Watch Video: పాముతో పాటేసుకుంది.. దానికి తిక్కరేగి కాటేసింది.. ప్రముఖ సింగర్‌కు చేదు అనుభవం

ఓ పాప్ సింగర్ ఏకంగా పాములతో మ్యూజిక్ ఆల్బమ్ చేయాలనుకుంది. తన ఒంటిపై రెండు పాములను వేసుకొని షూట్ చేసే సమయంలో ఆమెకి ఊహించని ఘటన ఎదురైంది.

ప్రముఖ సింగర్‌కు చేదు అనుభవం

కొంతమంది పాపులారిటీ కోసం కొత్తగా ఏదైనా చేయాలని భావిస్తుంటారు. కొత్తగా ఏదైనా ట్రెండ్ వస్తే.. వెంటనే దానిని ఫాలో అయిపోతుంటారు. ఈ మధ్యకాలంలో పాములతో ఫొటోషూట్స్ బాగా పాపులర్ అవుతున్నాయి. నిజమైన పాములను ముద్దాడుతూ.. ఒంటిపై వేసుకొని రకరకాలు విన్యాసాలు చేస్తున్నారు. దీనికి సంబంధించిన వీడియోలు, ఫొటోలు సోషల్ మీడియాలో వైరల్ అవుతున్నారు. 

అయితే ఓ పాప్ సింగర్ ఏకంగా పాములతో మ్యూజిక్ ఆల్బమ్ చేయాలనుకుంది. తన ఒంటిపై రెండు పాములను వేసుకొని షూట్ చేసే సమయంలో ఆమెకి ఊహించని ఘటన ఎదురైంది. అసలు విషయంలోకి వెళ్తే.. జే-జెడ్‌ లేబుల్ రోక్ నేషన్‌ సంస్థ 21 ఏళ్ల సింగర్ మేతాతో ఓ మ్యూజిక్ వీడియోను షూట్ చేసింది. 

షూటింగ్ లో భాగంగా మేతా నేల మీద పడుకొని పాములను తన శరీరం మీద వేసుకుంటూ పాట పాడుతుంది. అయితే ఇంతలో సడెన్ గా ఒక నల్లపాము సింగర్ ముఖంపై కాటేసింది. దీంతో ఆమె ఒక్కసారిగా షాకై వాటిని పక్కకు నెట్టేసి.. అక్కడ నుంచి వెళ్లిపోయింది. దీనికి సంబంధించిన వీడియోను తన ఇన్స్టాగ్రామ్ లో షేర్ చేసిన ఈ బ్యూటీ 'మీ అందరికోసం ఈ పాట చేయడానికి నేను ఎలాంటి పరిస్థితులను ఎదుర్కొన్నానో చూడండి' అంటూ ఈ వీడియోను షేర్ చేసింది. ప్రస్తుతం ఈ వీడియో సోషల్ మీడియాలో వైరల్ అవుతోంది. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Maeta (@maetasworld)

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి