Ammayi garu Serial Today September 14th: అమ్మాయి గారు సీరియల్: రూపని కిడ్నాప్ చేసిన గౌతమ్.. రేణుకని బెదిరించి నిజం తెలుసుకున్న రాజు!

Ammayi garu Today Episode రేణుక దగ్గరకు వెళ్లిన రాజు గౌతమ్‌కి కాల్ చేయించి రూప గురించి తెలుసుకోవడంతో ఇవాళ్టి ఎపిసోడ్ ఆసక్తికరంగా మారింది.

Image Credit: Zee5/YouTube

Source : zee5 youtube

Ammayi garu Serial Today Episode రూప కనిపించడం లేదని సూర్యప్రతాప్ ఇంటికి వచ్చి గొడవ చేశాడని ముత్యాలు శ్వేతకి ఫోన్‌లో చెప్తుంది. రూపని వెతకడానికి రాజు కూడా గన్ తీసుకొని వెళ్లాడని చెప్తుంది. శ్వేత, హర్ష షాక్ అవుతారు. ఇక తర్వాత మాట్లాడుకుందామని శ్వేత ఫోన్ పెట్టేస్తుంది. రూప కనిపించడం లేదంటున్నారు కాబట్టి మనం కూడా వెతుకుదామని హర్ష చెల్లితో చెప్తాడు. రూపని వెతికి పట్టుకొని శాశ్వతంగా అడ్డు రాకుండా చేయాలని అంటాడు. 

హర్ష: మన చేతికి మట్టి అంటకుండా రూపని లేపేస్తే. 
శ్వేత: ఇంతకు ముందు ఆ ప్రయత్నం కూడా చేశాను కానీ రాజు, సూర్యప్రతాప్ ఉన్నంత వరకు రూపని టచ్ కూడా చేయలేం.
హర్ష: అయితే రూపని కిడ్నాప్ చేయిద్దాం.
శ్వేత: ఐడియా రూపని దక్కించుకోవాలని ఎన్నో విధాలుగా ప్రయత్నించి ఎప్పటికైనా రూప దక్కుతుందనే ఆశతో బతుకుతున్న అమర ప్రేమికుడు గౌతమ్ ఉన్నాడు. రూప పరిస్థితి గౌతమ్‌కి తెలిస్తే మనకి సాయం చేస్తాడు.
గౌతమ్: చెప్పండి శ్వేత గారు.
శ్వేత: గౌతమ్ నువ్వు ఎగిరి గంతేసే ఒక విషయం చెప్తాను. రాజు, రూపలు విడిపోవాలని చూసే నీ కోరికను ఆ సూర్య ప్రతాప్ నెరవేర్చాడు. 
గౌతమ్: విడిపోవడం కలిసి పోవడం వాళ్లకి అలవాటే కదా. 

రూప మిస్ అయిందని వాళ్ల కంటే ముందే నువ్వు సొంతం చేసుకో అని అంటే గౌతమ్‌ రూపని వెతికిపట్టుకొంటానని అంటాడు. మన ప్లాన్ సక్సెస్ అవుతుందని శ్వేత అన్నతో చెప్తుంది. మరోవైపు రాజు కూడా రూప కోసం వెతుకుతుంటాడు. రూప మిస్ అవ్వడంతో రేణుక హస్తం ఉంటుందని రాజు అనుకుంటాడు. రూప నడుచుకుంటూ వెళ్తుంది. రూపని గౌతమ్ చూస్తాడు. కారు ఆపి రూప దగ్గరకు పరుగులు తీస్తాడు. రూప తన జీవితం రోజుకో మలుపు తిరుగుతుందని అనుకుంటుంది. తండ్రి ప్రేమ కోసం వెతికినప్పుడు తండ్రి దూరం అయ్యాడని భర్త ప్రేమ కోరుకుంటున్నప్పుడు భర్తని దూరం అవుతున్నాడని అనుకుంటుంది. తన భర్త తనకు కావాలని కోరుకుంటుంది. ఇక రూప దగ్గరకు గౌతమ్ వస్తాడు. రూపని లాక్కెళ్తాడు. బలవంతంగా తన కారు ఎక్కించి తీసుకెళ్తుంటాడు.

మరోవైపు రేణుక దొరికి పోయానని తన ముఖం రాజుకు ఎలా చూపించాలో తెలీడం లేదని అనుకుంటుంది. ఇంతలో రాజు రేణుక దగ్గరకు వస్తాడు. రేణుక రాజు అని ప్రేమగా మాట్లాడి ఇప్పటికైనా నా దారికి వచ్చావని అంటే అమ్మాయి గారు ఎక్కడ అని రాజు రేణుకని అడుగుతాడు. ఇక సూర్య ప్రతాప్ ఇంటికి ఆవేశంగా వెళ్లి సాయంత్రంలో రూప ఇంటికి వస్తుంది ఆ రాజే తీసుకొస్తాడని అంటారు. ఇక రాజు రేణుకతో అమ్మాయి గారు లేరని ఏమైందని రేణుకని అడుగుతాడు. రేణుక తనకు తెలీదని చెప్తుంది. రాజు రేణుకకు గన్ గురి పెడతాడు. దాంతో రేణుక ఏడుస్తూ తన మీద ఒట్టు పెట్టుకొని తనకు తెలీదని సీమంతంలోనే చివరి సారిగా చూశానని అంటుంది. 

మరోవైపు గౌతమ్ రూపని ఓ స్టోర్‌ రూంలో పెడతాడు. రాజుకి ఈ విషయం తెలిస్తే నీ ప్రాణం తీసేస్తాడని రూప గౌతమ్తో రూప అంటుంది. దానికి గౌతమ్ రాజు వచ్చే టైంకి నిన్ను నా సొంతం చేసుకుంటానని అంటాడు. కడుపు పోయింది కదా పోయిన ఆ కడుపు నేను ఇస్తానని అంటాడు. రూప చెప్పు తెగుతుందని తిడుతుంది. మరోవైపు రాజు గౌతమ్ మీద అనుమానంతో రేణుకకి గౌతమ్‌కి కాల్ చేయమని చెప్పి స్పీకర్ పెట్టిస్తాడు. గౌతమ్ రూప తన దగ్గరే ఉందని చెప్తాడు. అది విన్న రాజు షాక్ అయిపోతాడు. రూపని సొంతం చేసుకునే పనిలో ఉన్నానని అంటాడు. ఎక్కడున్నావని రేణుక అడిగితే గౌతమ్ లొకేషన్ పంపిస్తాడు. దాంతో రాజు ఆ లొకేషన్‌కి బయల్దేరుతాడు. దీంతో ఇవాళ్టి ఎపిసోడ్ పూర్తయిపోతుంది.