స్క్విడ్ గేమ్ నటుడిపై లైంగిక వేధింపుల కేసు - 78 ఏళ్ల వయసులో ఏంటిలా?
స్క్విడ్ గేమ్ వెబ్ సిరీస్లో ముసలి ఆటగాడి పాత్రలో కనిపించిన ఓ యోంగ్ సుపై లైంగిక ఆరోపణలు వచ్చాయి.
గత సంవత్సరం నెట్ఫ్లిక్స్లో స్ట్రీమ్ అయిన ‘స్క్విడ్ గేమ్’ వెబ్ సిరీస్ ఎంత ఫేమస్ అయిందో తెలిసిందే. ఇందులో నంబర్ వన్ అనే వృద్ధుడి పాత్రను ఎవరూ అంత సులువుగా మర్చిపోలేరు. ఈ పాత్రలో కనిపించిన ఓ యోంగ్-సుపై లైంగిక వేధింపుల ఆరోపణలు వస్తున్నాయి. 78 ఏళ్ల వయసున్న ఓ యోంగ్-సు 2017లో ఒక మహిళను అనుచితంగా తాకినట్లు ఆరోపణలు వచ్చాయి.
ఈ ఆరోపణలు చేసిన బాధితురాలు 2021 డిసెంబర్లో యోంగ్-సుపై ఫిర్యాదు చేసింది. కానీ 2022 ఏప్రిల్లో ఈ కేసును కొట్టేశారు. అయితే బీబీసీ కథనం ప్రకారం అధికారులు "బాధితురాలి అభ్యర్థన మేరకు" మళ్లీ దర్యాప్తును తిరిగి ప్రారంభించారు.
"సరస్సు చుట్టూ దారిని చూపడానికి నేను ఆమె చేతిని మాత్రమే పట్టుకున్నాను." అని ఓ యోంగ్-సు తెలిపాడు. కొరియన్ న్యూస్ బ్రాడ్కాస్టర్ JTBCతో మాట్లాడుతూ, "నేను ఆవిడకు క్షమాపణలు చెప్పాను. ఆవిడ దాని గురించి గొడవ చేయదని తెలిపింది. కానీ దానికి అర్థం నేను ఆరోపణలను అంగీకరించినట్లు కాదు." అన్నారు.
లైంగిక దుష్ప్రవర్తన ఆరోపణలను రావడంతో ఓ యోంగ్-సు నటించిన ప్రభుత్వ వాణిజ్య ప్రకటనను ప్రసారం చేయడాన్ని ఆపివేయాలని సియోల్ సాంస్కృతిక మంత్రిత్వ శాఖ నిర్ణయించింది. ఓ యోంగ్-సు 50 సంవత్సరాలకు పైగా నటిస్తున్నారు. అయితే 'స్క్విడ్ గేమ్'లో అతని పాత్ర అతనికి ప్రపంచ ఖ్యాతిని, ప్రశంసలను తెచ్చిపెట్టింది. ఈ పోటీలో పాల్గొనే అతి పెద్దవాడిగా ‘స్క్విడ్ గేమ్’లో కనిపించారు. దక్షిణ కొరియా టీవీ సిరీస్ 'చాక్లెట్'లో కూడా ఆయన కీలక పాత్రలో కనిపించారు.
View this post on Instagram
View this post on Instagram
టాప్ హెడ్ లైన్స్
ట్రెండింగ్ వార్తలు
