Radhe Shyam: తమన్ కి క్రేజీ ఛాన్స్ ఇచ్చిన ప్రభాస్.. 'రాధేశ్యామ్' బీజియమ్ అదిరిపోవాలంతే..
ప్రభాస్ నటిస్తోన్న 'రాధేశ్యామ్' సినిమా బ్యాక్ గ్రౌండ్ స్కోర్ కోసం తమన్ ను రంగంలోకి దింపారు.
పాన్ ఇండియా స్టార్ ప్రభాస్ తో కలిసి పనిచేసే అవకాశాన్ని ఓసారి మిస్ అయ్యానని రీసెంట్ గా ఓ ఇంటర్వ్యూలో చెప్పుకొచ్చారు తమన్. ఎలాగైనా.. ప్రభాస్ సినిమాకి మ్యూజిక్ కంపోజ్ చేస్తానని చాలా నమ్మకంగా చెప్పారు. అయితే ఆ అవకాశం ఇంత త్వరగా వస్తుందని మాత్రం తమన్ ఊహించి ఉండరు. ప్రభాస్-పూజాహెగ్డే జంటగా దర్శకుడు రాధాకృష్ణ కుమార్ రూపొందిస్తోన్న 'రాధేశ్యామ్' సినిమా జనవరి 14న విడుదల కానుంది.
అయితే ఈ సినిమా బ్యాక్ గ్రౌండ్ స్కోర్ కోసం తమన్ ను రంగంలోకి దింపారు. ఈ మధ్యకాలంలో తమన్ సాంగ్స్, బీజియమ్ కి మంచి పేరొస్తుంది. ఇటీవల విడుదలైన 'అఖండ' సినిమా సూపర్ హిట్ అవ్వడానికి ప్రధాన కారణం తమన్ అందించిన బ్యాక్ గ్రౌండ్ స్కోర్ అనే చెప్పాలి. ప్రస్తుతం టాలీవుడ్ లో తెరకెక్కుతోన్న భారీ బడ్జెట్ సినిమాలన్నింటికీ తమనే మ్యూజిక్ అందిస్తున్నారు.
ఇప్పుడు ప్రభాస్ 'రాధేశ్యామ్' సినిమాకి కూడా బీజీయమ్ అందించే బాధ్యత తీసుకున్నారు తమన్. ఈ సినిమా హిందీ వెర్షన్ సాంగ్స్ కోసం మిథూన్, అర్మాన్ మాలిక్, అర్జీత్ సింగ్, మనన్ భరద్వాజ్ లను సంగీత దర్శకులుగా తీసుకున్నారు. తెలుగుతో పాటు సౌత్ లో మిగిలిన అన్ని భాషలకు జస్టిన్ ప్రభాకరన్ సంగీత దర్శకుడిగా వ్యవహరిస్తున్నారు. ఇప్పుడు సౌత్ లాంగ్వేజెస్ అన్నింటికీ తమన్ బీజియమ్ అందిస్తున్నట్లు అఫీషియల్ గా వెల్లడించింది యూవీ క్రియేషన్స్.
రెబ‌ల్‌స్టార్ కృష్ణంరాజు స‌మ‌ర్ప‌ణ‌లో గోపీకృష్ణా మూవీస్‌, యువీ క్రియేషన్స్ ప‌తాకాల‌పై ప్ర‌మోద్‌, వంశీ, ప్ర‌శీద ఈ చిత్రాన్ని నిర్మిస్తున్నారు. ప్రస్తుతం ఈ సినిమా పోస్ట్ ప్రొడక్షన్ కార్య‌క్ర‌మాలు జ‌రుగుతున్నాయి. యూర‌ప్ నేప‌థ్యంలో జ‌రిగే పీరియాడిక‌ల్ ల‌వ్‌స్టోరిగా ఈ సినిమాను రూపొందించారు. దాదాపు మూడు వంద‌ల కోట్ల భారీ బడ్జెట్ తో ఈ సినిమాను నిర్మించారు.
We are pleased to welcome the young music maestro @MusicThaman to score the BGM of #RadheShyam for South Languages!#Prabhas @hegdepooja @director_radhaa @justin_tunes @UV_Creations @TSeries @GopiKrishnaMvs pic.twitter.com/S2T1r568IE
— UV Creations (@UV_Creations) December 26, 2021
Also Read: త్రివిక్రమ్ హోమ్ బ్యానర్ లో నవీన్.. త్వరలోనే టైటిల్ అనౌన్స్మెంట్..
Also Read: ఏపీలో థియేటర్లు క్లోజ్.. నిఖిల్ ఎమోషనల్ పోస్ట్..
Also Read:సల్మాన్ ఖాన్ కి పాముకాటు.. హాస్పిటల్ లో ట్రీట్మెంట్..
Also Read:టాలీవుడ్ లో యూనిటీ లేదు.. వైరల్ అవుతోన్న నాని వ్యాఖ్యలు
Also Read:యూవీ క్రియేషన్స్ లో నవీన్ పోలిశెట్టి.. అనుష్కకు జంటగా..
Also Read: 'మా రెండు కుటుంబాల మధ్య 35 ఏళ్ల పోరు..' మెగా,నందమూరి ఫ్యామిలీలపై ఎన్టీఆర్ కామెంట్స్..
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి
టాప్ హెడ్ లైన్స్
ట్రెండింగ్ వార్తలు
