Ghani Movie: మెగాహీరో కోసం పాట పాడిన శంకర్ కూతురు

సౌతిండియన్ స్టార్ డైరెక్టర్ శంకర్ కి ఇద్దరు కూతుళ్లు. రీసెంట్ గా పెద్దమ్మాయి ఐశ్వర్యకు వివాహం చేశారు. ఇక రెండో కూతురు అదితి శంకర్ ఇప్పుడు హీరోయిన్ గా ఎంట్రీ ఇవ్వడానికి సిద్ధమవుతోంది. కార్తి హీరోగా తమిళంలో 'విరుమన్' అనే సినిమాలో నటించింది ఈ బ్యూటీ. త్వరలోనే ఈ సినిమా ప్రేక్షకుల ముందుకు రానుంది. అయితే నటిగా మారకముందే సింగర్ గా ప్రేక్షకులను అలరించబోతుంది. 

వరుణ్ తేజ్ హీరోగా 'గని' అనే సినిమా తెరకెక్కుతోన్న సంగతి తెలిసిందే. ఈ సినిమా షూటింగ్ పూర్తి చేసుకొని విడుదలకు సిద్ధంగా ఉంది. ఇదొక స్పోర్ట్స్ డ్రామా నేపథ్యంలో సాగే కథ. ఈ సినిమాలో తమన్నా ఐటెం సాంగ్ లో కనిపించనుంది. సునీల్ శెట్టి, ఉపేంద్ర లాంటి సీనియ‌ర్లు ఈ సినిమాలో న‌టిస్తున్నారు. ఇప్పుడు మరో స్పెషల్ ఎట్రాక్షన్ గా అదితి శంకర్ పాట పాడింది.

ఈ సినిమాలో 'రోమియో జూలియట్' అనే పాటను ఈ నెల 8వ తేదీన విడుదల చేయనున్నారు. ఈ పాటను అదితి పాడినట్లు తెలుస్తోంది. మ్యూజిక్ డైరెక్టర్ తమన్ కి శంకర్ ఫ్యామిలీతో మంచి అనుబంధం ఉంది. తమన్ ని నటుడిగా పరిచయం చేసింది కూడా శంకరే. ఇప్పుడు శంకర్ డైరెక్టర్ చేస్తోన్న 'RC15'కి తమన్ మ్యూజిక్ అందిస్తున్నాడు. 'గని' సినిమాకి కూడా మ్యూజిక్ డైరెక్టర్ తమన్ అనే సంగతి తెలిసిందే. ఈ సినిమాతో అదితి శంకర్ ని టాలీవుడ్ కి సింగర్ గా పరిచయం చేయబోతున్నారు తమన్. ఇక ఈ సినిమాలో వరుణ్ తేజ్ సరసన బాలీవుడ్ బ్యూటీ సాయి మంజ్రేకర్ హీరోయిన్ గా నటిస్తోంది. అల్లు అరవింద్ సమర్పణలో అల్లు బాబీ-సిద్దు ముద్ద సంయుక్తంగా ఈ సినిమాను నిర్మిస్తున్నారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Aditi Shankar (@aditishankarofficial)

 

 

 

 

 

View this post on Instagram

 

 

 

 

 

 

 

 

 

 

 

A post shared by Geetha Arts (@geethaarts)