Sai Pallavi: సాయి పల్లవి కోరిక... కామెడీ చేస్తానంటోంది!

సాయి పల్లవి మంచి డాన్సర్. అంతకు మించి చక్కటి నటి. ప్రస్తుతం సాయి పల్లవికి ఎటువంటి సినిమాలో నటించాలని ఉందో తెలుసా? #SaiPallavi

సాయి పల్లవి

ఓ ఫన్ స్క్రిప్ట్... సరైన కామెడీ సినిమా కోసం సాయి పల్లవి ఎదురు చూస్తున్నారు. ప్రస్తుతం అటువంటి సినిమా చేయాలని కోరుకుంటున్నారు. ఎవరైనా కామెడీ కథతో సాయి పల్లవి దగ్గరకు వెళితే... కథతో మెప్పిస్తే... ఆమె సినిమా ఓకే చేసే అవకాశాలు ఉన్నాయి.

'లవ్ స్టోరి'తో ఈ ఏడాది సాయి పల్లవి తెలుగు ప్రేక్షకుల ముందుకొచ్చారు. అంతకు 'పడి పడి లేచె మనసు', 'మిడిల్ క్లాస్ అబ్బాయి' (ఎంసీఏ), 'ఫిదా' చేశారు.  ఆమె సినిమాలు గమనిస్తే... ఎక్కువగా ఎమోషనల్ క్యారెక్టర్లు చేశారు. రాబోయే 'విరాట పర్వం'లో కూడా ఎమోషనల్ రోల్. అటు తమిళ సినిమాల్లోనూ సీరియస్, ఎమోషనల్ రోల్స్ చేశారు. అందుకని, కామెడీ సినిమా చేయాలని ఉందని తన మనసులో కోరికను బయట పెట్టరేమో! 'నెక్స్ట్ ఎటువంటి సినిమా చేయాలని ఉంది?' అని ఇన్‌స్టాగ్రామ్‌లో ఒక‌రు అడిగితే... 'ఫన్ స్క్రిప్ట్... ప్రోపర్ కామెడీ ఫిల్మ్' అని ఆన్సర్ ఇచ్చారు.

ఇంట్లో ఉన్నప్పుడు, ఖాళీ సమయాల్లో ఏం చేశారని మరొకరు అడగ్గా... తింటున్న, నిద్రపోతున్న ఫొటోలను సాయి పల్లవి పోస్ట్ చేశారు. అంటే... ఖాళీగా ఉన్నప్పుడు చక్కగా భోజనం చేసి, నిద్రపోతానని చెప్పారు. ఇటీవల చూసిన సినిమాల్లో హాలీవుడ్ ఫిల్మ్ 'డ్యూన్', బాలీవుడ్ ఫిల్మ్ 'సర్దార్ ఉద్ధమ్' నచ్చాయని సాయి పల్లవి తెలిపారు.

ప్రస్తుతం సాయి పల్లవి చేతిలో రెండు తెలుగు సినిమాలు ఉన్నాయి. ఒకటి... 'శ్యామ్ సింగ రాయ్'. 'ఎంసీఏ' తర్వాత నానితో ఆమె నటించిన చిత్రమిది. మరొకటి... 'విరాట పర్వం'. ఇందులో దగ్గుబాటి రానా. ఈ రెండు సినిమాల చిత్రీకరణ పూర్తయ్యింది. కొత్త చిత్రాలు చర్చల దశలో ఉన్నాయి. సాయి పల్లవి మాటలు చూస్తుంటే... నెక్స్ట్ మంచి కామెడీ సినిమా చేసేలా ఉన్నారు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి