అన్వేషించండి

RRR: 'ఆర్‌ఆర్‌ఆర్‌' బ్లాస్టింగ్ బీట్స్.. సెకండ్ సాంగ్ ఎప్పుడంటే..?

'ఆర్‌ఆర్‌ఆర్‌' సినిమా నుంచి మరో అప్డేట్ కూడా వచ్చింది. అదేంటంటే సినిమాలో సెకండ్ సాంగ్‌ ను ఎప్పుడు రిలీజ్ చేయబోతుందో.. ట్విట్టర్‌ వేదిక చిత్ర యూనిట్‌ ప్రకటించింది.

By : ABP Desam | Updated at : 05 Nov 2021 10:20 PM (IST)

'ఆర్‌ఆర్‌ఆర్‌' బ్లాస్టింగ్ బీట్స్

'బాహుబలి'తో టాలీవుడ్ రేంజ్ మార్చేసిన రాజమౌళి తర్వాతి ప్రాజెక్ట్ ‘ఆర్ఆర్ఆర్’ పై భారీ అంచనాలున్నాయి. ఈ చిత్రంలో మెగా-నందమూరి వారసులు నటిస్తుండడంతో క్రేజ్ ఓ రేంజ్‌లో ఉంది. ఈ సినిమాను వచ్చే సంవత్సరం జనవరి 7వ తేదిన విడుదల చేయబోతున్నారు. రిలీజ్ డేట్ దగ్గర పడుతుండడంతో సినిమా ప్రమోషన్లు కూడా మొదలుపెట్టారు. ఇటీవల దీపావళి సందర్భంగా 'ఆర్‌ఆర్‌ఆర్‌' గ్లింప్స్ ను విడుదల చేసి అభిమానుల్లో జోష్ పెంచారు.

Also Read: యాక్సిడెంట్ తరువాత తేజు ఫస్ట్ పిక్..

45 సెకన్ల నిడివి ఉన్న ఈ వీడియో సినిమాపై అంచనాలను పెంచేసింది. దీనిపై మొత్తం ఇండస్ట్రీ స్పందించింది. అభిమానులైతే ఈ విజువల్ ట్రీట్ కోసం ఆసక్తిగా ఎదురుచూస్తున్నారు. ఇప్పుడు 'ఆర్‌ఆర్‌ఆర్‌' సినిమా నుంచి మరో అప్డేట్ కూడా వచ్చింది. అదేంటంటే సినిమాలో సెకండ్ సాంగ్‌ ను ఎప్పుడు రిలీజ్ చేయబోతుందో.. ట్విట్టర్‌ వేదిక చిత్ర యూనిట్‌ ప్రకటించింది.

'బ్లాస్టింగ్ బీట్స్.. హై వోల్టేజ్ డ్యాన్స్ నంబర్, నవంబర్ 10న' అంటూ సెకండ్‌ సాంగ్‌కు సంబంధించిన ఓ పోస్టర్‌ను విడుదల చేశారు. ఈ పోస్టర్‌లో ఎన్టీఆర్‌, రామచరణ్‌ స్టెపులేస్తూ కనిపించారు. డాన్స్ లో ఈ ఇద్దరికీ సాటిలేరెవ్వరూ.. అలాంటిది వీరిద్దరూ కలిసి ఒక సాంగ్ లో డాన్స్ చేస్తే.. ఎలా ఉంటుందో చెప్పనక్కర్లేదు. నవంబర్ 10న ఫ్యాన్స్ కు పండగే ఇంక.