపే ఎమోషనల్ గా చూస్తాడు.

ఆరాధ్య, ఆదిత్య టాయ్స్ అని చెప్పటంతో ఆర్య కళ్ళల్లో ఆనందం కనిపిస్తుంది. ఆ తర్వాత అంజలికి థాంక్స్ చెప్పటంతో అందరూ బయటికి వెళ్తారు. ఆర్య అను గురించి ఆలోచిస్తూ.. నువ్వు దూరంగా ఉన్న నీకు సంబంధించినవి అన్ని దగ్గరలో ఉన్నాయని.. త్వరలోనే నువ్వు ఇంటికి వస్తావన్న నమ్మకం ఉందని అనుకుంటాడు. ఇక ఈవెంట్ మేనేజర్ ప్రీతి ఫోన్లో మాట్లాడుతుండగా అప్పుడే అను, రేష్మ పిల్లల్ని తీసుకొని పర్మిషన్ తీసుకొని లోపలికి వస్తారు.

ప్రీతి వారిని చాలా ఫ్రీగా రిసీవ్ చేసుకుంటుంది. ఇక అను తన పేరు చెప్పకుండా శైదాబాన్ అని మరో పేరు చెబుతుంది. ఇక తనకు అనులో ఉన్న క్వాలిటీస్ నచ్చడంతో జాబు ఇచ్చేస్తుంది. రేష్మ కు కూడా జాబ్ ఇవ్వటంతో ఇద్దరు సంతోషంలో కనిపిస్తారు. ఇక మంచి శాలరీ చెప్పి అడ్వాన్స్ కూడా ఇవ్వటంతో సంతోషపడుతుంది అను.

Join Us on Telegram: https://t.me/abpdesamofficial